Ægir - 01.04.2002, Blaðsíða 13
13
S M Á B Á TA Ú T G E R Ð
Bergur segist líta svo á að
reglugerðarbreyting varðandi
dagabáta hafi verið jákvæð. „Það
er ljós punktur að nú er miðað við
klukkutíma, en áður þurftu menn
að vera að allan sólarhringinn.
Þessi breyting gerir það að verk-
um að sá tími sem dagróðrabát-
arnir hafa til að róa nýtist mun
betur en áður,“ segir Bergur.
Hann segist meta það svo að
trillukarlar séu almennt ekki svo
mjög ósáttir við veiðistjórnunina
sem slíka, en hins vegar séu menn
ósáttir við það brask sem við-
gangist með aflaheimildirnir.
Menn komist upp með að leigja
frá sér veiðiheimildirnir, sem geri
ekkert annað en að bjóða hætt-
unni heim. „Það væri strax miklu
skaplegra kerfi ef mönnum væri
gert að skila inn þeim heimildum
sem þeir ekki veiða í stað þess að
leigja þær frá sér. Leiga á kvóta
hefur farið upp úr öllu valdi í vet-
ur, það var komið upp í 170 til
180 krónur fyrir kílóið og síðan
var söluverðið 240-250 krónur.
Þetta gengur ekki upp,“ segir
Bergur.
Grásleppuveiði í Skerjafirði
Ástandið á veiðislóð smábáta í
Breiðafirðinum hefur verið nokk-
uð gott, að sögn Bergs. „Línu-
slóðin hefur verið að skila góðri
veiði og ég veit að rallíið kom
mjög vel út á Breiðafirði og fyrir
vestan. Ég heyri ekki annað en að
menn hafi verið að fá ágætis veiði
á þessum slóðum og síðan hefur
hærra verð á grásleppuhrognum
lagað stöðuna hjá mönnum. Það
eru nokkuð margir trillukarlar
sem gera út á grásleppuna frá
Stykkishólmi, Grundarfirði og
Ólafsvík,“ segir Bergur sem sjálf-
ur býr á Akranesi og gerir út á
grásleppu við annan mann frá
Kópavogi. Þeir lögðu 14 trossur,
um 130 net, í Skerjafirði strax og
það mátti þann 20. apríl og þegar
Ægir ræddi við Berg stóð til að
fara út og skoða hvernig vertíðin
hefði farið af stað.
Smábátaútgerðin heillar
Bergur hefur víða komið við í
smábátaútgerðinni. Hann var í
ein fimm ár á Siglufirði og önnur
fimm ár á Hornafirði. Sautján ár
bjó hann síðan í Grundarfirði, en
er nú eins og áður segir kominn á
Skagann. „Maður hefur svo sem
prófað ýmislegt. Í vetur skellti ég
mér á loðnu, var stýrimaður á
Oddeyrinni EA. Þetta var ný
reynsla og skemmtileg. Ég verð
þó á grásleppunni á næstunni, en
það kann að vera að ég fari eitt-
hvað í Síldarsmuguna í sumar og
hitti Norsarana vini okkar. En
einhvern veginn er það nú svo að
smábátaútgerðin togar alltaf í
mann. Hún er ákveðin áskorun,
maður stendur og fellur með því
sem maður er að gera. Ef maður
stendur sig ekki er lítið í budd-
unni og svo öfugt. Ég gæti trúað
því að í haust fái ég mér aftur bát
og fari í dagbátakerfið,“ segir
Bergur Garðarsson.
Smábátaútgerðin
er ákveðin áskorun
- segir Bergur Garðarsson, formaður smábátafélagsins Snæfellings
„Það hefur verið ágætis veiði hjá trillukörlum,
en hins vegar eru menn misjafnlega sáttir við
hvernig úthlutanir koma við þá. Staðir eins og
Suðureyri fá sáralítið og sömuleiðis Þingeyri.
Þetta eru staðir sem maður hélt að myndu fara
þokkalega út úr þessari úthlutun, en það er
öðru nær. Það virðist alltaf ganga illa að skipta
veiðiheimildum á sanngjarnan hátt, hvernig
sem á því stendur,“ segir Bergur Garðarsson,
formaður Snæfellings, smábátafélags á Snæ-
fellsnesi.
„Ég verð á grásleppunni á næstunni, en það kann að vera að ég fari eitthvað í Síld-
arsmuguna í sumar og hitti Norsarana vini okkar,“ segir Bergur Garðarsson.