Morgunblaðið - 08.03.2008, Side 38

38 LAUGARDAGUR 8. MARS 2008 MORGUNBLAÐIÐ
MINNINGAR
AKRANESKIRKJA | Guðsþjónusta kl.
14. Úrsúla Árnadóttir guðfræðingur pre-
dikar, sr. Skírnir Garðarsson þjónar fyrir
altari.
ÁRBÆJARKIRKJA | Fjölskylduguðsþjón-
usta kl. 11 þar sem sunnudagaskólinn
er keyrður saman við hefðbundið
messuform. Í fjölskyldumessum er
sungið, dansað og leikið og sprellað,
allt eftir því hvernig stemmingin er
hverju sinni. Á eftir er boðið upp á kaffi,
djús og meðlæti.
ÁSKIRKJA | Sunnudagaskóli kl. 11 í
umsjá Elíasar og Hildar Bjargar. Messa
kl. 14. Sr. María Ágústsdóttir héraðs-
prestur predikar og þjónar fyrir altari.
Kór Áskirkju syngur, organisti Magnús
Ragnarsson. Kaffisopi í boði sókn-
arnefndar Áskirkju í safnaðarheimilinu
að messu lokinni.
BESSASTAÐASÓKN | Sunnudagaskóli
kl. 11 í hátíðarsal Álftanesskóla. Söng-
ur, brúðuleikrit og biblíufræðsla. Sunnu-
dagaskólafræðarar eru Matta, Bolli Már
og Sunna Dóra. Boðið er upp á hress-
ingu eftir sunnudagaskólann.
BORGARNESKIRKJA | Barnaguðsþjón-
usta kl. 11.30. Messa kl. 14. Kór eldri
borgara syngur undir stjórn Jóns Þ.
Björnssonar.
BRAUTARHOLTSKIRKJA Kjalarnesi |
Messa í Klébergsskóla kl. 11. Léttur há-
degisverður að messu lokinni og að-
alsafnaðarfundur. Gunnar Kristjánsson
sóknarprestur.
BREIÐHOLTSKIRKJA | Sunnudagaskóli
kl. 11. Skaftfellingamessa kl. 14. Sr.
Haraldur M. Kristjánsson, prófastur í
Vík, predikar, núverandi og fyrrverandi
prestar úr Vestur-Skaftafellssýslu þjóna
fyrir altari. Söngfélag Skaftfellinga í
Reykjavík undir stjórn Friðriks Vignis
Stefánssonar syngur við messuna
ásamt félögum úr kirkjukórum Víkur- og
Kirkjubæjarklaustursprestakalla, org-
anisti Julian Isaacs. Eftir messu verður
kaffisala í safnaðarheimili kirkjunnar á
vegum Skaftfellingafélagsins.
BÚSTAÐAKIRKJA | Fermingarguðsþjón-
ustur kl. 10.30 og 13.30. Kór Bústaða-
kirkju syngur, organisti Renata Ivan,
prestur sr. Pálmi Matthíasson.
DIGRANESKIRKJA | Messa kl. 11.
Prestur sr. Gunnar Sigurjónsson, org-
anisti Kjartan Sigurjónsson, kór Digra-
neskirkju B-hópur. Sunnudagaskóli á
sama tíma í kapellu á neðri hæð. Léttur
málsverður í safnaðarsal að messu lok-
inni.
DÓMKIRKJAN | Messa kl. 11. Sr. Anna
Sigríður Pálsdóttir predikar, Dómkórinn
syngur, organisti er Marteinn Frið-
riksson. Barnastarf á kirkjuloftinu með-
an á messu stendur.
FELLA- OG Hólakirkja | Guðsþjónusta kl.
11. Prestur sr. Svavar Stefánsson, kór
Fella- og Hólakirkju leiðir almennan
safnaðarsöng undir stjórn Guðnýjar Ein-
arsdóttur, kantors kirkjunnar. Kirkjuvörð-
ur og meðhjálpari er Jóhanna F. Björns-
dóttir. Sunnudagaskóli er á sama tíma í
safnaðarheimili kirkjunnar, Þórey Dögg
og Jón Guðbergsson sjá um sunnudaga-
skólann. fellaogholakirkja.is
FRÍKIRKJAN Hafnarfirði | Sunnudaga-
skóli kl. 11. Kvöldvaka með ferming-
arbörnum og foreldrum kl. 20. Esther
Jökulsdóttir söngkona syngur með kór
og hljómsveit kirkjunnar, stjórnandi er
Örn Arnarson. Prestarnir bjóða ferming-
arbörnum sínum og foreldrum þeirra til
fermingarveislu í safnaðarheimilinu að
lokinni kvöldvöku. Sigríður Kristín og
Einar.
