Morgunblaðið - 08.03.2008, Síða 4

4 LAUGARDAGUR 8. MARS 2008 MORGUNBLAÐIÐ
FRÉTTIR
Eftir Andra Karl
andri@mbl.is
FRAMKVÆMDASVIÐ Reykjavík-
urborgar sinnti margvíslegu eftirlits-
hlutverki á verktíma framkvæmd-
anna við Laugardalsvöll. Fulltrúi
sviðsins sat m.a. reglulega verkfundi
og hlutaðist til um framkvæmdina,
s.s. hvað varðar verkgæði og um-
gengni og öryggismál á vinnustaðn-
um. Þetta er meðal þess sem kemur
fram á minnisblaði sviðsins sem innri
endurskoðun Reykjavíkurborgar
óskaði eftir. Aðkoma sviðsins að
kostnaðargát vegna framkvæmdanna
var hins vegar lítil sem engin.
Líkt og greint hefur verið frá í fjöl-
miðlum hefur KSÍ farið fram á það
við borgina, að hún greiði umfram-
kostnað sem leiddi af framkvæmdun-
um – alls tæpar 400 milljónir króna.
Virðist sem margt hafi misfarist í
samskiptum KSÍ og borgarinnar,
umboð hafi verið óljóst og aðeins tví-
vegis boðað til fundar byggingar-
nefndar.
„Yfirferð reikninga og samþykkt
þeirra var í höndum verkefnastjóra
verksins og greiðslur fóru í gegnum
bókhald KSÍ. Teljum við þessa stöðu
og jafnframt framkvæmd KSÍ á
samningnum vera ástæðu þess að
kostnaðargát af hálfu sviðsins var lítil
sem engin. Verkefnastjóri mun þó
hafa haft samráð við KSÍ um af-
greiðslu mála gagnvart verktaka, s.s.
aukaverka, magnbreytinga o.fl.,“ seg-
ir m.a. á minnisblaðinu. Þá er jafn-
framt vísað til úttektar Kristins J.
Gíslasonar verkfræðings, sem fram-
kvæmdasvið fékk hann til að gera, en
í henni kemur fram að ákvarðanir
sem leiddu til kostnaðaraukningar
hafi verið teknar án þess að bera þær
undir framkvæmdaráð.
Samningurinn óhefðbundinn
Eftir því sem fram kemur á minn-
isblaðinu var samningurinn milli
Reykjavíkurborgar og Knattspyrnu-
sambands Íslands um margt óhefð-
bundinn. Leiddi það til þess að hefð-
bundnar verklagsreglur sviðsins giltu
ekki og hlutverkaskipti milli fram-
kvæmdasviðs, KSÍ og byggingar-
nefndar varð ekki nægilega skýrt.
Sérstaklega er bent á ákvæði 3.
greinar samningsins, en þar segir:
„KSÍ tekur að sér hönnun, útboð,
framkvæmdir og fjármögnun við ný-
byggingu við eldri áhorfendastúku.“
Sökum þess yfirfór framkvæmdasvið
ekki hönnunargögn á sama hátt og í
verkefnum sem eru alfarið á ábyrgð
þess. „Stór hluti af kostnaðaraukn-
ingunni í verkinu felst síðan í röngum
magntöluskrám. Röngum tölum hvað
varðar járnamagn og sjónsteypu, svo
dæmi sé tekið. Það gleymdist að
reikna virðisaukaskatt á hönnun auk
þess sem hönnunarkostnaður var lágt
áætlaður í svo flóknu mannvirki sem
hér var verið að hefja byggingu og
endurnýjun á,“ segir á minnisblaðinu
og einnig að mikilvægt sé að þær
ástæður komi skýrt fram, þar sem
breytingar og viðbætur í byggingunni
sjálfri á byggingartíma hafi ekki ein-
göngu valdið umframkostnaði.
Strax í upphafi lagði framkvæmda-
svið á það áherslu að gerð yrði kostn-
aðaráætlun þar sem kostnaður yrði
vel greindur niður á verkþætti eins og
þeir skiptust milli KSÍ og Reykjavík-
urborgar. Jafnframt var KSÍ bent á
að formlegt samþykki Reykjavíkur-
borgar hafi þurft á hlut borgarinnar í
kostnaði. „Hér [kom] strax fram mis-
munandi sýn KSÍ og framkvæmda-
sviðs á samninginn. Erfiðlega gekk að
fá þessa kostnaðaráætlun unna en
hún er fylgiskjal samningsins við
KSÍ. Aftur [leiddi] samningurinn og
ákvæði hans til þess að hlutverk og
ferlar [voru] óvanalegir.“
Kostnaðargát
lítil sem engin
Hlutverkaskipting ekki nægilega skýr
Glæsilegur Þjóðarleikvangurinn.
Í HNOTSKURN
»Borgarráð fór fram á það viðinnri endurskoðun að skoðuð
yrðu samskipti borgarinnar og
KSÍ vegna framkvæmda við
Laugardalsvöll.
