Iðunn : nýr flokkur - 01.04.1930, Side 47

Iðunn : nýr flokkur - 01.04.1930, Side 47
IÐUNN Um tregðu. 157 til þau hafa fengið sess í huga vísindamannsins undir því lögmáli, er hann verður að kannast við að þau lúti. Eins og allir vita, hefir þetta umturnað lífinu á öllum hnettinum. Nú beita menn vísindum við alt, nema það, sem mikilsverðast er — sjálfa sig og félagsmál sín. Til þess að þetta verði ekki of langt mál (ef það er þá ekki orðið það), skal ég að eins benda á eitt dæmi til þess að skýra, hvílíkur tvískinnungur stafar af þessu í félagsmálum. Atvinnuvegir eru sífelt að færast nær því að vera reknir með fyrirsögn vísindanna. Islendingar veiða þorsk í skjóli vélfræðinnar. Bili vélin úti á rúmsjó, er oftast aðeins eitt til bjargar — að vélstjórinn hafi nægilega þekkingu og sæmileg tæki við höndina til þess að lag- færa þetta völundarsmíði vísindanna. Vélstjóri, kámugur af olíu, sem grúfir sig yfir vélina til þess að átta sig á örðugleikum hennar við starfið og reyna að kippa í lag, er, eins og einhver hefir sagt, í ætt við guðina. En hvað er að gerast á landi? Þar eru ekki lítilsverðari vandkvæði, sem bíða úrlausnar og aðgerða. Heil þjóð er að berjast á fleyi, oft og einatt eins og hún væri með »bilaðan stimpilinn* og skrúfuna úr öllu sambandi við vélina. En þar er engin smáútgáfa af vísindamanni, sem grúfir sig yfir staðreyndirnar til þess að lagfæra það, sem úr lagi færist. Þar eru menn, sem flytja ræður um föðurlandsást, um réttlæti; blossi heiftarinnar stendur upp af stóryrðunum, en varla nokkurs verður vart í stjórnarfarinu, sem samsvari þeirri köldu yfirvegun, sem fylgir því að fara af þekkingu með hið óbrotnasta tæki, sem vísindi hafa smíðað. í stjórnmálum allra landa gætir þúsund sinnum meira villimannlegra ástríðna en vits- munalegrar tregðu. Leiðin er áreiðanlega löng til farsældarinnar. En það má stytta hana. Hér skal bent á þrjár aðferðir: þekk- ingu, meiri þekkingu — og enn meiri þekkingu. Winnipeg 11. marz 1930. Ragnar E. Kvaran.

x

Iðunn : nýr flokkur

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Iðunn : nýr flokkur
https://timarit.is/publication/442

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.