Dagblaðið Vísir - DV - 11.10.2013, Blaðsíða 8

8 Fréttir 11.–13. október 2013 Helgarblað
niðurfærslu skulda
n Viðsnúningur hjá útgerð á Patreksfirði
Ú
tgerðarfélagið Oddi hf. á Pat­
reksfirði hefur rétt úr kútn­
um eftir rúmlega 2,2 millj­
arða niðurfærslu á skuldum
félagsins á síðasta ári. Þetta
kemur fram í ársreikningi fyrirtæk­
isins fyrir árið 2012 sem skilað var
til ársreikningaskrár ríkisskattstjóra
í sumar. Viðskiptabanki Odda er
Arion banki.
Vegna þessarar skuldaniðurfær­
slu skilaði Oddi bókfærðum hagnaði
í fyrra upp á meira en 1.740 milljón­
ir króna. Í ársreikningi félagsins kem­
ur fram að hagnaðurinn sé vegna
„endurútreiknings langtímalána“ en
skuldir félagsins voru að stærstu leyti
í erlendum myntum þar til niður­
færslan átti sér stað.
Sigurður Viggósson, eigandi og
framkvæmdastjóri Odda, segir að
staða útgerðarinnar hafi vænkast
talsvert á milli ára en hann segir út­
gerðina ekki komna fyrir vind enn­
þá og bendir hann þar á skuldsetn­
ingu þess. „Við erum komnir á aðeins
lygnari sjó. Félagið er ennþá skuldsett
en það kom inn nýtt hlutafé. Já, þetta
lítur allt betur út hjá okkur.“
Viðsnúningur upp á
rúma tvo milljarða
Oddi á og rekur þrjú skip og er með
fiskvinnslu á Patreksfirði. Auk þess
að vinna eigin afla fer afli nokkurra
annarra skipa einnig í gegnum fisk­
vinnslu fyrirtækisins. Rúmlega 70
starfsmenn starfa hjá fyrirtækinu og
námu launagreiðslur til þeirra rúm­
lega 387 milljónum króna í fyrra.
Félagið var illa statt vegna gengis­
tryggðra lána þar til í fyrra og var
eigin fjárstaða þess neikvæð um
nærri 1.800 milljónir króna árið 2011.
Með niðurfærslunni á skuldunum
fór eiginfjárstaðan hins vegar upp í
rúmlega 245 milljónir króna í plús.
Fjárhagsleg endurskipulagning
Niðurfærslan á hluta skulda Odda
var liður í fjárhagslegri endur­
skipulagningu útgerðarinnar sem
fram fór á síðasta ári. Í ársreikningn­
um sést að félagið greiddi niður lang­
tímalán upp á meira en 4,3 milljarða
króna og tók ný langtímalán upp á
ríflega 2,6 auk þess sem skuldir voru
færðar niður um áðurnefnda tölu. Þá
kom inn nýtt hlutafé í félagið upp á
300 milljónir króna.
Segja má að félagið hafi farið í
gegnum „þvottavél“ viðskiptabanka
síns í þessari fjárhagslegri endur­
skipulagningu: Nýtt hlutafé kom inn
og skuldir voru færðar niður á móti.
Fyrir vikið lítur staða Odda hf. ágæt­
lega út í dag og núverandi hluthaf­
ar, Sigurður V. Viggósson og Skjöldur
Pálmason, halda fyrirtækinu.
Mörg fyrirtæki í landinu fara nú
í gegnum slíka fjárhagslega endur­
skipulagningu um þessar mundir,
bæði útgerðir og fyrirtæki í öðrum
greinum. Fyrir skömmu greindi
DV til dæmis frá því að gasfyrirtæki
Bjarna Ármannssonar hefði farið í
gegnum slíka endurskipulagningu
þar sem skuldir voru færðar niður og
komið var inn með nýtt hlutafé.
Eignuðust kvóta fyrir 635 milljónir
Á sama tíma og Oddi fór í gegnum
þessa fjárhagslegu endurskipulagn­
ingu með tilheyrandi skuldaniður­
færslu eignuðust forsvarsmenn fyrir­
tækisins kvóta fyrir rúmlega 635
milljónir króna árið 2012. Þetta kem­
ur fram í ársreikningi félagsins. Á
þessu eru þó skýringar sem tengjast
fjárhagslegri endurskipulagningu fé­
lagsins.
Sigurður Viggósson segir að ekki
sé um að ræða kaup á nýjum kvóta
heldur hafi Arion banki gert kröfu
um að dótturfélög Odda hf. rynnu
inn í útgerðina vegna fjárhagslegr­
ar endurskipulagningar þess. Fyrir
vikið þá eykst bókfærð kvótaeign
Odda um 635 milljónir króna vegna
þeirra aflaheimilda sem voru inni í
dótturfélögunum. „Það er bara ver­
ið að sameina félög sem við áttum.
Bankinn gerði kröfu um þetta. Þetta
eru ekki nein ný kaup heldur er verið
að færa kvóta á milli.“
Staða Odda í dag er sú að félagið á
eignir upp á tæpa 4,3 milljarða króna
en skuldar rúma 4. n
Ingi Freyr Vilhjálmsson
fréttastjóri skrifar ingi@dv.is
„Við erum komnir á
aðeins lygnari sjó.
Niðurfærsla hjá Odda
Oddi á Patreksfirði fékk
skuldaniðurfærslu upp á
rúmlega á 2,2 milljarða
króna. MyNd Sigtryggur Ari
Oddi braggast eftir
K
O
R
T
E
R
.
I
S