Ægir - 01.04.2002, Blaðsíða 27
27
Æ G I R H E I M S Æ K I R S Æ P L A S T N O R G E
Þegar farið er um verksmiðjur Sæplasts í Álasundi
og skoðað það uppbyggingarstarf sem fyrirtækið hef-
ur staðið í á undanförnum árum og misserum er erf-
itt að verjast þeirri hugsun að kannski sé Sæplast ein-
mitt dæmi um fyrirtæki sem margir Íslendingar geri
sér ekki grein fyrir hve umsvifamikið er í rekstri á
erlendri grundu. Gróflega má segja að um helmingur
af rösklega 2.500 milljóna króna ársveltu fyrirtækis-
ins skapist í verksmiðjunum þremur í Noregi og
samanlagt veitir fyrirtækið á annað hundrað manns í
Noregi atvinnu. Á sínum tíma byrjaði Sæplast sem
framleiðandi á fiskikerjum en í dag er fyrirtækið að
skapa sér miklar tekjur af framleiðslu á baujum og
fenderum fyrir sportbátafólk vítt og breitt um heim,
framleiða lausnir fyrir fiskeldi, baujur fyrir krækl-
ingaeldi, flutningsker fyrir lifandi fisk, ker fyrir
kjötiðnaðinn, björgunarhringi, jafnvel litlar baujur í
brautarlínurnar í Ólympíusiglingakeppninni, svo
fátt eitt sé nefnt. Með öðrum orðum; Sæplast í dag er
orðið allt annað fyrirtæki hvað fjölbreytni afurðanna
varðar en það var fyrir nokkrum árum og að sama
skapi mun stærra í sniðum. Ársveltan nálgast óð-
fluga þrjá milljarðana og búast má við frekari land-
vinningum Sæplastsmanna í uppbyggingarstarfi sínu
á komandi árum.
Sjávarútvegurinn stoðin
sem byggt var á í byrjun
En þrátt fyrir að Sæplast sé í dag að þróast á mun
breiðara sviði en áður blandast engum sem skoðar
fyrirtækið hugur um að ennþá er sjávarútvegurinn
mjög mikilvæg stoð undir rekstrinum. Þar nægir að
benda á áherslu fyrirtækisins í Noregi þar sem horft
er á staðsetningu verksmiðjanna í Álasundi, mitt í
Mekka norsks sjávarútvegs.
Steinþór Ólafsson, forstjóri Sæplasts, hefur borið
hitann og þungann af uppbyggingarstarfinu í Sæ-
plasti á undanförnum árum. Hann er mikið á ferð
milli verksmiðja fyrirtækisins og kemur sjálfur að
ýmsum hagræðingar- og skipulagsmálum sem varða
framleiðsluna, auk þess að hafa daglega yfirsýn yfir
stjórnun samstæðunnar. Blaðamaður Ægis settist
niður með Steinþóri í annarri verksmiðjunni í Ála-
sundi og spurði hann fyrst hvort líta megi svo á að
fyrirtækið hafi nú verið slípað saman í eina heild eft-
ir landvinninga síðustu þriggja ára ára og kaup á
verksmiðjum erlendis.
„Hvað varðar markaðsmálin þá höfum við lokið
ákveðnum skipulagsbreytingum sem við byrjuðum á
í nóvember síðastliðnum. Þær miðuðu að því að ná
endanlegum samlegðaráhrifum út úr rekstrinum,
keyra markaðsstarfið saman í eina sterka heild sem
vinnur saman, þvert á staðsetningar sölumannanna.
Við höfum þannig sett allt heimsmarkaðsstarf á kerj-
um undir einn markaðsstjóra og hann er jafnframt
yfirmaður verksmiðju okkar í Kanada og er staðsett-
ur þar. Þannig höfum við náð að samnýta okkur
þekkingu frá Kanada yfir á Evrópu og öfugt. Þetta
tel ég mikilvægan áfanga.
Hvað sölumannakerfið varðar þá höfum við verið
að ráða okkur sölumenn vítt og breitt og ég leyfi mér
að efast um að fólk almennt geri sér grein fyrir því
hversu víða við erum. Í Noregi erum við með þrjá
sölumenn, í Rotterdam í Hollandi erum við með
söluskrifstofu og í Hong Kong höfum við opnað
söluskrifstofu og þar er íslenskur sölumaður á okkar
vegum. Sömuleiðis höfum við sölumann í Mexíkó og
í Vancouver í Kanada eru tveir sölumenn. Og þá má
ekki gleyma sölumönnum okkar í Ontario og Atl-
anta í Bandaríkjunum. Þessi upptalning sýnir að við
höfum nú þegar byggt upp öflugt sölunet sem ég tel
að við munum styrkja enn frekar á næstu árum,” seg-
ir Steinþór.
„Hvað framleiðsluhlutann snertir þá hefur tekið
okkur um tvö ár að slípa þetta verksmiðjunet Sæ-
plasts sem nú er með starfsstöðvar í löndunum fjór-
um. Með nokkrum sanni má segja að þetta sé stuttur
tími til að ná utan um svona stórtækar breytingar en
verkefnið hefur snúist um að setja okkur inn í rekst-
ur á ólíkum svæðum, í ólíku umhverfi og stíga skref
í þá átt að hámarka samlegðaráhrifin og þar með
þann arð sem eigum að ná út úr starfseminni í fram-
tíðinni. Gott dæmi er hér í Noregi þar sem við
þurftum að sameina verksmiðjurnar undir eitt félag,
Steinþór Ólafsson, forstjóri Sæplasts hf., í miðri stæðu af framleiðsluvörum í Álasundi í
Noregi. „Það hefur tekið okkur tvö ár að slípa verksmiðjunet Sæplasts sem samanstendur
nú af verksmiðjum í fjórum löndum.”