Jón á Bægisá - 01.12.2010, Page 120

Dennis Brutus- SigurSur A. Magnússon
Hegðun þeirra
Sök þeirra
er ekki ýkjafrábrugðin okkar eigin sök:
hver hefur ekki fagnað gerræði valdsins
eða hrifsað til sín það sem öðrum kynni að hafa borið
og hver hefur ekki neytt aflsmunar þegar því var að skipta
(og hver okkar hefur ekki látið freistast af þessu)? —
þannig speglast í sök þeirra:
óhjúpaðri fólsku tannanna
brjóstberjandi ögrun þeirra og andstöðu
ærandi háreysti bæna
til guðdóms í mynd þeirra eigin fordóma
sem drekkja rödd samviskunnar:
hlutskipti okkar sjálfra
en í félagslegum, víðfeðmum og skipulegum hlutföllum
sem stækka til stórra muna
þegar einkaleg náttföt ástarinnar
verða klúr í svallveislum.
(Á Blóðflóðsdaginn ipð$)
118
á J3ay/<iá - Ti'marit um þýðingar nr. 14 / 2010