Ægir - 01.04.2002, Blaðsíða 48

48
F R É T T I R
Þriggja mánaða uppgjör
útgerðarrisanna á Akureyri:
Samanlagður
hagnaður rösklega
þrettán hundruð
milljónir
Það er ljóst að árið
fer mjög vel af
stað hjá stóru sjáv-
arútvegsfyrirtækj-
unum. Á aðalfundi
Samherja sagði
Þorsteinn Már
Baldvinsson að
bráðabirgðatölur
gæfu til kynna allt
að 850 milljóna
króna hagnaði af rekstri félagsins
á fyrstu þremur mánuðunum,
sem væri betri afkoma heldur en
menn hefðu reiknað með.
Og hinn útgerðarrisinn á Akur-
eyri, Útgerðarfélag Akureyringa,
skilaði af sér þriggja mánaða upp-
gjöri 26. apríl sl. þar sem fram
kemur að félagið var rekið með
491 milljónar króna hagnaði á
fyrstu þremur mánuðum ársins,
sem er gríðarlega mikill viðsnún-
ingur miðað við sama tíma í fyrra
þegar rekstrartapið nam 117
milljónum króna. Á þessu tíma-
bili var veltufé frá rekstri, sem
alltaf segir mikið um reksturinn,
421 milljón króna og jókst um
167 milljónir frá sama tíma árið
áður.
Í tilkynningu Útgerðarfélags
Akureyringa til Verðbréfaþings
kemur fram að rekstrarhorfur fyr-
ir yfirstandandi ár séu góðar.
Guðbrandur Sigurðsson, fram-
kvæmdastjóri ÚA, segir þó að
sveiflur í gengi krónunnar geti
breytt stöðunni á skömmum
tíma. „Við hjá ÚA getum ekki
annað en verið sátt við afkomu fé-
lagsins á fyrsta ársfjórðungi þessa
árs, þar sem þessi niðurstaða er al-
veg í samræmi við þær áætlanir
sem við lögðum upp með í árs-
byrjun. Ég vil þó minna á að sjáv-
arútvegurinn býr við afar
óstöðugt umhverfi um þessar
mundir og er ég þar að vísa til
þeirra miklu sveiflna sem eiga sér
nú stað á gengi krónunnar,“ segir
Guðbrandur Sigurðsson.
Fiskur er hollur!
Nú er það endanlega staðfest að
fiskur er holl fæða! Í nýjasta tölu-
blaði New England Journal of
Medicine, sem kom út í apríl og
vefur Rannsóknastofnunar fisk-
iðnaðarins vitnar til, kemur fram
að regluleg fiskneysla geti dregið
úr líkum á dauða vegna hjartaá-
falls um allt að 81%.
Rannsóknin sem þessar niður-
stöður byggja á tók til 22 þúsund
karllækna í Bandaríkjunum.
Mjög greinilega kom fram að eft-
ir því sem læknarnir, sem þátt
tóku í rannsókninni, höfðu mælst
með meira magn fitusýru í blóð-
inu, þeim mun minni líkur voru
á að þeir fengju hjartasjúkdóma.
Önnur viðamikil rannsókn, sem
gerð var á vegum Harvard School
of Public Health og náði til meira
en 80 þúsund hjúkrunarkvenna í
Bandaríkjunum, leiddi einnig í
ljós heilnæmi fiskneyslu fyrir
heilsu fólks. Í rannsókninni er
fullyrt að því meira sem fólk
borði af fiski því minni séu lík-
urnar á kransæðasjúkdómum eða
dauða vegna hjartaáfalls.
Skemmtilegir
saltfiskréttir í
nýrri bók
Út er komin bókin „Seiðandi salt-
fiskur og þorskréttir þjóðanna“,
sem Einar Árnason hefur tekið
saman og gefur einnig út. Í bók-
inni eru sótt heim hérlend veit-
ingahús og heimili þar sem eldað-
ur er ljúffengur matur úr salt-
fiski, þorski og öðru sjávarfangi.
Réttirnir eru nýstárlegir, en ein-
faldir og íburðarmiklir. Réttina
framreiða 44 kokkar. Í bókinni
eru yfir 70 uppskriftir víða að úr
heiminum.
Meðal matreiðslumanna sem
koma við sögu í bókinni eru
Rúnar Marvinsson, María Elling-
sen, leikkona, Tómas R. Einars-
son, tónlistarmaður, Benedikte
Thorsteinsson frá Grænlandi,
Kristján Guðmundsson, mynd-
listarmaður og margir fleiri.
Hrefnukjöt flutt
inn frá Noregi?
Heildverslunin Rún ehf., sem Jón
Gunnarsson á og rekur, en Jón er
jafnframt formaður Sjávarnytja
sem lengi hafa barist fyrir því að
hvalveiðar verði aftur leyfðar við
Íslands, hefur sótt um leyfi til
þess að flytja inn átta tonn af
hrefnukjöti og rengi frá Noregi.
Eins og almennt gildir um inn-
flutning matvæla hefur málið
verið sent til embættis yfirdýra-
læknis sem mun gefa sitt álit á
því. Til þess að fá leyfi til inn-
flutnings þarf Rún ehf. væntan-
lega að reiða fram uppruna- og
heilbrigðisvottorð og vottorð um
að kjötið sé ekki salmonellusýkt.
Ný bók um
íslenskan sjávar-
útveg og ESB
Háskólaútgáfan hefur gefið út
bókina „Gert út frá Brussel? - Ís-
lenskur sjávarútvegur og Evrópu-
sambandið - Sjávarútvegsstefna
ESB rannsökuð út frá hugsanlegri
aðild Íslands að sambandinu.“
Höfundur bókarinnar er Úlfar
Hauksson, stjórnmálafræðingur,
sem lauk MA-prófi í evrópskum
stjórnsýslufræðum frá Kaþólska
skólanum í Leuven í Belgíu árið
2000, en hann er nú stundakenn-
ari við stjórnmálafræðiskor Há-
skóla Íslands.
Í fréttatilkynningu frá Há-
skólaútgáfunni segir m.a. að þessi
bók Úlfars sé hugsuð sem innlegg
í umræðuna um kosti og galla að-
ildar Íslands að ESB. Farið sé ofan
í saumana á þeirri grundvallar-
spurningu hvort og þá hvernig Ís-
lendingar gætu tryggt hagsmuni
sína í sjávarútvegi í aðildarvið-
ræðum við ESB
Bókin er 196 blaðsíður og kost-
ar 2.690 krónur.