Iðjuþjálfinn - 01.06.1998, Page 23
HUGMYNDAFRÆÐI
OG KENNINGAR
innan iðjuþjálfunar
Námskeið á háskólastigi
Nýlokið er þriggja eininga námskeiði
fyrir starfandi iðjuþjálfa um hug-
myndafræði og kenningar innan
fræðigreinarinnar. Námskeiðið var var haldið
í samvinnu Háskólans á Akureyri og Iðju-
þjálfafélags íslands. Það var 44 kennslustundir
og stóð frá byrjun janúar til loka apríl 1998.
Fyrirlestrar voru haldnir tvisvar í viku í lok
vinnudags. Kennarar voru iðjuþjálfarnir Snæ-
fríður Þ. Egilson, Guðrún Pálmadóttir og
Valerie Harris. Þátttakendur voru um 25, þar
af þrír iðjuþjálfar sem sóttu sömu fyrirlestra
og nemendur við iðjuþjálfunarbrautina fyrir
norðan. Námsmat var tvíþætt, annars vegar
var skriflegt verkefni sem vó 40% og hins veg-
ar skriflegt próf sem vó 60%.
Tilgangur námskeiðsins var að kynna hug-
myndafræði iðjuþjálfunar og helstu fræði-
kenningar sem liggja að baki matsaðferðum
og íhlutun. Megin áhersla var lögð á mikil-
vægi iðju fyrir þroska, færni og aðlögun hvers
einstaklings og áhrif aðstæðna á þetta ferli.
Leitað var svara við spurningunum: Hvers
vegna, hvenær og hvernig fólk tekst á við dag-
lega iðju. Færnilíkanið og líkanið um iðju
mannsins voru notuð til að greina iðju og at-
ferli í daglegu lífi. Tengsl iðju og heilsu voru
könnuð og þau áhrif sem sjúkdómar, röskun á
þroska, áföll og erfiðleikar í félagslegu um-
hverfi geta haft á færni við iðju.
Markmiðið var meðal annars að þátttak-
endur lærðu að þekkja líffræðilegt, sálfræði-
legt og félagslegt gildi iðju, ásamt því að
þekkja helstu faglíkön í iðjuþjálfun og hvernig
þau leiðbeina um matsaðferðir og íhlutun.
Áhersla var lögð á að nemendur kunni skil á
líkaninu um iðju mannsins og geti nýtt sér
það við að skoða sögur skjólstæðinga.
Gildi þessa námskeiðs er margþætt og mis-
jafnt hvað hver og einn sér sem ávinning sinn.
Óhætt er þó að fullyrða að námskeiðið nýtist
vel sem undirbúningur fyrir það að handleiða
nema. Það má heldur ekki má gera lítið úr
þeim áhrifum sem það hefur þegar stór hluti
starfandi iðjuþjálfa tekur þátt í námskeiði af
þessu tagi á sama tíma. Þarna voru fulltrúar
flestra vinnustaða og því líklegt að töluverð
umræða hafi farið fram og eigi sér stað áfram.
Sú staðreynd að kynnt voru orð og hugtök
sem þýdd hafa verið, ýtir undir notkun íðorða
í allri faglegri umfjöllun. Námskeið sem þetta
eflir fagímynd iðjuþjálfa og gerir okkur auð-
veldara að kynna fagið. Sameiginlegur hug-
myndafræðilegur grunnur á íslenskri tungu er
afar mikilvægur fyrir stétt sem okkar.
Þátttakan var bæði vekjandi og skemmti-
leg, þótt oft hafi verið lítill tími til að stunda
áhugamálin og rækta fjölskyldu og vini. Þetta
er upphafið á því sem koma skal og það er
von okkar að fleiri slík námskeið verði í boði í
framtíðinni.
Geröur Gústavsdóttir og
Sigríður Kr. Gísladóttir, iöjuþjálfar á SLF.