»Oddvitar Sjálfstæðisflokksog Samfylkingarinnar eru
sammála um að margt hafi þar
misfarist.
»Forsvarsmenn KSÍ segja náiðsamráð hafa verið haft við
borgina allan verktímann og
framkvæmdin að engu ólík bygg-
ingu nýrrar stúku árið 1997.
ALYN Smith
hefur setið á
Evrópuþinginu
fyrir hönd
skoska Þjóðar-
flokksins síðan
2004. Hann flutti
erindi á ráð-
stefnu utanríkis-
málanefndar og
fastanefndar
ESB um Evrópumál í gær. Í samtali
við Morgunblaðið segir Smith flokk
sinn Evrópusinnaðan en um leið
mjög mótfallinn hinni sameiginlegu
sjávarútvegsstefnu ESB. „Þetta er
á vissan hátt Pollýönnustefna og
hefur verið algjört stórslys fyrir
evrópsk fiskveiðisamfélög og fisk-
stofna,“ segir Smith.
Nú er tækifærið
Stefnt er að þjóðaratkvæða-
greiðslu í Skotlandi árið 2010 um
sjálfstæði frá Bretlandi. Þar er nú
mikill suðupottur umræðu, ekki síst
um hvernig sjálfstætt Skotland
skuli haga utanríkismálum sínum,
en Smith telur meiri líkur en minni
á því að Skotar kjósi sjálfstæði eftir
tvö ár. Sjálfstæðið segir hann mun
mikilvægara mál í huga flestra en
aðild að ESB, sem velti einfaldlega
á hagfelldum samningum. Samhliða
sjálfstæði myndu Skotar því öðlast
umtalsvert vogarafl í aðildarviðræð-
um sem gæti orðið enn máttugra
með samvinnu við Færeyjar, Írland,
Ísland og Noreg. Hann segir þær
raddir heyrast að stór ESB-ríki
myndu ekki samþykkja sjálfstæða
aðild Skotlands af ótta við að setja
fordæmi fyrir þjóðfélagshópa heima
fyrir, eins og Baska í tilfelli Spánar.
„En Skotar eru rík þjóð og virkir
þátttakendur í Evrópusamstarfi.
Við höfum þegar fulltrúa á þinginu
og leggjum meira til sambandsins
en við þiggjum frá því efnahagslega.
Það er því fjarstæðukennt að sam-
bandið vilji ekki halda okkur inni.
Við þurfum að beita þessu vogarafli.
Nú er stóra tækifærið til að segja:
Við viljum vera í ESB, en bara ef
sjávarútvegsstefnan breytist.“
Hann segir núverandi kerfi fyrst
og fremst lélegt því það byggist á
hugmyndafræði um að allar auðlind-
ir skuli vera sameiginlegar. Þetta
gangi ekki upp og orsaki vitleysu
eins og þá að landlukt ríki taki
ákvarðanir um stefnuna, án þess að
hafa mikla hagsmuni af útkomunni.
Til að breyta stefnunni þurfi aðild-
arríki að gera hana að sínu aðalmáli,
sem hafi einfaldlega ekki gerst áð-
ur.
Trúverðugt samstarf
„Skoska heimastjórnin mun
senda íslensku ríkissstjórninni
formlegt boð til sameiginlegs fundar
í Skotlandi með sjávarútvegsráð-
herrum. Forsætisráðherrann viðr-
aði þessar hugmyndir við stjórnvöld
í Ósló síðasta þriðjudag. Við trúum
ekki öðru en að þessi lönd eigi sam-
eiginlega hagsmuni í sjávarútvegs-
málum og vilji þrýsta á um breyt-
ingar í sameiningu. Íslendingar hafa
kerfi sem virkar og við lítum til ykk-
ar sem uppsprettu mikillar reynslu
og þekkingar. Við höfum reynslu af
kerfi ESB og mótaðar hugmyndir
um hverju þarf að breyta.“
Verði leiðarvísir að kerfi sem
virkar betur mótaður telur Smith
fyrrnefnd ríki eiga raunhæfan
möguleika á því að breyta stefnunni,
því sjávarútvegur sé ekki stórt mál
hjá meirihluta aðildarlandanna.
„Þetta væri afar öflugt í stjórnkerf-
inu, því þetta væri mjög trúverðugt.
Ég get heldur ekki séð að Íslend-
ingar tapi á svona samstarfi, án
þess að ég sé neitt að dæma um
hvort Íslendingar ættu að ganga í
ESB eða ekki,“ segir hann.
Það er hægt að breyta
sjávarútvegsstefnu ESB
Norðlægar fiskveiðiþjóðir finni grundvöll samvinnu sín á milli
Í HNOTSKURN
»Smith er 35 ára gamall lög-fræðingur. Hann er Skoti en
ólst um tíma upp í Sádi-Arabíu.
»Hann var kjörinn til Evrópu-þingsins 2004 og er meðlimur
í Skoska þjóðarflokknum, sem nú
fer með heimastjórn Skotlands.
