Dagblaðið Vísir - DV - 14.08.2009, Side 45

14. ágúst 2009 föstudagur 45
guðjón heldur til grimsby Crewe Alexandra, lið Guðjóns Þórðar-
sonar í fjórðu efstu deild á Englandi, leikur gegn Grimsby á laugardaginn. Sigur
virðist nauðsyn fyrir Guðjón til að lyfta brúnum stuðningsmanna þar á bæ sem
bauluðu duglega á liðið eftir tap í fyrstu umferðinni gegn smáliðinu Dagenham
& Redbridge. Það vonast væntanlega flestir Íslendingar eftir sigri Guðjóns og
hans manna fyrir utan einn. A-dómarinn Einar Örn Daníelsson er nefnilega heitur
stuðningsmaður Grimsby og vonast að sjálfsögðu eftir þremur stigum sinna
manna.
Íslendingaslagur Í Championship Önnur umferð Champ-
ionship-deildarinnar á Englandi - þeirrar næstefstu - fer fram um helgina en
þar eru á ferðinni fjögur Íslendingalið. Einn Íslendingaslagur er á dagskrá
þar sem Kári Árnason og hans nýju félagar í Hull taka á móti Heiðari Helgu-
syni og hans félögum Í QPR. Kári var á bekknum í síðasta leik en það er von-
andi að landarnir fái að takast á. Aron Einar Gunnarsson og félagar í Covent-
ry sem unnu góðan sigur í fyrstu umferð á Ipswich heimsækja Barnsley á
meðan Reading á stórleik gegn Newcastle. Þar verður Brynjar Björn Gunn-
arsson væntanlega í byrjunarliði en Ívar Ingimarsson er enn meiddur.
„Das Duell über 100m in Berlin,“
stendur á risastórum auglýsinga-
skiltum úti um alla Berlínar-borg
prýtt myndum af fljótustu mönn-
um heims, Jamaíkamanninum
Usain Bolt og Bandaríkjamannin-
um Tyson Gay. Verið er að auglýsa
heimsmeistaramótið í frjálsum
sem hefst í Berlín á laugardag-
inn en þetta er fyrsta stóra frjálsí-
þróttamótið sem haldið er þar síð-
an 1936. Það ár vann hinn þeldökki
Jesse Owens fjögur gull og gerði
allt vitlaust þegar hann neitaði að
heilsa Hitler að nasistasið.
Það er engin spurning um hver
kóngurinn sé í spretthlaupum í
dag. Usain Bolt er fljótasti maður
sem nokkurn tíma hefur sést og
með guðgefna hæfileika og ótak-
markaðan hroka að vopni mætir
hann til Berlínar að sýna Gay hvor
sé fljótari. Þeir félagar hafa ekki
mæst síðan Bolt sló óvænt heims-
metið á móti í New York fyrir 14
mánuðum. Gay hefur hlaupið ein-
staklega vel í ár og segir Bolt langt
því frá betri en hann sjálfur.
Lengi beðið
Margir héldu kannski að Usain Bolt
hefði verið að skjótast fyrst fram á
sjónarsviðið rétt fyrir Ólympíuleik-
ana þar sem hann setti heimsmet í
100 og 200 metra hlaupum. Svo var
nú ekki þrátt fyrir að það var hans
fyrsti stórtitill í 100 metra hlaupi.
Fyrir tveimur árum á HM í Osaka
í Japan var Tyson Gay kóngurinn.
Hann vann bæði 100 og 200 metr-
ana á meðan hinn ungi Usain Bolt
hirti silfrið í 200 metrunum en það
hefur ávallt verið hans aðalgrein.
Þegar Bolt bætti svo óvænt
heimsmetið fyrir 14 mánuðum var
beðið með eftirvætingu eftir ein-
vígi þeirra í Peking í fyrra. Aldrei
varð neitt úr því vegna þess að Gay
meiddist fyrir mótið, náði ekki að
æfa almennilega og komst ekki
einu sinni í úrslitahlaup á Ólymp-
íuleikunum. Því hefur verið beðið
með eftirvæntingu eftir einvíginu í
Berlín og verður loks úr því skorið
endanlega hvor er fljótari.
Gay heitur
Þrátt fyrir að búist sé við og líklegt
þyki allt eins að Bolt stingi Gay og
aðra keppinauta sína af hughreyst-
ir það marga að Gay er búinn að
vera heitur í ár. Fyrir mánuði bætti
hann besta tíma ársins þegar hann
hljóp á 9,77 sekúndum og jafnaði
þar Ameríkumet sitt. Bolt hefur
ekki hlaupið jafnhratt í ár en það
má ekki gleyma að heimsmet hans
er 9,86 sekúndur. Litlar tölur en
himinn og haf er þarna á milli.
Í 200 metra hlaupinu er hvorki
Gay né nokkur annar talinn eiga
möguleika. Gay bætti sinn besta
tíma í maí á þessu ári þegar hann
hljóp á 19,58 sekúndum á móti í
New York. Tvö hundruð metrar-
arnir eru þó aðalsmerki Bolts og er
heimsmet hans töluvert betra en
besti árangur Gay, 19,30 sekúnd-
ur sem hann setti í Peking. Verð-
ur því aðallega horft til 100 metra
hlaupsins í einvíginu.
Ég á séns
„Fólk elskar einvígi,“ segir hinn
hrokafulli en hæfileikaríki Bolt
sem hefur haldið sig nokkuð fjarri
fjölmiðlum að undanförnu. Ty-
son Gay reynir að spá sem minnst
í alla auglýsingaherferðina og hef-
ur í aðdraganda mótsins verið að
reyna að þróa hlaupastíl sinn svo
hann geti náð meiri hraða. „Bolt
er ekkert miklu betri en ég,“ segir
Gay. „Ég trúi því alveg að ég eigi
séns í að vinna hann. En það verð-
ur erfitt.“
Gay sem er afar hógvær og hlé-
drægur maður, nokkuð sem Bolt
þekkir ekki. „Mér þykir vænt um
að fólk hafi einfaldlega ekki gleymt
mér og að ég sé settur bara nálægt
þeim stalli sem Bolt er á finnst mér
frábært. Það væri frábært að geta
komið heiminum á óvart í Berlín
en fólk verður að átta sig á hversu
ótrúlegur Bolt er. Hann er öðruvísi
en allir aðrir sem hafa sést. Hann
breytti íþróttinni,“ segir Tyson Gay.
Heimsmeistaramótið í frjálsum íþróttum hefst í Berlín um helgina en þetta er fyrsta stóra frjálsíþrótta-
mótið sem hefur verið haldið þar síðan 1936. Fátt er notað meira í auglýsingaherferð fyrir mótið en
einvígi fljótustu manna heims, Usains Bolt og Tysons Gay, sem mætast í 100 og 200 metra hlaupum.
„Das Duell über 100m in Berlin“ er handan við hornið.
Einvígið í BErlín
TÓMAS ÞÓR ÞÓRÐARSON
blaðamaður skrifar: tomas@dv.is
Á séns Tyson Gay hefur trú á sér og segist eiga möguleika í hinn magnaða Bolt. Ótrúlegur Bolt breytti íþróttinni, segir Gay.
Fljótastur allra Usain Bolt á heimsmetin í 100 og 200 metra hlaupum og fær endanlega tækifæri til að sýna að hann er fljótastur í Berlín.