Flóra: tímarit um íslenzka grasafræði - 01.02.1964, Blaðsíða 16
nærri eða samsvarar Svartmyrernas samfund (Stygio Caricion limosae)
í Skandinavíu (Nordhagen 1943 s. 519).
1. Klófífu-hengistarar lwerfi (Eriophorum angustifolium-Carex rari-
flora soc.). (Tab. I. A—B 1—9.)
Þetta er útbreiddasta gróðurhverfi brokflóans í hálendi íslands.
Hins vegar er það fremur sjaldgæft á láglendi, og vex þá aldrei nema
á smáblettum. Hverfið er ætíð að finna í blautustu hlutum flóans,
hvort sem um smábletti eða stærri svæði er að ræða. Yfirborðið er ætíð
slétt eða með lágum öldunr og bungum, en ekki er þó um gróðurmun
að ræða í lægðum og öldum. Þó ber heldur meira á hengistörinni (C.
rariflora) í lægðunum. Svo er blautt, að kalla má, að vatn fljóti alltaf
yfir grassverði, og kemur ætíð fram í fótspori. Mosi er lítill sem eng-
inn, en mjög oft er jarðvegurinn nakinn milli stráanna, einkum þar
sem mest er af hengistör. Er það eitt af einkennum svartmvranna.
Auk liinna tveggja einkennistegunda eru hálmgresi (Calamagrostis
neglecta) ogkornsúra (Polygonum viviparum) fastar fylgitegundir (con-
stants) í þessu gróðurhverfi. Flestar aðrar tegundir eru þar fágætar.
Komsúran er engan veginn mýrlendisplanta, en virðist harla ónæm
gagnvart rakastigi landsins og er því ein algengasta tegundin í nær öll-
um gróðurhverfum hálendisins frá hinum blautasta flóa til veðurbar-
inna mela. Hálmgresið er einnig algengt í öllu mýrlendi hálendisins.
Einkum er það mikilsháttar á sendnum, blautum nýgræðum meðfram
vötnum og lækjarósum, eins og síðar getur og þá oft í félagi við hrafna-
fífu (Eriophorum Scheuchieri). Grávíðir (Salix glauca)* kemur oft fyr-
ir í gróðurhverfi þessu, enda má liann algengur kallast í mýrlendi til
fjalla, og ekki ólíkur kornsúru með tilliti til ónæmis gegn raka. Hins
vegar er hann fremur sjaldgæfur í mýrum og flóum á láglendi. Má
segja, að útbreiðsla hans geri allglögg skil milli mýrlendis-hverfa há-
lendis og láglendis. Sama segir Nordliagen (1943 s. 484) um smávíði-
tegundirnar í Noregi. Tegundir þessa gróðurhverfis eru fáar og gróð-
urmunur einstakra bletta lítill.
Hlutföll lífmynda og tegundaflokka eru dálítið breytileg eins og oft
vill verða þegar tegundir eru fáar í hverri athugun, svo að ein tegund
getur valdið miklu um hlutfallið, þótt hennar gæti ekki mikið. Javð-
plöntur G eru drottnandi lífmynd.
Um einstaka athugunarbletti skal tekið fram:
* Samkvæmt nýrri alhugunum mun grávíðirinn íslenzki vera Salix callicarpea en ekki
S. glauca, eins og fyrr var talið. Þó er hinu gamla nafni haldið hér.
14 Flóra - tímarit um íslenzka grasafræði