»Skotar munu kjósa um sjálf-stæði árið 2010. Velji þeir
sjálfstæði öðlast þeir töluvert
vogarafl í viðræðum við ESB um
sjálfstæða aðild, að sögn Smiths.
Alyn Smith
Eftir Guðbjörgu Sif Halldórsdóttur
FRÉTTAMENNSKA virðist vera börnunum í leikskól-
anum Grænatúni í Kópavogi í blóð borin, en síðastliðið
ár hafa fréttadagar verið haldnir á föstudagsmorgnum.
Þá velja börnin sér frétt sem þau koma með útklippta í
skólann og útskýra um hvað hún fjallar. Þessi nýbreytni
hefur vakið mikla kátínu hjá krökkunum, sem eru dug-
legir við að velja sér skemmtilegar fréttir og deila með
hinum.
Meðal vinsælustu fréttanna eru íþróttafréttir, en
margir strákanna spila fótbolta og fylgjast með því hvað
gerist í þeim heimi. Svo eiga sumir þeirra pabba sem
stunda íþróttir, eins og Andri Már, en pabbi hans leikur
fótbolta með HK.
Andri valdi einmitt frétt um liðið hans pabba og út-
skýrði hana svona: „Hann fór eitthvert til annars lands
sem var samt á Íslandi. Hann er að fara að spila fótbolta,
í æfingaferð sko.“
Marta kom með frétt um fermingarstelpur sem
mamma hennar hjálpaði henni að velja og Eva kom með
frétt um lögregluhunda í Þýskalandi. „Hún er um hunda
sem fóru í skó. Það er svo þeir stígi ekki á glerbrot.“
Guðrún Sæmundsdóttir leikskólakennari segir að
fréttadagur veki mikla kátínu hjá börnunum. „Þau
mega klippa út og koma með þá frétt sem þeim finnst
áhugaverðust og á föstudögum lesum við þær upp og
spjöllum um hvað hafi verið í fréttum,“ segir Guðrún.
Það eru þó enn sem komið er myndirnar sem eiga hug
og hjarta barnanna, en stundum koma þau einungis með
útklipptar myndir í skólann og skilja fréttirnar eftir
heima. Myndir af dýrum eru í sérstöku uppáhaldi hjá
litla fólkinu.
Fermingarstelpur og hundar sem fara í skó
Fréttakona Marta María Árnadóttir sýnir börnunum
fréttina sem hún valdi sér með hjálp mömmu sinnar.
Börnin flytja fréttir
Morgunblaðið/Árni Sæberg
Kátir krakkar Elstu börnin í Grænatúni samankomin. Á föstudögum eru fréttadagar í skólanum og börnin velja
þá fréttir og koma með í skólann. Þau velja fréttirnar gjarnan út frá myndunum sem þeim fylgja.
HÉRAÐSDÓMUR Reykjavíkur
hefur dæmt konu á 28. aldursári í
átta mánaða skilorðsbundið fangelsi
fyrir meiri háttar brot gegn skatta-
lögum og lögum um bókhald. Kon-
unni og verktakafyrirtækinu Lauf-
felli, þar sem hún starfaði sem
framkvæmdastjóri og stjórnarmað-
ur, er að auki gert að greiða óskipt
78 milljónir króna í sekt til ríkissjóðs
og 362 þúsund kr. í þóknun lög-
manns.
Konan játaði fyrir dómi skýlaust
háttsemina, en m.a. voru ekki staðin
skil á staðgreiðslu opinberra gjalda
vegna tímabilanna nóvember og des-
ember 2006 og febrúar til og með
júní 2007, samtals tæpar 12 milljónir
króna. Þá kom hún félaginu undan
því að standa ríkissjóði skil á 40
milljónum tæpum í formi virðisauka-
skatts.
Dómurinn virti konunni það til
málsbóta að hún hefði gengist greið-
lega við öllum brotunum og lagt sitt
af mörkum við að upplýsa málið.
Einnig var litið til þess að hún hefði
hreint sakarvottorð og óvænt lent í
stjórnunarstöðu sökum tilfallandi
aðstæðna. Störf hennar hefðu fram-
an af verið kauplaus og fyrrverandi
eiginmaður hennar haft með hönd-
um ákvarðanatöku í öllum stærri
málum. Sjálf hefði konan enga þekk-
ingu á fyrirtækjastjórnun og ekki
verið kunn lögum um bókhald, skil-
um á sköttum og launatengdum
gjöldum. Einnig var litið til þess að
konan hefði ekki hagnast sjálf á
brotunum og vangoldinn virðisauka-
skattur runnið beint í daglegan
rekstur fyrirtækisins.
Héraðsdómarinn Jónas Jóhanns-
son kvað upp dóminn. Björn Þor-
valdsson saksóknari sótti málið af
hálfu ákæruvaldsins og Guðmundur
Ómar Hafsteinsson hdl. varði kon-
una og Lauffell.
Þarf að greiða 78
milljónir kr. í sekt
Hafði enga þekkingu á bókhaldslögum