Flóra: tímarit um íslenzka grasafræði - 01.02.1964, Blaðsíða 31

fífuhálmgresis hverfi 1 (Tab. I. 17). Utan með því er behi 2, en þar er
mýrarstarar-hálmgresis hverfið, en þar fyrir utan í belti 3 er stinnu-
stararmýri (Tab. V. 21), sem
hverfur síðan yfir í víðiheiði
belti 4.
Blettur 10 er í Grafar-
löndum á Bárðdælaafrétti.
Þar er miklum mun þurr-
lendara en 9, og yfirleitt
óvenjulega þurrlent, þar sem
þetta gróðurhverfi finnst. Gróðurinn nálgast millistig yfir í víðiheiðar.
Yfirborðið er með lágum mosaþúfum, og háplöntugróðurinn því sums
staðar ósamfelldur.
Gróðurhverfi þetta sýnist vera náskylt Carex-Goodenoughii-Dre-
pano-cladus intermedius soc. í Sikilsdal í Noregi (Nordhagen 1943 s.
493). (Carex Goodenoughii Græsmyr Resvoll-Holmsen 1920 s. 149),
sbr. einnig Nordhagen 1928 s. 403 og Melin 1917 s. 54).
b. Hengistararmýri (Caricétum rariflorae).
Á ýmsum stöðum í hálendinu hittast smámýrarblettir, þar sem
hengistör (C. rariflora) ríkir bæði í svip og fleti. Vitanlega er þessi gróð-
ursveit náskyld hengistararflóanum, en ég hefi þó greint þær í sundur
vegna þess að um ólíka staðhætti er að ræða í mýri og flóa, og hengi-
stararmýrin er verulega tegundafleiri en hengistararflóinn.
20. Hengistarar-hálmgresis hverfi (C. rariflora-Calamagrostis neglecta
soc.) (Tab. III. A-B Íl).
Gróðurhverfi þessu hef ég lýst 1945 s. 393 undir nafninu C. rari-
flora-Calamagrostis neglecta-Eriophorum Scheuhzeri soc. Blettur sá er
hér um ræðir er í Þjófadölum á Kili við líkar aðstæður og lýst er í rit-
gerð minni 1945.
21. Hengistarar-engjarósarhverfi (C. rariflora-Comarum palustre soc.)
(Tab. III. A-B 12).
Hér er einnig aðeins einn athugunarblettur, úr Fróðárdal við Hvít-
árvatn. Auk einkennistegundanna ber mikið á bláberjalyngi (Vaccin-
lum uliginosum), grávíði (Salix glauca), hálmgresi (Calamagrostis negl-
A
TÍMARIT UM ÍSLENZKA GRASAFRÆÐI - FlÓra 29