FRÍKIRKJAN Kefas | Sunnudagaskóli kl.
11. Kennsla, leikir, söngur o.fl. Almenn
samkoma kl. 14. Sigrún Einarsdóttir
predikar, lofgjörð, barnastarf og fyr-
irbænir. Að samkomu lokinni verður
kaffi og samfélag. Einnig verður verslun
kirkjunnar opin.
FRÍKIRKJAN Reykjavík | Fermingarguð-
sþjónusta kl. 14. Fermd verða Agnes
Engilráð Scheving, Aldís Mjöll Geirs-
dóttir, Alexander Freyr Sveinsson, Björg-
vin Andri Björgvinsson, Jóhann Markús
Hjaltason, Kristín Ylfa Hólmgrímsdóttir,
Thelma Sif Þórarinsdóttir og Tómas
Darri Þorsteinsson. Nánari uppl. á fri-
kirkjan.is. Um ferminguna sjá Hjörtur
Magni Jóhannsson og Ása Björk Ólafs-
dóttir, tónlistina leiða Anna Sigríður
Helgadóttir og Carl Möller. Altarisganga.
FÆREYSKA sjómannaheimilið | Sam-
koma kl. 17. Símun Hansen predikar,
færeyskur söngur. Kaffi og spjall eftir
samkomu.
GRAFARVOGSKIRKJA | Guðsþjónusta
kl. 11. Sr. Lena Rós Matthíasdóttir pre-
dikar og þjónar fyrir altari, unglingakór
kirkjunnar syngur, stjórnandi Svava
Kristín Ingólfsdóttir, organisti Aðalheiður
Þorsteinsdóttir. Fermd verður Anna Kar-
en Birgisdóttir, Krosshömrum 23. Guðs-
þjónusta á Hjúkrunarheimilinu Eir kl.
15.30. Séra Vigfús Þór Árnason predik-
ar og þjónar fyrir altari, Þorvaldur Hall-
dórsson syngur.
Borgarholtsskóli Sunnudagaskóli kl.
11. Prestur séra Vigfús Þór Árnason.
Umsjón Hjörtur og Rúna, undirleikari
Stefán Birkisson. Sunnudagaskóli kl. 11
í Borgarholtsskóla. Prestur séra Bjarni
Þór Bjarnason, umsjón Gunnar og
Dagný, undirleikari Guðlaugur Vikt-
orsson.
GRENSÁSKIRKJA | Morgunmatur kl. 10,
bænastund 10.15. Barnastarf kl. 11, í
umsjá Lellu, Lilju o.fl. Messa kl. 11. Alt-
arisganga. Skúli Svavarsson kristniboði
predikar. Samskot til kristniboðsins.
Messuhópur. Félagar úr kirkjukór leiða
söng, organisti Árni Arinbjarnarson,
prestur Ólafur Jóhannsson. Molasopi
eftir messu. Tómasarmessa kl. 20. Fjöl-
breytt tónlist, fyrirbæn, orð Guðs, heilög
kvöldmáltíð.
GRUND dvalar- og hjúkrunarh. | Guðs-
þjónusta kl. 14. Organisti Kjartan Ólafs-
son, prestur sr. Sveinbjörn Bjarnason.
HAFNARFJARÐARKIRKJA | Boð-
unardagur Maríu. Guðsþjónusta kl. 11.
Prestur Þórhallur Heimisson, ræðuefni
María móðir Guðs. Jóhanna Ósk Vals-
dóttir syngur Maríulag, kantor Guð-
mundur Sigurðsson, Barbörukórinn í
Hafnarfirði leiðir söng. Sunnudagaskóli
fer fram á sama tíma í safnaðarheim-
ilinu.
HALLGRÍMSKIRKJA | Hátíðarmessa kl.
11. Biskup Íslands vísiterar Hallgríms-
söfnuð og predikar í messunni. Prestar
og djákni kirkjunnar þjóna fyrir altari
ásamt messuþjónum, Mótettukórinn
syngur undir stjórn Harðar Áskelssonar.
