Lögmannablaðið - 01.05.2001, Side 26

ur hópur manna undir forystu
Jakobs R. Möller hrl. gripu til þess
ráðs að yfirgefa bifreiðina og
ganga þann spöl sem eftir var á
hótelið. Var sá hópur kominn fyrr á
áfangastað en hinir sem biðu þol-
inmóðir í rútunni.
Sendiherrahjónin tóku höfðing-
lega á móti okkur í smekklegum
húsakynnum og voru veitingarnar
glæsilegar. Ekki var skipulagt borð-
hald eftir móttökuna hjá Þorsteini
Pálssyni og Ingibjörgu Þ. Rafnar
hrl. Undirritaður fór með hópi
fólks á ítalskan veitingastað og
naut hópurinn röggsamrar leið-
sagnar Braga Björnssonar hdl. sem
bjó í London og var gerkunnugur
öllum staðháttum.
Föstudagurinn hófst með heim-
sókn í Old Bailey (The Central
Criminal Court Old Bailey). Þar
fengum við góða leiðsögn undir
stjórn Ian Fry. Þessi heimsókn var
eftirminnileg. Leiðsögumaðurinn
skemmtilegur og fróður auk þess
sem áhugavert var að sjá þetta
fræga dómhús. Hópnum var skipt
upp í tvo hluta og fór hinn hluti
hópsins í The Royal Courts of Just-
ice með stuttri viðdvöl á kaffistof-
unni í The Law Society of England
and Wales. Þar var bæði hátt til
lofts og vítt til veggja. Óneitanlega
kom mönnum í hug Álftamýri 9
þegar þangað kom.
Sá hópur sem undirritaður fór
með í The Royal Courts of Justice
var viðstaddur þinghald í refsi-
máli. Þar var verið að yfirheyra sér-
fræðing. Við frekari athugun kom í
ljós að hér var verið að yfirheyra
Gísla Guðjónsson réttarsálfræðing.
Tekið skal fram að í dómhúsinu er
fjöldi dómsala og hópurinn gekk
inn í þennan dómsal af algerri til-
viljun. Það var sérstaklega minnis-
stætt að sjá ensku lögmennina að
störfum og þá ekki síst kurteisi
þeirra í samskiptum sín í milli og
við dómara málsins. Þó var langt
frá því að lögmennirnir gæfu
nokkuð eftir við að fylgja sínu máli
eftir með spurningum fyrir vitnið.
Hádegisverður var síðan í boði
Clifford Chance lögmannsstofunn-
ar. Sú lögmannsstofa er verulega
stór á íslenskan mælikvarða. Með-
eigendur eru 650 og starfa 2900
lögfræðingar hjá fyrirtækinu um
heim allan. Lögmannsstofan sam-
einaðist stofu í Bandaríkjunum og
annarri frá Þýskalandi í janúar
2000. Fundarsalurinn var á efstu
hæð 17 hæða byggingar og var
okkur tjáð að fasteign þessi væri of
lítil fyrir starfsemina og að nýtt hús
væri í byggingu. Á móti okkur
tóku þrír af eigendum stofunnar.
Beið hópsins glæsilegt hádegis-
verðarborð en að málsverði lokn-
um voru haldin þrjú erindi sem má
26 Lögmannablaðið
Jóna K. Kristinsdóttir, fulltrúi félagsdeildar LMFÍ, Þóra
Bjarnadóttir og Kristín Jónsdóttir í Sendiráði Íslands.
Ásgeir Thoroddsen hrl. Ragnar H. Hall, hrl., Þorsteinn
Pálsson sendiherra og Svala Thorlacius hrl.
Fulltrúar The Law Society auk Ásgeirs Thoroddsen hrl.
formanns LMFÍ.
Formaður LMFÍ afhendir fulltrúum Clifford Chance
þakklætisvott fyrir móttökurnar.