Dagblaðið Vísir - DV - 11.10.2013, Blaðsíða 16
16 Fréttir 11.–13. október 2013 Helgarblað
Svikahrappur
ákærður á ný
n Halldór Viðar Sanne á sér langa sögu svika og pretta
H
alldór Viðar Sanne, fertug-
ur karlmaður sem dæmd-
ur var í tveggja og hálfs
árs fangelsi í Danmörku
vegna umfangsmikilla
fjársvika þar í landi, hefur verið
ákærður fyrir fjársvik á Íslandi.
Málið var tekið fyrir í Héraðsdómi
Reykjavíkur fyrir skömmu en sam-
kvæmt ákæru voru brotin fram-
in á árunum 2008 til 2011. Ákær-
an er í sex liðum og nema kröfur
á hendur Halldóri mörgum millj-
ónum króna. Halldór á að baka
langan feril svika og pretta og verði
hann fundinn sekur gæti hann átt
yfir höfði sér nokkurra ára fangels-
isvist.
Brottrækur frá Danmörku
Í mars síðastliðnum var Halldór
dæmdur til tveggja og hálfs árs
fangelsisvistar í Danmörku fyrir
umfangsmikil svik í Kaupmanna-
höfn. Hann var sakfelldur fyrir 97
brot og má ekki koma aftur til Dan-
merkur að lokinni afplánun dóms-
ins. Halldór afplánar dóm sinn nú
á Kvíabryggju en ekki er óalgengt
að Íslendingar sem fengið hafa dóm
erlendis fái að afplána hann hér á
landi.
Fjársvik Halldórs voru ansi um-
fangsmikil en hann sveik fé út úr
fólki, alls um 110 milljónir íslenskra
króna, með því að sannfæra það
um að kaupa fyrir sig iPhone-síma
frá Apple sem hann myndi svo selja
áfram á Íslandi fyrir hærra verð.
Þannig væri hægt að græða talsvert
á mismuninum og voru margir sem
létu blekkjast, en símarnir sem Hall-
dór sveik út úr fólki voru á bilinu sex
til átta hundruð talsins. Hver sími
kostar um fjögur þúsund danskar
krónur, en það samsvarar um 90
þúsund íslenskum krónum. Hall-
dór var handtekinn í október í fyrra
í miðborg Kaupmannahafnar og var
lögreglurannsóknin vegna málsins
nokkuð umfangsmikil, enda margir
sem höfðu látið blekkjast af svik-
um Halldórs og viðmælendur lög-
reglunnar því ekki fáir.
Fjörugar flugferðir
Líkt og fyrr sagði er ákæran á hend-
ur Halldóri í sex liðum og er hann
sakaður um að hafa, með ýmsum
hætti, svikið út sem nemur rúm-
lega 20 milljónum króna á þriggja
ára tímabili; frá árslokum 2008 til
ársloka 2011. Í fyrsta lagi er hann
sakaður um að hafa svikið út sex
flugfarmiða með Icelandair, sam-
tals að andvirði rúmlega 500 þús-
und króna, með því að gefa upp
númer á greiðslukorti föður síns við
kaup á flugmiðunum í gegnum vef
flugfélagsins og þannig látið skuld-
færa andvirði miðanna á greiðslu-
kortareikning föðurins. Var það gert
í blekkingarskyni og án heimild-
ar korthafa. Þá er hann einnig sak-
aður um að hafa í þrjú skipti svikið
út vörur, samtals að andvirði rúm-
lega 100 þúsund króna, í verslunum
Saga Shop um borð í flugvélum
Icelandair. Það gerði Halldór með
því að framvísa innistæðulausu
fyrirframgreiddu greiðslukorti
sem lokað hafði verið og skilgreint
sem vákort og nýtti sér þar með að
greiðslukortavélar um borð í flug-
vélum eru ótengdar síma og er því
ekki hægt að hringja jafnóðum eftir
heimild til úttekta.
Tíu milljóna fjársvik
Í öðru lagi er Halldór sakaður um
að hafa fengið íslenskan mann til
að greiða 2,6 milljónir króna sem
hlutafé í tveimur óstofnuðum fé-
lögum. Um var að ræða 25 prósenta
hlut í SmartMedia annars vegar og
fimm prósenta hlut í Smart Media
Denmark hins vegar, en aldrei
varð þó af stofnun félaganna og
nýtti Halldór féð í eigin þágu sem
og í rekstur eigin félaga samkvæmt
ákæru.
Í þriðja lagi er Halldór ákærður
fyrir fjársvik og tilraun til fjársvika
með því að fá Íslending, sem stadd-
ur var hér á landi, til að slá inn
greiðsluupplýsingar í posa sem
tengdur var við íslenska fyrirtækið
Borgun hf., en Halldór hafði þá
komist yfir upplýsingar um fjöl-
mörg greiðslukort og lét taka út af
þeim án heimildar korthafa. Posinn
var tengdur við reikning annars Ís-
lendings sem gert hafði samning
við Borgun hf. um leigu á posanum
og rann féð því inn á reikning í hans
eigu.