Drengjakór Reykjavíkur í Hallgrímskirkju
syngur undir stjórn Friðriks S. Krist-
Orð dagsins: Hví
trúið þér ekki?
(Jóh. 8)
Morgunblaðið/Sigurður Ægisson
Ögurkirkja við Ísafjarðardjúp.
MESSUR Á MORGUN
✝ Lúðvík KjartanKjartansson
fæddist á Dverga-
steini í Álftafirði 14.
desember 1921.
Hann lést á Kumb-
aravogi sunnudaginn
2. mars síðastliðinn.
Foreldrar hans voru
Kjartan Bjarnason, f.
í Tungu á Vatnsnesi í
V-Hún. 4.11. 1878, d.
12.1. 1962 og Ólína
Óladóttir, f. á Ísafirði
23.10. 1882, d. 28.12.
1958. Systkini Lúð-
víks eru Beta Guðrún, f. 26.6. 1907,
lést um tvítugt. Óli Pétur, f. 21.9.
1908, d. 11.3. 1941, Bjarni Ingvar, f.
21.7. 1912, d. 7.11. 1987, Guð-
mundur Þorbjörn, f. 4.9. 1915, d.
11.3. 1989, Kristjana Sesselja, f.
21.10. 1918, d. 14.12. 1960, og Að-
alsteinn, f. 11.5. 1925, d. 27.1. 1991.
Eftirlifandi fóstursystir er Beta
Guðrún Hannesdóttir, f. 1931.
Lúðvík kvæntist 31.12. 1951
Önnu Jónsdóttir frá Ísafirði, f. 5.6.
1925. Foreldrar hennar voru Jón
Ingigeir Guðmundsson, f. á Ísafirði
13.7. 1903, d. 25.2. 1958, og Ásdís
Katrín Einarsdóttir, f. á Ísafirði
22.10. 1895, d. 7.2. 1988. Börn Lúð-
víks og Önnur eru: 1) Ólína Louise,
Börn Dagmar Eygló, Óðinn og Ið-
unn. 5) Óli Pétur, f. 1963, maki Sól-
veig Ingibergsdóttir. Börn Aron
Ingi, Atli Þór og Freyja Sif .
Lúðvík ólst upp á Dvergasteini í
Álftafirði fyrstu árin. Árið 1930
flytur fjölskyldan til Flateyrar og
þar bjuggu þau í húsinu Sandgerði í
nokkur ár en þaðan lá leiðin til Ísa-
fjarðar. Eftir að hafa lokið skyldu-
námi fór hann til sjós eins og svo oft
tíðkaðist á þeim tíma. Hann var á
nokkrum bátum og skipum meðal
annars á Belgum og á síldveiðum á
Lindinni. Árið 1947 fór hann í Stýri-
mannaskólann í Reykjavík og lauk
þaðan fiskimannaprófi árið 1948.
Fljótlega hætti hann sjómennsku að
mestu og sneri sér að vinnu í landi.
Starfaði hann síðan við beitningu í
Norðurtanganum á Ísafirði og vann
um skeið í Steiniðjunni. Lúðvík var
laghentur maður og vann mikið við
húsbyggingar. Byggði hann meðal
annars heimili þeirra hjóna Krók 2
sem enn er með fallegri húsum á
Ísafirði ásamt margverðlaunuðum
garði þeirra hjóna. Hann var í mörg
ár verkstjóri í Rækjustöðinni. Árið
1986 fluttu þau til Hveragerðis og
þar starfaði hann við fiskverkun
Bóasar á Selfossi. Síðustu ár hefur
hann verið til heimilis á hjúkr-
unarheimilinu Kumbaravogi.
