Dagblaðið Vísir - DV - 11.10.2013, Blaðsíða 6

Íslandsbanki
veðjaði á Karl
6 Fréttir 11.–13. október 2013 Helgarblað
Hildur aftur
sett í bann
„Ég er reyndar í sumarfríi á Spáni
og hef bara frekar gott af því að vera
laus við Facebook. Og sennilega
hafa vinir mínir í kuldanum heima
líka bara gott af því að ég geti ekki
montað mig með strandarmynd-
um. En jú, auðvitað er þetta fárán-
legt,“ segir baráttukonan Hildur
Lilliendahl sem á miðvikudags-
kvöld var sett í enn eitt bannið á
Facebook, í þetta sinn í 30 daga.
Hildur var sett í bann fyrir að
hlekkja á myndaumfjöllun ungrar
konu sem tekur myndir af eigin
leggöngum og leghálsopi dag-
lega. Myndirnar birtast á síðunni
Beautiful Cervix Project. Þar eru
nokkur myndaalbúm sem sýna
ólíkar konur, sem hafa tekið mynd-
ir af leghálsi og leghálsopi sínu.
„Þarna eru ekki klámfengnar
myndir eða dónalegar. Þetta eru
myndir af einhverju inni í manns-
líkamanum,“ segir Hildur.
Hildur segir bannið þó fyrst og
fremst afhjúpa gildismat Facebook,
sem hefur oft þótt fljótt að bregðast
við ef það telur efni vera klámfeng-
ið, en þykir seint að bregðast við of-
beldisfullum myndum eða jafnvel
kynþáttaníði.
Bjarni Ben í
Washington
Bjarni Benediktsson, fjármála- og
efnahagsráðherra, fer fyrir sendi-
nefnd fjármála- og efnahagsráðu-
neytisins sem sækir ársfund Al-
þjóðagjaldeyrissjóðsins (AGS) og
Alþjóðabankans. Fundurinn hefst
í dag, föstudag, og lýkur honum á
sunnudag.
Á fundinum er fjallað um stöðu
og þróun efnahagsmála á heims-
vísu. Íslenska sendinefndin fund-
ar meðal annars með fjármála-
ráðherrum, fjármálastofnunum,
matsfyrirtækjum og starfsfólki
AGS. Í framhaldi af fundinum í
Washington fer Bjarni fyrir sendi-
nefnd sem sækir ársfund ráðherra
fjármála- og efnahagsmála í ríkjum
Evrópusambandsins, Ecofin, og
EFTA. Fundurinn verður haldinn í
Lúxemborg hinn 15. október.
Íslenskir búddistar í sárum
n „Þetta var einhver stórkostlegasti maður sem ég hef hitt“
Þ
etta er mjög sárt,“ segir Dag-
mar Vala Hjörleifsdóttir,
einn stjórnarmanna Hug-
leiðslu og friðarmiðstöðvar-
innar í Reykjavík. Á þriðjudaginn
bárust þær fréttir frá Kína að
Akong Tulku Rinpoche, bróður-
sonur hans og bílstjóri, hefðu ver-
ið myrtir í borginni Chengdu.
Borgin er í suðvesturhluta Kína
og í sömu borg búa þúsundir
búddista, oft flóttamenn frá Tíbet.
Akong Tulku Rinpoche var
tíbeskur Rinpoche og átti sér
marga fylgjendur. Mennirnir voru
allir breskir ríkisborgarar, en bíl-
stjórinn var munkur og bróður-
sonur Akong var Lama.
Akong Tulku flúði frá Tíbet árið
1959. Árið 1967 stofnaði hann
fyrsta erlenda tíbeska búdda-
klaustrið í Skotlandi.
Dagmar Vala þekkti Akong
Tulku Rinpoche og hafði lært af
honum en Hugleiðslu og friðar-
miðstöðin í Reykjavík var stofnuð
að frumkvæði hans. Samkvæmt
heimildum BBC voru mennirn-
ir þrír stungnir til bana af þremur
tíbeskum mönnum. Árásar-
mennirnir hafa játað, en segja að
árásin hafi verið gerð eftir þrætur
um peninga.
Dagmar bendir á að Akong hafi
gefið mest allt það fé sem hann
aflaði sér til góðgerðamála og lét
það renna áfram til að styðja við
starf sitt.
„Við báðum fyrir þeim öllum í
gær í miðstöðinni, fórnarlömbun-
um þrem og morðingjunum líka.
Mennirnir hafa skapað sér skelfi-
legt karma með þessu og það er
mikilvægt að fyrirgefa og hjálpa
þeim líka,“ segir Dagmar.
Akong var lærimeistari Dag-
marar og segir hún hann hafa ver-
ið mikilvægan mann og setur hann
á svipaðan stall og Dalai Lama.
„Munurinn er sá að Akong var
ekki pólitískur,“ segir Dagmar.
„Hann fékk leyfi til að gera meira
og fór út um allan heim. Hann lét
ekkert stoppa sig. Þetta var ein-
hver stórkostlegasti maður sem
ég hef hitt, fyrir utan Dalai Lama,“
segir hún. n
Mikil sorg Akong Tulku Rinpoche var
lærimeistari Dagmarar. Mynd Wikipedia
n Gengið til samninga við Karl og skuldirnar lækkaðar um milljarð
Í
slandsbanki mat stöðuna svo að
Karl Wernersson, eigandi og for-
stjóri Lyfja og heilsu, væri líkleg-
ur til að geta stýrt lyfjasölukeðj-
unni þannig að bankinn myndi
hámarka endurheimtur sínar á lán-
um félagsins. Þetta kemur fram í
upplýsingum frá Íslandsbanka. Líkt
og DV greindi frá á mánudaginn af-
skrifaði bankinn rúman milljarð
króna af skuldum móðurfélags Lyfja
og heilsu við endurskipulagningu
fyrirtækisins.
