Ægir - 01.04.2002, Blaðsíða 26
26
Æ G I R H E I M S Æ K I R S Æ P L A S T N O R G E
Sæplast hf. á Dalvík hefur byggt upp verksmiðjunet í fjórum löndum:
Horfum til uppbyggingar
í fleiri löndum og að
byggja upp nýja markaði
Sæplast Norge
Hér má sjá verksmiðjur Sæplasts Norge í Álasundi í Noregi en auk þeirra
rekur fyrirtækið verksmiðju í Salangen í Norður-Noregi. Í verksmiðjunni á
efri myndinni er framleiðsla á fjölbreyttri vörulínu af ýmis konar flotvörum,
t.d. baujum, belgjum, fenderum, nótaflotum, björgunarhringjum og fleiru.
Sæplast tók við rekstri verksmiðjunnar í ársbyrjun 2000 og er þar framleitt
með sprautusteyputækni, blásturssteyputækni og hverfisteypu. Velta -
verksmiðjunnar er um 900 milljónir króna á ári. Starfsmenn eru um 80
talsins.
Í verksmiðjunni á neðri myndinni fer fram hefðbundin keraframleiðsla
með hverfisteyputækni, auk þess sem mikið er framleitt af baujum fyrir
kræklingarækt, flotum fyrir flotbryggjur og ýmsum öðrum harðplastvörum.
Verksmiðjan var áður í Skodje, skammt frá Álasundi en Sæplast keypti hana
í mars 2000 og flutti um haustið sama ár til Álasunds og staðsetti
verksmiðjurnar tvær hlið við hlið. Starfsmenn í verksmiðjunni eru 12-14 að
jafnaði og ársvelta hennar um 160 milljónir króna.
Í Salangenverksmiðjunni eru 12 starfsmenn og verksmiðjan er búin einni
sérhæfðri hverfisteypuvél. Ársvelta verksmiðjunnar er um 160 milljónir
íslenskra króna og eru framleidd þar ker og baujur fyrir kræklingaiðnaðinn.
Sæplast keypti verksmiðjuna í Salangen í maí 1999.
Eitt þeirra íslensku útflutningsfyrirtækja
sem sprottið hafa upp úr sjávarútveginum
er Sæplast hf. á Dalvík. Eftir að fyrirtækið
hafði byggt upp mjög tæknivædda og öfl-
uga verksmiðju á Dalvík varð útrás fyrir-
tækisins hröð og kannski mun hraðari en
stjórnendur þess höfðu ætlað í byrjun.
Hún hófst með kaupum á plastverk-
smiðju í Kanada og með í þeim kaupum
fylgdi verksmiðja í Salangen í Noregi.
Skömmu síðar fjárfesti Sæplast í annarri
verksmiðju í Álasundi í Noregi, verk-
smiðju sem framleiðir ýmis konar mjúk-
vöru, svo sem baujur, flotholt og belgi,
sem og flotvörur. Strax í kjölfarið fylgdu
kaup á þriðju norsku verksmiðjunni í ná-
grenni Álasunds í Noregi, verksmiðju sem
sérhæfir sig í hverfisteypu í líkingu við þá
sem er á Dalvík og í Kanada. Samhliða
þessu öllu réðst Sæplast síðan í uppbygg-
ingu á nýrri verksmiðju á Indlandi. Ægir
heimsótti verksmiðjur Sæplasts í Noregi
og kynntist því hvernig fyrirtækið hefur
fimmfaldað veltu á þremur árum.