Lúðvík verður jarðsunginn frá
Kotstrandarkirkju í dag og hefst at-
höfnin klukkan 15.
f. 1949. Börn hennar:
a) Lúðvík, maki Her-
dís Valbjörnsdóttir,
þau eiga eina dóttir
og einn son. b) Val-
geir Þór, maki Stef-
anía Marta Kat-
arínusdóttir, þau eiga
eina dóttur. c) Harpa
Louise, maki Þröstur
Már Sveinsson, þau
eiga tvo syni. 2) Ásdís
Jóna, f. 1951, sam-
býlismaður Helgi
Leifsson. Börn henn-
ar og fyrrverandi
maka Gunnars Bjarnasonar eru: a)
Anna Linda, maki Grétar Geir
Halldórsson, þau eiga tvo syni og
eina dóttur. b) Sandra Björk, maki
Guðjón Eðvarð Guðbjörnsson, þau
eiga tvo syni og tvær dætur. c)
Brynja Dögg, maki Bjarni Valur
Ásgrímsson, þau eiga tvo syni. d)
Kristbjörg, maki Ingólfur Þor-
bergsson, þau eiga eina dóttur. 3)
Hólmfríður, f. 1955, maki Björn
Gísli Bragason. Börn: a) Örvar Ár-
dal, hann á tvo syni. b) Aðalsteinn,
maki Sólveig Ágústsdóttir, þau
eiga einn son. c) Bragi, maki Sig-
rún Högnadóttir, þau eiga eina
dóttur. 4) Kjartan Jón, f. 1959,
maki Anna Helga Sigurgeirsdóttir.
Elsku besti pabbi minn, þá ertu
farinn. Þú vildir fara. Þú varst orðinn
gamall og veikur. Þú varst sáttur og
tilbúinn. En samt ég sakna þín, besta
pabba í heimi. Ég sakna húmorsins
og glettninnar í augum þínum. Bara,
elsku pabbi minn, ég sakna þín.
Þökk fyrir allt og allt. Þökk fyrir
yndislega bernsku á Ísafirði í fallega
húsinu okkar sem þú byggðir svo að
segja einn. Þökk fyrir stuðning á ung-
lingsárum. Þökk fyrir hjálp og stuðn-
ing á fullorðinsárum. Takk fyrir að
hafa verið til fyrir mig, elsku pabbi
minn. Pabbi var húmoristi, hjálpsam-
ur dugnaðarforkur, skapstór, geðgóð-
ur, hlýr og skemmtilegur karakter.
Varst, verður og hefur alltaf verið
hetjan mín. Hlýjasti og besti pabbi í
heimi.
Pabbi var glæsilegur ungur maður,
hár og grannur, dökkur á brún og
brá. Fallegur að utan og innan. Heill
maður í gegn. Yndislegi pabbi minn.
Við systkinin pössum mömmu fyrir
þig og styðjum hana eins vel og við
getum í gegnum hennar sorg og
missi. Sem er mikill, eftir að þið hafið
gengið saman ykkar æviveg. Hún
saknar þín mikið eftir 62ja ára sam-
fylgd í gegnum lífið. Sem var ykkur
bæði gott og gjöfult. Vegna dugnaðar
ykkar beggja og samheldni í öllu.
Til þín, elsku pabbi minn.
Nafnið fagra frelsarans
fylgi þér og hlífi.
Ætíð vöktu augu hans
yfir þínu lífi.
(Höf. ók.)
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir.)
Far þú í friði,
friður Guðs þig blessi,
hafðu þökk fyrir allt og allt.
(V. Briem)
Hvíl í friði, elsku pabbi minn. Þín
dóttir
Ólína Louise.
Elsku hjartans pabbi minn.
Þá er lífsgöngu þinni lokið og þú
hvíldinni feginn eftir erfið veikindi
undanfarin ár.
Kæri pabbi, mig langar að skrifa
kveðju- og þakkarorð til þín. Ég vil
þakka þér yndisleg bernskuár í fallega
húsinu okkar á Krók 2, Ísafirði. Ég vil
þakka þér hjálp og stuðning á ung-
lings- og ekki síður fullorðinsárum.
Kæri pabbi minn, ég mun alltaf
geyma minningu þína í hjarta mér.
Guð blessi þig og varðveiti, elsku
pabbi minn.
Far þú í friði, þín
Hólmfríður.
Góður vinur hefur lokið sinni veg-
ferð á þessari jörð. Í rúmlega sextíu ár
höfum við tilheyrt sömu fjölskyldu,
sem er langur tími. Er maður lítur um
öxl finnst manni þetta samt svo stutt,
en smátt og smátt fækkar í hópnum
sem horfði björtum augum fram á við
um miðja síðustu öld.
