Lögmannablaðið - 01.05.2001, Blaðsíða 2

Inntökuskilyrði:
Stúdentspróf. Námsefni er að mestu leyti á íslensku
auk hliðsjónarefnis á öðrum tungumálum, einkum
Norðurlandamálum. Góð íslenskukunnátta er mikil-
væg.
Stúdentar, sem hafa náð 5,0 eða hærri einkunn í al-
mennri lögfræði á árinu 1995 eða síðar, þurfa ekki að
taka grunnnámskeiðið almenn lögfræði fyrir lögritara,
heldur fá eldra próf sitt í almennri lögfræði metið í stað
grunnnámskeiðsins.
Skrásetning:
Skrásetning nýrra stúdenta til náms við Háskóla Ís-
lands háskólaárið 2001-2002 fer fram í Nemendaskrá
Háskólans (á fyrstu hæð Aðalbyggingar) dagana 22.
maí til 5. júní 2001. Umsóknareyðublöð fást í Nem-
endaskrá, sem opin er kl. 10-15 hvern virkan dag.
Eyðublöðin er einnig hægt að nálgast á heimasíðu
Nemendaskrár, http://www.hi.is/stjorn/nemskra/
Námið og námstilhögun:
Lögritaranámið jafngildir 45 einingum og er miðað
við, að nemendur geti lokið því á 3 misserum.
Lögritaranámið er á ábyrgð lagadeildar og byggist
upp á námskeiðum, sem kennd eru við lagadeild (LD),
viðskipta- og hagfræðideild (VH), félagsvísindadeild
(FD) og heimspekideild (HD / TM).
Í lögritaranáminu er nemendum gerð grein fyrir
grundvallarhugtökum lögfræðinnar, réttarheimildum
og beitingu þeirra og þeir fræddir um meginreglur er
gilda um meðferð dómsmála og stjórnsýslumála. Enn-
fremur er nemendum veittar leiðbeiningar um lög-
fræðilega skjalagerð, rekstur, bókhald og skjalastjórn-
un, þeim kennd öflun upplýsinga og úrvinnsla úr lög-
fræðilegum heimildum, þ. á m. á Netinu. Mikil áhersla
er lögð á notkun íslensks máls svo og kennslu í erlend-
um tungumálum, einkum í lagamáli.
Markmið:
Lögritaranámi við lagadeild er ætlað að gera þá, sem
því hafa lokið, færari til þess að veita lögfræðingum
aðstoð við að rita lögfræðilegan texta, semja lögfræði-
leg skjöl, afla heimilda og upplýsinga og vinna úr
þeim, færa bókhald, annast skjalastjórnun og hafa um-
sjón með rekstri, t.d. á lögmannsstofum.
Starfsvettvangur:
Þeir, sem lokið hafa námi sem lögritarar, ættu að
hafa mun betri möguleika en aðrir til þess að fá störf
sem sérhæfðir ritarar og aðstoðarmenn á lögmanns-
stofum og sem sérhæfðir ritarar og skjalaverðir hjá
dómstólum, ráðuneytum og öðrum stofnunum ríkis og
sveitarfélaga, hjá einkafyrirtækjum á borð við banka og
aðrar fjármálastofnanir, tryggingafélög og fasteignasöl-
ur og hjá hvers kyns samtökum.
Námskeið í lögritaranámi, skyldunámskeið og
valnámskeið:
Skyldunámskeið í lögritaranámi vega 36 e og þar til
viðbótar taka stúdentar valnámskeið úr öðrum há-
skóladeildum, sem vega minnst 9 e, og tengjast nám-
inu.
Skyldunámskeið á haustmisseri 1. árs:
LD 03.29.01-006 Almenn lögfræði fyrir lögritara 10 e
Önnur skyldunámskeið á haustmisseri 1. og/eða 2.
árs:
LD 03.29.04-016 Upplýsingaöflun og
heimildavinna 2,5 e
HD 05.40.61-016 Hagnýt íslenska 5 e
VH 04.41.02-956 Reikningshald I 3 e
Skyldunámskeið á haustmisseri 2. árs:
LD 03.29.02-016 Réttarfar – formreglur 2,5 e
LD 03.02.13-996 Stjórnsýsluréttur I 2,5 e
Tillögur að valnámskeiðum á haustmisseri 1. og/eða 2.
árs:
VH 04.41.01-956 Rekstrarhagfræði I 3 e
VH 04.44.18-956 Viðskiptaenska I 3 e
TM 05.77.01-996 Hagnýt danska I 3 e
Skyldunámskeið á vormisseri:
LD 03.29.03-010 Lögfræðileg skjalagerð 2,5 e
FD 10.01.14-020 Skjala- og upplýsinga-
stjórn hjá fyrirt. og st. 3 e
HD 05.40.19-000 Málnotkun (í íslensku) 5 e
Tillögur að valnámskeiðum á vormisseri:
HD 05.44.61-000 Meðferð talaðs máls (í íslensku) 3 e
VH 04.41.09-960 Reikningshald II (forkröfur:
Reikningshald I) 3 e
VH 04.41.07-020 Upplýsingatækni – tölvunotkun 3 e
VH 04.44.39-960 Viðskiptaenska II 3 e
TM 05.77.02-000 Hagnýt danska II 3 e
Allar nánari upplýsingar um lagadeild, laganám,
lögritaranám og háskólanám almennt er að finna á
heimasíðu lagadeildar, http://www.hi.is/nam/laga/
2 Lögmannablaðið
Diplómanám fyrir aðstoðarfólk
lögfræðinga / lögritara