Kiwanisfréttir - 01.04.2009, Blaðsíða 3
3
BÖRNIN
FYRST OG
FREMST
Nú eru um 5 ár frá
stofnun Byggjenda-
klúbbsins í Engjaskóla
og Matthías G. Pétursson
umdæmisstjóri og Óskar
Guðjónsson kjörum-
dæmisstjóri heimsóttu
Engjaskóla og færðu
skólastjóranum
viðurkenningarskjöld.
FJÖLMÖRG STYRKTARVERKEFNI HJÁ
ELDBORGU Í HAFNARFIRÐI
Starf Eldborgar í Hafnarfirði hefir verið blómlegt á yfirstandandi
starfsári. Auk almennra funda eru fastir liðir í starfinu, að árið
hefst með sameiginlegum stjórnarskiptafundi með fleiri klúbbum
og á jólaföstu er haldinn jólafundur með þátttöku eiginkvenna.
Milli jóla og nýárs er í samstarfi við Hauka haldið hand-
knattleiksmót fyrir hafnfirska unglinga. Síðari ár hefir einnig
verið haldið þorrablót og í tilefni aðalfunda hafa félagar lagt land
undir hjól og haldið fundinn utan Hafnarfjarðarsvæðisins. Síðasti
aðalfundur var haldinn í Hótel Glymi í Hvalfirði með viðkomu í
hvalstöðinni og á Bjarteyjarsandi.
Í vetur hefur klúbburinn einnig farið í tvær heimsóknir til
annarra klúbba. Hof í Garði var sóttur heim í nóvember og í
febrúar var Búrfell á Selfossi heimsótt með viðkomu í ölgerðinni
að Ölvisholti.
Hápunktur vetrarstarfsins er þó jafnan meginfjáröflun
styrktarsjóðs, sjávarréttadagur Eldborgar, en hann var haldinn í
30 skipti nú í marsmánuði. Óáran í þjóðfélaginu olli því að
aðgöngumiðaverð var lækkað frá fyrra ári og málverk til uppboðs
voru valin með skert fjárráð bjóðenda í huga. Þrátt fyrir þetta og
samdrátt í þátttöku verður að telja afkomu hafa verið viðunandi
þótt afrakstur hafi aðeins verið um helmingur þess sem var á
fyrra ári.
Meðal verkefna sem styrkt voru á árinu 2008 voru
fjölgreinanám Lækjarskóla, Flensborgarskóli, Öldrunarfélagið
Höfn, rannsóknarverkefni vegna líkamsræktar aldraðra, félag
sykursjúkra barna, skógræktarverkefni, mæðrastyrksnefnd
Hafnarfjarðar, sambýlið Berjahlíð 2, barn með hrörnunarsjúkdóm
og fleiri.
Glæsilegur veislusalur hjá Eldborg fyrir Sjávarréttadaginn sem
er aðalstyrktarverkefni Eldborgarfélaga.