Það var vorið 1946 að Lúlli bættist í
vinahópinn í króknum. Gamli Króks-
bærinn var eins konar viðkomustaður
margra sem áttu leið um og öllum vel
tekið. Fljótlega kom í ljós að hann gaf
Önnu, elstu dótturinni á heimilinu,
hýrt auga. Lúlli stundaði sjóinn á
þessum tíma og eins og margir ungir
menn fór hann í sjómannaskólann og
lauk þaðan fiskimannaprófi. Í Reykja-
vik hittust þau aftur Lúlli og Anna og
endurnýjuðu kunningsskapinn. Hún
hafði þá lokið námi í kjólasaum og nú
tók alvaran við. Þau fóru aftur til Ísa-
fjarðar og stofnuðu heimili að Hnífs-
dalsvegi 13. Í byrjun hélt Lúlli áfram
að stunda sjóinn en er fjölskyldan
stækkaði, sneri hann sér að vinnu í
landi. Hann var mikill fjölskyldumað-
ur og líkaði best að vera með konu og
börnum eins og hægt var. Það var eins
og allt léki í höndum hans, enda
afburðaduglegur maður. Fljótlega
fluttust þau í gamalt hús í Króknum
sem var kallað Friðfinnshús og
bjuggu þar nokkur ár ásamt foreldr-
um hans, sem voru þá orðin öldruð.
En þau hjónin áttu sér stærri draum
en gamla húsið, svo þau réðust í að
byggja sér stórt og fallegt hús á lóð-
inni, einnig ræktuðu þau fallegan
blómagarð við húsið sem oftar en einu
sinni hefur fengið verðlaun. Ekki voru
margir hvíldartímarnir hjá Lúlla, þar
sem hann vann fulla vinnu með hús-
byggingunni. En allt hafðist þetta að
lokum. Stundum skildi maður ekki
hvílikt vinnuþrek hann hafði og tókst
venjulega það sem hann ætlaði sér. Á
Isafirði áttu þau marga góða vini,
margir nágrannar þeirra voru dagleg-
ir gestir á heimilinu og bundust fjöl-
skyldunni sterkum böndum. Það voru
þvi blendnar tilfinningar er þau
ákváðu að selja og flytjast til Hvera-
gerðis. Börnin voru þá öll flutt burt og
búin að stofna sín heimili hér á suð-
vesturhorninu, þau keyptu sér þægi-
legt og fallegt hús og eins og ævinlega
áttu þau þar fallegt heimili. Það var
notalegt að skreppa í kaffisopa til
þeirra enda vel tekið á móti manni og
þangað komu margir vinir og kunn-
ingjar að vestan sem áttu leið um.
Lúlli var um margt sérstakur mað-
ur, fremur dulur en gestrisinn og
skemmtilegur í góðra vina hópi, mikill
vinstri maður og elskaði rússneska
tónlist. Barnabörnin áttu sérstakan
sess í hjarta hans og veittu honum
mikla ánægju enda miklir vinir afa og
ömmu. Fyrir nokkrum árum var
heilsa þeirra hjóna orðin léleg svo að
þau seldu húsið sitt í Hveragerði og
fluttust á dvalarheimilið að Kumbara-
vogi. Síðasta ár hefur verið honum erf-
itt, heilsan og þrekið farið. Ég og fjöl-
skylda mín kveðjum nú góðan og
traustan vin, með von um að gömlu
vinirnir sem farnir eru á undan bíði á
ströndinni hinum megin.
Elsku Anna mín, ég og börnin mín
vottum þér og ykkur öllum okkar
dýpstu samúð, Guð veri með ykkur
Sigríður Aðalsteins.
Elsku afi. Nú hefur þú kvatt okkur í
síðasta sinn eftir erfið veikindi. Við
minnumst þín þegar við vorum börn á
Ísafirði, hvað gaman var að heimsækja
þig og ömmu. Við lékum okkur í garð-
inum sem þú og amma höfðuð svo
mikla ánægju af og fenguð oft viður-
kenningar fyrir hversu fallegur hann
var. Seinna þegar þið fluttuð til Hvera-
gerðis voru margar stundirnar sem við
áttum saman og spjölluðum yfir kræs-
ingum sem þið amma báruð ávallt á
borð er við komum til ykkar. Svo þegar
barnabarnabörnin komu í heiminn eitt
af öðru fannst þér fátt skemmtilegra en
að fá þau í heimsókn. Þau minnast nú
ánægjulegu stundanna sem þau áttu
með þér í leik og spjalli.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Valdimar Briem.)
Lúðvík K. Kjartansson