Uppeldi og menntun - 01.01.2004, Page 55

JÓHANNA EINARSDÓTTIR OG SIF EINARSDÓTTIR
upphafi hefði þeim fundist þetta skrítin samkunda sem þeir voru komnir í með öllum
þessum fullorðnu konum. Þetta hefði verið töluverð breyting frá menntaskólanum
þar sem allir voru á svipuðum aldri. Ein hinna yngri sagði:
Maður er alltaf bara búinn að vera með jafnöldrum sínum ... Og að koma
allt í einu með konum sem eru búnar að vinna liggur við jafnlengi og ég
er gömul... Eins og ein þarna hún er á svipuðum aldri og mamma. Maður
fékk svona sjokk.
Hér er annað dæmi úr umræðu um þetta (A, B og C merkir mismunandi þátttak-
endur, R merkir rannsakanda).
A: Það var nefnilega rosalega mikið fjölskyldufólk þarna ...
B: Þær eiga börn á okkar aldri. Ommur og svona bara.
C: Já maður er ekki einu sinni kominn með barn sjálfur og þær eru orðnar
ömmur.
A: Það fyrsta sem ég hugsaði. „Á ég að vera með þvílíkum kerlingum í
bekk".
Yngri nemarnir töluðu líka um ólíka stöðu og viðhorf þessara hópa sem tilheyrðu
hvor sinni kynslóðinni. Einn þeirra lýsti þessu þannig:
Sú elsta, hún upplifði Kvennafrídaginn '75. Þegar hún var að segja mér frá
því þá sagði hún ... að það lá við að hún hafi beðið manninn sinn um að fá
frí þennan dag. Þú veist, það var bara allt öðruvísi, allt öðru vísi hugsun
heldur en í dag. Eg skráði mig bara í þetta nám og sagði: Ég er að fara að
læra og þú verður bara að sinna börnunum.
Yngri nemarnir sögðust hins vegar hafa lært mikið af því að vera í námi með sér eldri
og reyndari nemendum. Stúlkurnar töluðu um að þær sem eldri voru hefðu komið
með aðra sýn á hlutina og fannst að reynsla þeirra eldri af leikskólastarfi hafi komið
þeim öllum til góða. Ein sagði: „Manni finnst þær bara hafa svo mikið að segja frá ...
Og maður gat ekkert sagt frá neinu. Hafði aldrei lent í neinu".
Erlendar rannsóknir hafa sýnt að eldri og yngri nemar takast á við nám á ólíkan
hátt (Gonzalez-Rodroguez og Sjostrom, 1998; Graham og Donaldson, 1996; Graham
og Long Gisi, 2000; Howard og Baird, 2000; Kasworm, 1980; Leonard,1993). í viðtöl-
unum kom fram að nemarnir höfðu hópað sig saman eftir aldri og það virtist vera
töluverður munur eftir aldurshópum hvernig tekist var á við námið. Eldri konurnar
töluðu um að yngri nemarnir væru óheftari og afslappaðri gagnvart náminu og töldu
að þeim yngri hafi oft fundist þær smásmugulegar og alltof samviskusamar. Ein
sagði að hún yrði óörugg þegar hún lenti í að vinna með yngri nemum í hópvinnu:
Þú veist þær taka öllu miklu léttara en ég ... Ég þarf lengri tíma í öll verk-
efni og ég þarf oft að vinna verkefni, sem sagt, í langan tíma. Ég er kannski
að vinna þau í þrjá klukkutíma og legg þeim svo vegna þess að ég þarf að
53