Kiwanisfréttir - 01.04.2009, Blaðsíða 17

ENGINN VERKEFNASKORTUR
HJÁ SÓLBORGU
Það mættu hressar konur í jólaföndrið sem er okkar árlega
fjáröflunarverkefni. Salan gekk mjög vel og á jólaföndursnefnd
hrós skilið fyrir árangurinn í öllu þessu krepputali, húrra fyrir
þeim.
Það var vel mætt á jólafundinn, troðfullt hús og mjög góður
fundur. Á nýju ári byrjuðum við á að halda þemafund sem var að
þessu sinni með bleiku ívafi. Í febrúar fóru 15 félagar á þorrafund
hjá Kiwanisklúbbnum Keili og var það hin besta skemmtun. Að
sjálfsögðu mættu fulltrúar okkar á svæðisráðstefnuna í Garðabæ
þann 14. febrúar.
Á fundi þann 19. febrúar mætti Osvald Stefánsson heilsu-
sérfræðingur og fræddi okkur um heilsusemi og hvernig við
gætum með réttu mataræði passað upp á það. Þorramót
Íþróttafélags Fjarðar, fatlaðra einstaklinga var haldið í febrúar
sem við styrkjum með því að bjóða þeim og gestum upp á kaffi
og meðlæti.
Þann 5. mars fengum við góða gesti en það voru 10 félagar úr
Kiwanisklúbbnum Ölveri. Fyrirlesari á þessum fundi var Ingólfur
H. Ingólfsson frá Spara.is og fræddi hann okkur um ýmsar leiðir
til að spara. Framundan er nóg að gera, meðal annars að halda
kúrekaball þann 28 mars, aðalfundur og afmæli verður svo haldið
í maí og svo dansleikur fyrir fatlaða í maí í samvinnu við
Kiwanisklúbbana í Hafnarfirði, Garðabæ og Kópavogi. Síðast en
ekki síst þá er það hjálmaverkefnið, þannig að það er ekki
verkefnaskortur hjá okkur enda erum við ánægðar þegar við
höfum nóg að gera. Að lokum óskum við öllum Kiwanisfélögum
og þeirra fjölskyldum góðs og ánægjulegs sumars.
Með Kiwaniskveðju,
Erla María Kjartansdóttir
blaðafulltrúi Kiwanisklúbbsins Sólborgar.
Sólborg: Oswald Stefánsson hélt erindi um heilsuna og fékk
fána klúbbsins að launum.
Lífshlaupið er annar fastur liður á fundum
Jörfa. Jón Jakob hratt þessu af stað í byrjun
starfsárs síns og nú eru harla fáir eftir sem
ekki hafa opinberað ævisögu sína á þess-
um vettvangi. Þykja frásagnirnar bæði
frumlegar og fróðlegar.
Gönguklúbburinn á hverjum
sunnudagsmorgni
Frísklegur svipur - roði í kinnum - blik í
augum. Þau minna óneitanlega á hressa
krakka. Veðrið er bara ánægjuauki. Í köldu
veðri búa þau sig bara betur. Rigni fara
þau í regngalla. Manstu hvernig var að
vera hress krakki, njóta útiverunnar og
skilja skólabækurnar (les: dægurþrasið)
eftir inni. Og svo heitt kakó þegar komið
var inn.
Heimsóknir
Klúbburinn hefur farið í tvær heimsóknir á
starfsárinu. Sú fyrri var á fund sem margir
klúbbar héldu í nóvember en sú seinni var
til félaga okkar í Höfða .
Komandi viðburðir
Brátt verður svo farið austur að snæða
svið, en þá heldur Jörfi sína árlegu
sviðaveislu. Gist er í orlofshúsum í
Ölfusborgum en veislan sjálf er haldin í
Kiwanishúsi Ölversfélaga í Þorlákshöfn.
Jörfafélagar sjá alfarið um allt sjálfir
varðandi veisluhöld og eldamennsku.
Stjórnarkjörsfundur Jörfa verður síðan í
lok apríl. Búið er að stilla upp í stjórn og
allar nefndir Jörfa fyrir næsta starfsár.
Heimasíða Jörfa
Jörfi hefur haldið út heimasíðu frá árinu
2002. Á miðju síðasta ári var henni breytt
og sett í sama snið og heimasíða
umdæmisins. Þetta gerir það að verkum
að mun auðveldara er að uppfæra síðuna
og á hún að gefa góða mynd af starfi
klúbbsins á hverjum tíma.
Við hvetjum aðra klúbba til að hugsa vel
um heimasíður sínar og uppfæra þær
reglulega.
Fjölmiðlafulltrúar Jörfa,
Sigursteinn Hjartarson,
Guðm. Helgi Guðjónsson.
Pálmi Matthíasson var gestur á árlegum fjölskyldu-og kynningarfundi Jörfa.
17