Lögmannablaðið - 01.05.2001, Síða 11
manna væru ekki tengd skulda-
stöðu þeirra. Þannig héldust rétt-
indin þó svo félagsgjöld væru ekki
greidd. Sagði hann stjórn félagsins
veigra sér við því að losa félagið
við skuldseiga félagsmenn með
þeim hætti, að svipta þá réttindum
sínum með gjaldþrotaúrskurði.
Orsök vanskilanna væri oftast
óregla viðkomandi skuldara, harm-
ur og óhamingja. Sömuleiðis væri
óráðlegt að leggja í dýrar inn-
heimtuaðgerðir sem fyrirfram væri
vitað að bæru engan árangur. Ef til
vill væri nafnabirting vænlegust til
árangurs, en ákvörðun um fram-
kvæmd slíks væri einnig erfið þeim
sem sæti í stjórn félagsins á hverj-
um tíma og myndi hann sjálfur
ekki treysta sér til þess. Varðandi
þóknun lögmanna, kvað formað-
urinn að oft hafi verið reynt að
gera könnun á rekstrarkostnaði
lögmannsstofu, og væri það verk-
efni næstu stjórnar að vinna kostn-
aðargrunn. Því fylgdi þó sá vandi,
að kostnaður pr. klst. væri í raun
svo mikill að lögmenn ættu sjálfir
erfitt með að trúa því, hvað þá að
hægt væri að koma venjulegum
launamönnum eins og dómurum í
skilning um það. Gunnar Jónsson
hrl. taldi að innheimta félagsgjalda
gengi ekki eins illa og almennt sé
talið. Kvaðst hann sammála for-
manni um að þýðingarlaust væri
að ganga að þeim sem fyrirfram sé
vitað að muni ekki greiða. Hugsan-
lega megi við endurskoðun lög-
mannalaga kveða á um að fella
megi þá lögmenn af félagaskrá
sem ekki greiði félagsgjöld sín.
Jónas Haraldsson, hdl. ítrekaði enn
þá skoðun sína að félaginu beri að
sækja á um innheimtu vangoldinna
félagsgjalda, og taldi óhamingju
hinna skuldseigu félagsmanna ekki
eiga að leysa þá undan greiðslu-
skyldu, frekar en hann sjálfan.
Kosningar
Ásgeir Thoroddsen hrl. gaf kost á
sér til endurkjörs til embættis for-
manns félagsins og þar sem ekki
var um fleiri framboð að ræða, lýsti
fundarstjóri Ásgeir réttkjörinn for-
mann. Auk Ásgeirs voru kjörnir í
aðalstjórn til næstu tveggja ára,
þau Helgi Jóhannesson, hrl. og
Lára V. Júlíusdóttir, hrl. Auk þeirra
sitja áfram í stjórn félagsins þeir
Helgi Birgisson, hrl. og Ársæll Haf-
steinsson, hdl. Í þriggja manna
varastjórn voru kjörin þau Aðal-
steinn Jónasson hrl., Jóhannes Karl
Sveinsson hrl. og Steinunn Guð-
bjartsdóttir hdl. Gústaf Þór
Tryggvason hrl. og Othar Örn Pet-
ersen hrl. voru kjörnir endurskoð-
endur, en Jón Sigfús Sigurjónsson
hdl., til vara. Í Laganefnd voru
kjörin þau Jakob R. Möller, hrl., Er-
lendur Gíslason, hrl., Ólafur Har-
aldsson, hdl., Ragnar H. Hall, hrl.
og Sif Konráðsdóttir hrl.,
Aðalfundur félagsdeildar
Lögmannafélags Íslands
Í framhaldi af aðalfundi Lögmanna-
félagsins var haldinn aðalfundur
félagsdeildar LMFÍ, samkvæmt
auglýstri dagskrá. Fundarstjóri var
Pétur Guðmundarson hrl. og Björg
Rúnarsdóttir, hdl., fundarritari Á
dagskrá fundarins voru venjuleg
aðalfundarstörf samkvæmt sam-
þykktum félagsins. Vísað var til
þess að reikningar hafi þegar verið
kynntir samhliða afgreiðslu sömu
dagskrárliða skyldubundna hluta
félagsins á aðalfundi félagsins.
Enginn kvaddi sér hljóðs undir
þessum dagskrárliðum og var
reikningar félagsins samþykktir
samhljóða.
11Lögmannablaðið
Til leigu
Skrifstofuherbergi. Hentugt húsnæði undir lögfræðistofur í Aðal-
stræti ca. 140 fm. Upplýsingar gefur Jón Einar Jakobsson, hdl. í
síma 561 5969.
Til leigu
Skrifstofuaðstaða í miðborginni. Björt skrifstofa á lögmannsstofu
á 4. hæð í lyftuhúsi við Lækjartorg, er laus til leigu. Innan við
mínútu göngufæri frá Héraðsdómi Reykjavíkur Til staðar eru:
Húsgögn, sími, laserfaxtæki, laserprentari, ljósritunarvél og
sítenging við internet Frekari upplýsingar veitir:
Einar Sigurjónsson hdl.
E. Sigurjónsson lögmannsstofu ehf.
í síma 552 5590
Til leigu
Til leigu hjá Lögfræðiþjónustunni ehf. 2-3 góð samliggjandi
skrifstofuherbergi. Vandað húsnæði með góðum húsgögnum.
Samtengdar tölvur geta fylgt. Sameiginleg afnot af kaffistofu,
góðu fundarherbergi og móttöku með símaþjónustu. Upplýs-
ingar hjá Lögfræðiþjónustunni ehf. í síma 520 5588.
Ingólfur Hjartarson hrl.