Lögmannablaðið - 01.12.2006, Page 13
LÖGMANNABLAÐIÐ – 4 / 2006 > 3
í sjó. Skúli stiklaði á stóru yfir þróun
fiskveiðiréttar á Íslandi frá almanna-
rétti til sérréttar. Hann fjallaði um
hvort hugtakið „sameign þjóðarinnar
að nytjasofnum“ gæti fræðilega gengið
upp. Af umfjöllun hans mátti ráða að
hann teldi að hér væri ekki um beinan
eignarétt að ræða heldur rétt til veiða
eða nýtingar. Þá gerði Skúli grein fyrir
eigin rannsóknum þar sem hann hefur
komist að þeirri niðurstöðu að fyr-
irvarinn í 3. tl. 1. gr. l. nr. 38/1990
girði fyrir að eignaréttur í skilningi
72. gr. stjórnarskrárinnar geti mynd-
ast. Þar er kveðið á um að úthlutun
veiðiheimilda myndi hvorki eignarétt
né óafturkallanlegt forræði yfir þeim.
Hann greindi einnig frá gagnrýni ann-
arra fræðimanna á þessar niðurstöður
sínar.
Tímabært málþing
Málþingið var bæði málefnalegt og
tímabært. Skipulagning þess var til fyr-
irmyndar þar sem tryggð var mismun-
andi nálgun viðfangsefnis sem kom í
Eftir málþingið var boðið
upp á léttar veitingar.
Ólafur Björnsson, Skúli
Magnússon og Jón
Finnbjörnsson.
Greinarhöfundur, Katrín
Theodórsdóttir (t.h.) ásamt
Bjarnveigu Eiríksdóttur.
veg fyrir endurtekningar þótt fjallað
væri sama réttarsvið. Fróðlegt var að
heyra um niðurstöður auðlindanefnd-
arinnar og má gera ráð fyrir að tekist
verði á um tillögur hennar á Alþingi
í vetur, verði þær lagðar fram. Með
hliðsjón af umræðum um vatnalögin
síðasta vetur má gera ráð fyrir átökum
um forræði á nýtingarréttinum.
Málþingið vakti upp margar spurning-
ar eins og góð málþing eiga að gera svo
sem hvert inntak eignarréttar íslenska
ríkisins á þjóðlendum sé og hvað fel-
ist í þeirri hugsun að forsætisráðherra
fari með sameignina sem vörslumaður
þjóðarinnar. Spyrja má í því sambandi
hvort misvitrar ríkisstjórnir geti í skjóli
þingræðis ráðstafað þjóðlendum að
vild eða hvort gæta verði hagsmuna
eigandans við ráðstöfun eignarinn-
ar. Þá mætti velta fyrir sér hvort rétt
væri að festa eignaréttinn í stjórnarskrá
lýðveldisins. Ljóst er að svör við spurn-
ingum sem þessum kalla á nýtt mál-
þing.
Katrín Theodórsdóttir hdl.