Málfríður - 15.03.2006, Blaðsíða 15

MÁLFRÍÐUR 1
erlenda gesti okkar – tollverðir, leiðsögumenn, rútu­
bílstjórar, starfsfólk bílaleiga, hótela, bensínstöðva,
veitingahúsa, safna, sundlauga, matvöruverslana,
minjagripaverslana, banka og svo mætti lengi telja
áfram. Starfsfólk allra þessara fyrirtækja og stofnana
eru þátttakendur í þjónustunni við ferðamanninn
og heildarupplifun hans á Íslandi. Það eru ekki bara
við sem sitjum inn á skrifstofunum og skipuleggjum
ferðir eða smíðum markaðsáætlanir fyrir erlenda
markaði sem þurfum að kunna erlend tungumál.
Það að sem flestir taki virkan þátt í ferðaþjónust­
unni stuðlar að ánægju ferðamannsins með vöruna
sem hann er að kaupa og eykur samkeppnishæfni
okkar sem ferðamannalands á alþjóðagrundvelli.
Fyrirtækin sem ég hef yfir að ráða, annars vegar
Katla Travel GmbH sem er staðsett í München og
hins vegar Katla DMI ehf sem er hér í Reykjavík,
byggja á einfaldri hugmynd. Fyrirtækið sérhæfir
sig í að flytja þýskumælandi ferðamenn til Íslands
og veita þeim alla mögulega þjónustu. Við höfum
sérhæft okkur í Þjóðverjum, lögum þjónustu okkar
að þeim og þeirra menningu og megnið af okkar
starfsemi líka hér á Íslandi fer fram á þýsku. Allt
okkar starfsfólk er þýskumælandi og við eigendur
fyrirtækisins bjuggum í Þýskalandi árum saman
og lærðum þýsku og öðluðumst þar þekkingu sem
við síðan höfum nýtt okkur með góðum árangri.
Kveikjan að þessu öllu var áhugi okkar stofnend­
anna á þýsku, áhugi sem við vorum svo heppin að
hlúð var að hér heima og við höfðum möguleika á
að læra undir stjórn góðra þýskukennara á meðan
við vorum hvað móttækilegust fyrir viskunni.
Ég tel það vera alveg ljóst að það að skera niður
tungumálakennslu á framhaldsskólastiginu væru
mikil mistök. Í viðbót við þau rök sem ég hef rætt
hér á undan, þá veitir heldur ekki af meira mótvægi
við engilsaxnesku áhrifin, ekki síst úr vestri sem
flæða yfir okkur og það sem verra er, börnin okkar,
út um allt, alls staðar. Einhæfni er eitthvað sem við
höfum ekki efni á að veita okkur. Nú er enginn
Derrick lengur til breiða út fagnaðarerindið, og ekki
einu sinni Kommisar Rex ­ svo nú þarf að bretta upp
ermar áður en í óefni fer.
Komdu á rétta staðinn
B R A U TA R H O LT I 8 • 1 0 5 R E Y K J AV Í K •   S Í M I 5 6 2 3 3 7 0 •   w w w . i d n u . i s
BÓKABÚÐ
og gerðu góð kaup!
Ný verslun í Brautarholti 8Hlemmur
IÐNÚ
bókabúð
Laugavegur
N
óa
tú
n
Brautarholt
Þ
ve
rh
ol
t