Sjálfur var Halldór staddur í
Danmörku þegar meint brot voru
framin og fékk þess vegna menn-
ina tvo, sem einnig eru ákærðir, í lið
með sér við verknaðinn. Færslurn-
ar voru alls 25 talsins og með þessu
tókst Halldóri og félögum að svíkja
út 9,6 milljónir króna. Þó greiddi
Borgun einungis rúmar 7,6 millj-
ónir króna inn á reikning manns-
ins því eftirstöðvum var haldið eftir
þegar upp komst um málið.
Keypti Apple-vörur
Í fjórða lagi er Halldór ákærður fyrir
sams konar svik gagnvart Valitor
og hann framdi gagnvart Borgun.
Er hann sakaður um að hafa kom-
ist yfir upplýsingar um greiðslu-
kort átta einstaklinga og tekið út af
greiðslukortum þeirra án heimildar
en færslurnar voru alls 18 tals-
ins og með þessu tókst Halldóri að
svíkja út rúmar 4,5 milljónir króna.
Í fimmta lagi er Halldór sakaður um
sams konar verknað gagnvart Borg-
un en með sama hætti tókst hon-
um að svíkja út rúmar 580 þúsund
krónur. Bæði Borgun og Valitor fara
fram á að Halldóri og vitorðsmönn-
um hans verði gert að endurgreiða
féð að fullu ásamt vöxtum.
Í sjötta lagi er Halldór sakaður
um að hafa svikið út vörur, alls að
andvirði rúmlega 2 milljóna króna,
úr verslunum Apple á Íslandi. Þetta
gerði Halldór með því að kom-
ast yfir greiðslukortaupplýsingar
Dana og gefa þær upp við kaup á
hinum ýmsu vörum. Tókst honum
þannig að kaupa sér sex snjallsíma
af gerðinni iPhone 4S, þrjár tölvur
af gerðinni Macbook Pro og einn
snjallsíma af gerðinni iPhone 4.
Útrás til Bandaríkjanna
Halldór hefur að mestu verið bú-
settur erlendis síðan snemma á tí-
unda áratug síðustu aldar. Hann
var um tíma markaðsstjóri Skífunn-
ar en hefur komið víða við og var til
að mynda forstjóri og einn stærsti
hluthafi fyrirtækisins SmartSMS
sem stofnað var árið 2001. Fyrir-
tækið seldi smáskilaboðaþjónustu
á yfirverði og bauð meðal annars
upp á hringitóna, leiki og tákn fyrir
farsímanotendur hérlendis. Halldór
ætlaði sér stóra hluti með SmartSMS
í bæði Bandaríkjunum og á megin-
landi Evrópu og sagði hann í viðtali
við Morgunblaðið árið 2003 að gerð-
ur hefði verið samningur við banda-
ríska fjarskiptafyrirtækið Electronic
for Imagine um starfsemi þar vest-
anhafs. Af því tilefni hygðist hann
flytja búferlum til Los Angeles í Kali-
forníu þar sem fyrstu skrefin yrðu
stigin. Lítið sem ekkert hefur spurst
til SmartSMS síðan en undanfarin
ár hefur Halldór að mestu verið bú-
settur í Danmörku.
Framleigði íbúðir
Þetta er ekki í fyrsta sinn sem Hall-
dór er sakaður um svik hérlendis.
DV hefur áður fjallað um mál hon-
um tengd og sögðu viðmælendur
blaðsins, sem þekkja til Halldórs,
að hann hafi stundað vafasöm við-
skipti af ýmsu tagi um árabil.
Árið 2008 fjallaði DV til dæmis
um mál einstæðrar móður
langveiks barns sem sagðist hafa
leigt íbúð af Halldóri sem hún taldi
að væri í hans eigu. Borgaði hún
Halldóri 400 þúsund krónur fyrir-
fram í tryggingu, en þá tryggingu
átti hún svo að fá greidda til baka
að leigutíma liðnum. Síðar kom
þó í ljós að Halldór var í raun að
framleigja íbúðina til konunnar,
án vitundar réttra eigenda, og fékk
konan trygginguna aldrei endur-
greidda. Sagði hún einnig að Hall-
dór hafi platað sig og vin hennar til
þess að kaupa hlutabréf í fyrirtæk-
inu Smart Entertainment Group,
sem hann sagðist vera forstjóri í.
Tók konan tæplega 700 þúsund
króna lán fyrir hlutabréfunum en
þegar hún setti sig í samband við
umrætt fyrirtæki og spurði um
Halldór og hlutabréfin fékk hún
þau svör að ekki hefði sést til hans
í marga mánuði. Lenti konan í
mikilli skuldasúpu vegna þessa og
var að vonum afar ósátt með fram-
göngu Halldórs. n
Hörn Heiðarsdóttir
blaðamaður skrifar horn@dv.is
Ákærður Halldór er
ákærður fyrir að hafa
svikið út rúmlega 20
milljónir króna með
margvíslegum hætti.