Samkvæmt upplýsingunum
frá Íslandsbanka þá fylgdist sér-
stök eftirlitsnefnd Alþingis með
fjárhagslegri endurskipulagningu
móðurfélags Lyfja og heilsu, Aurláka
ehf., og gerði ekki athugasemdir við
áframhaldandi eignarhald Karls á
fyrirtækinu við fjárhagslega endur-
skipulagningu þess. Þá er tekið
fram, líkt og margoft hefur komið
fram opinberlega áður, að við fjár-
hagslega endurskipulagningu fyrir-
tækja hjá íslenskum bönkum eftir
hrunið 2008 er ekki farið í mann-
greinarálit í þeim skilningi að
einstaklingar sem kunna að vera
með vafasama fortíð í viðskipta-
lífinu séu útilokaðir frá eignarhaldi
fyrirtækja. Bankar „hugsa“ kalt í
slíkum efnum.
kaup kaups
Líkt og DV greindi frá á miðviku-
daginn þá hefur Aurláki gengið
í gegnum fjárhagslega endur-
skipulagningu sem fól það í sér
að einn af kröfuhöfum félagsins,
eignarhaldsfélagið Leiftri, sem
skráð er í skattaskjólinu Seychelles,
afskrifaði kröfu sem það átti á félag-
ið upp á tæpan milljarð króna.
Þau viðskipti fóru þannig fram
að Friðrik Arnar Bjarnason, sem er
vinur Karls Wernerssonar, eignaðist
Leiftra og afskrifaði svo kröfu félags-
ins á hendur Aurláka. Í staðinn get-
ur Leiftri eignast tveggja prósenta
hlut í Aurláki gangi fjárhagsleg
endurskipulagning félagsins eftir.
Þannig getur Friðrik fengið eitthvað
í endurgjald fyrir að taka félagið fyr-
ir hönd Karls. Líkt og Karl sagði í DV
á miðvikudaginn þá fannst honum
„betra“ að einhver annar en hann
ætti Leiftra þegar krafan á hend-
ur Aurláka væri afskrifuð því ekki
væri heppilegt að hann væri allan
„ hringinn“ í viðskiptunum.
Íslandsbanki gerði þá kröfu að
aðrar skuldir Aurláka en þær sem
eru við bankann og eru á fyrsta veð-
rétti með tryggingu í hlutabréfun-
um í Lyfjum og heilsu væru þurrk-
aðar upp til að bankinn myndi
afskrifa skuldir félagsins á móti.
Þetta var svo gert með áðurnefnd-
um Leiftrasnúningi.
Málinu vísað frá
Þrotabú Milestone, fjárfestingar-
félags Karls Wernerssonar, hefur
höfðað riftunarmál gegn Aurláka
út af viðskiptunum með hlutabréf-
in í Lyfjum og heilsu í mars 2008.
Þá seldi eitt af dótturfélögum Mile-
stone, L&H Eignarhaldsfélag, lyfja-
sölukeðjuna út úr samstæðu Mile-
stone. Milestone varð svo gjaldþrota
eftir hrun og hefur verið í þrota-
meðferð síðan.
Skiptastjóri Milestone reynir nú
að rifta sölunni á lyfjaversluninni og
snýst hluti málaferlanna um að búið
fái greitt til sín, frá Aurláka, millj-
arð króna sem dótturfélag Mile-
stone fékk aldrei greiddan þegar
Lyf og heilsa var seld út úr sam-
stæðunni. Málaferli vegna þessa
milljarðs standa nú yfir og bein-
ast að Aurláka, Karli Wernerssyni,
Steingrími Wernerssyni og Friðriki
Arnari Bjarnasyni.
Á miðvikudaginn úrskurðaði
Héraðsdómur Reykjavíkur þrotabúi
Milestone í vil í málinu þegar hann
hann hafnaði frávísunarkröfu frá
Karli, Steingrími, Aurláka og Frið-
riki í málinu. Deilan um umræddan
milljarð, sem þrotabú Milestone vill
fá greiddan, verður því tekin fyrir
fyrir dómi. Svo gæti farið að Aurláki
þurfi á endanum að greiða búinu
milljarðinn. n
afskrifað hjá félagi karls Móðurfélag Lyfja og heilsu fær afskrift og Karl Wernersson heldur verslununum. Bankinn telur hann líklegan
til að hámarka endurheimtur bankans. „Bankar
„hugsa“
kalt í slíkum
efnum
Ingi Freyr Vilhjálmsson
fréttastjóri skrifar ingi@dv.is
9. október 2013
Skotið á hús
í Eyjum
Lögreglan í Vestmannaeyjum
handtók aðfaranótt fimmtudags
mann í tengslum við skotárás
í Vestmannaeyjum. „Málið er í
rannsókn,“ sagði Halldór Sveins-
son, varðstjóri hjá lögreglunni í
Vestmannaeyjum, í samtali við DV
um málið. Samkvæmt heimildum
DV var skotið á hús við Fífilgötu
í Vestmannaeyjum um klukkan
fjögur aðfaranótt fimmtudags og
staðfestir Halldór það. Var skotinu
hleypt af úr loftriffli og handtók
lögreglan einstakling í tengslum
við málið skömmu síðar og vistaði
hann í fangageymslu lögreglunn-
ar. Hann hefur síðan verið kærður
vegna málsins.