Lögmannablaðið - 01.12.2006, Page 16

6 < LÖGMANNABLAÐIÐ – 4 / 2006
Hópur lögmanna og gestir
þeirra fóru í námsferð til San
Francisco í byrjun september sl.
Hópurinn heimsótti meðal ann-
ars Hæstarétt Kaliforníu.
Arnfríður Einarsdóttir héraðs-
dómari segir lesendum
Lögmannablaðsins frá heim-
sókninni.
Það bólaði ekki á hinni alræmdu San
Francisco þoku þegar við örkuðum
af stað í Hæstarétt þriðjudagsmorg-
uninn 5. september s.l. Himininn var
skafheiður og sólin skein án afláts svo
það var líkn að komast inn í skugga
súlnaganganna fyrir framan útidyr
dómstólsins. Þar biðum við góða
stund áður en okkur var hleypt inn en
þá tók við nákvæm öryggisgæsla þar
sem töskur okkar og jakkar voru sett á
færiband til gegnumlýsingar.
Að þessu loknu tók Frederick K.
Ohlrich, sem ber titilinn Court
Executive Officer, á móti hópnum
og kynnti starfsemi dómstólsins.
Hæstiréttur Kaliforníu var stofnaður
1849 og á upphafsárunum sátu þar þrír
dómarar, þar af var einn þeirra titlaður
forseti dómsins. Nú eru hæstaréttar-
dómararnir sex að tölu auk forseta
dómsins og eru þeir allir skipaðir af
ríkisstjóranum til 12 ára í senn en þá
skipan þurfa síðan atkvæðismenn alls
staðar að úr Kaliforníu að staðfesta.
Niðurstöður Hæstaréttar Kaliforníu
eru bindandi fyrir alla dómstóla fylk-
isins en til dómstólsins berast mörg
þúsund mál á hverju ári. Töluverður
tími dómaranna fer í að meta hver
þessara mála fá meðferð fyrir dóm-
stólnum. Dómararnir eiga þó ekkert
val þegar kemur að dauðadómum
enda er mælt fyrir um það í lögum að
dómstóllinn taki öll slík mál til með-
ferðar og dómsálagningar.
Eftir að hafa veitt hópnum innsýn í
starfsemi dómstólsins leiddi hinn geð-
þekki Ohlrich okkur að dómsalnum
þar sem við hugðumst hlýða á mál-
flutning. Fyrir framan salinn stóðu
ábúðarmiklir öryggisverðir vörð og
Heimsókn í Hæstarétt Kaliforníu
Hæstiréttur Kaliforníu.