Kiwanisfréttir - 01.04.2009, Blaðsíða 7

boði en það á ættir sínar að rekja til Einars
Friðþjófs og Kötu, en þarna voru komin
saman Hjalti, Jórunn, Ágúst og Njáll og
fluttu þau nokkur lög við frábærar
undirtektir gesta. Spurningarkeppni í
anda Útsvars var háð milli karla og
kvenna og þar báru STRÁKARNIR sigur
úr bítum, fjöldasöngur fór fram og honum
stjórnuðu Sæþór Vídó og Jarl Sigurgeirs.
Undir lok dagskrárs kom atriði sem engin
í salnum átti von á en í heimsókn til okkar
komu ABBA í öllu sínu veldi og tóku smá
syrpu fyrir okkur og ætlaði allt um koll að
keyra.
Veislustjóri kvöldsins var Stefán Þór
Lúðvíksson, en þar er mikill skemmti-
kraftur á ferð, og síðan en ekki síst lék
hljómsveitin Tríkot undir dansi langt fram
á nótt. Blótið var í alla staði vel heppnað
og nefndinni og Helgafelli til mikils sóma.
Líknarstarf Helgafells er sannarlega í
blóma líkt og aðrir þættir klúbbsins.
Þann 13. febrúar s.l. afhentu félagar úr
Kiwanisklúbbnum Helgafelli, Stefáni
Valtýssyni sérútbúið rafknúið sjúkrarúm
til eignar. Valtýr faðir Stefáns kvað þetta
vera mikla byltingu fyrir drenginn og
vonum við Helgafellsfélagar að rúmið og
eiginleikar þess megi koma að góðum
notum í framtíðinni fyrir Stefán.
19. febrúar gáfu félagar úr Kiwanis-
klúbbnum Helgafelli hljóðkerfi í eina
stofu í grunnskóla Vestmannaeyja. Styrk-
urinn er til kominn vegna Bergþóru
Sigurðardóttir sem er átta ára eyjapæja
sem fæddist með Torticollis í hálsi og
hefur einnig kölkun í hægra eyra og þarf
að nota heyrnatæki þess vegna og er
hljóðkerfið henni nauðsynlegt í námi.
Skólanum var afhent tækið til eignar þó
með þeim viðkvæðum að tækið fylgi
Bergþóru og hennar skólagöngu.
Fanney skólastjóri og Adda umsjónar-
kennari Bergþóru tóku formlega við
gjöfinni.
Helgafellsmenn komu færandi hendi
þann 4. mars er þeir færðu Ágústi
Jóhannesi Stefánssyni fartölvu að gjöf í
samstarfi við Vestmannaeyjabæ. Gústi
eins og hann er best þekktur á í átökum
við MS sjúkdóm og getur sig lítið sem
ekkert hreyft. Með tilkomu tölvunnar
fullkomnar Gústi nú hljóðver sem hann
hefur komið sér upp á heimili sínu, og
stefnir á að selja sína djúpu rödd sem
þekkt er, í auglýsingar og fleira.
Takk fyrir,
Kiwaniskveðja,
Kristleifur Guðmundsson,
forseti Helgafells.
7
Starfið í Drangey var mjög öflugt á síðasta
starfsári og klúbburinn stóð fyrir 38.
umdæmisþingi Kiwanis á Sauðárkróki í
maí 2008 sem tókst í alla staði mjög vel.
Klúbburinn hélt upp á 30 ára afmæli sitt í
Reiðhöllinni Svaðastöðum á föstudags-
kvöldið þegar umdæmisþingið var og
þar mættu um 300 manns og tókst af-
mælið mjög vel. Fyrr um daginn og í
tilefni af 30 ára afmæli klúbbsins afhenti
klúbburinn fötluðum einstaklingum í
Skagafirði bifreið að gjöf upp á rúmar 5,5
milljónir króna sem klúbbfélagar söfnuðu
meðal fyrirtækja og einstaklinga í Skaga-
firði.
Bifreiðin er Ford Transit útbúin fyrir fjóra
hjólastóla sem hægt er að renna inn í
bifreiðina og festa niður. Fyrir þetta verk-
efni fékk klúbburinn lykilinn, viður-
kenningu fyrir athyglisverðasta verkefni
starfsársins 2007-2008 frá umdæmisstjórn.
Í tilefni af 30 ára afmæli klúbbsins voru
þeim fjórum stofnfélögum sem enn eru
starfandi í klúbbnum afhentar silfur-
stjörnur Kiwanis.
Stjórnarskipti fóru fram 10. október og sá
Ingólfur Guðmundsson svæðisstjóri
Grettissvæðis um þann gjörning. Fundir
eru haldnir hálfsmánaðarlega í Kiwanis-
húsinu á Eyrarvegi, einn nýr félagi hefur
verið tekinn inn í klúbbinn og er það
Pálmi Jónsson og er hann boðinn vel-
kominn til starfa. Jólafundurinn í des-
ember var haldinn að Hólum í Hjaltadal
og þar flutti sr. Hjörtur Pálsson hugvekju
og einning hélt Margrét Sigtryggsdóttir
erindi. Fundurinn 6. febrúar var haldinn í
fyrirtækinu Sjávarleður þar sem fram-
kvæmdastjórinn Gunnsteinn tók á móti
mannskapnum og skenkti bæði þorramat
og drykk, fræddi og sýndi síðan fél-
ögum fyrirtækið.
Þorrafundur var svo haldinn 21. feb. eftir
svæðisráðsfund. Við það tækifæri var
Ingimar Hólm Ellertsson heiðraður
sérstaklega með gullstjörnu Kiwanis fyrir
mikið og óeigingjarnt starf í þágu
klúbbsins en áður hafði hann verið
sæmdur bæði silfurstjörnu og Hixon orðu
og eftir því sem við best vitum er hann eini
Íslendingurinn sem sæmdur hefur verið
þessum þremur viðurkenningum og
óskum við Ingimar til hamingju með það.
Nú þegar þessi pistill er skrifaður er verið
að vinna að útgáfu þjónustu- og símaskrár
fyrir Skagafjörð og Húnaþing en þetta er
aðalfjáröflunarleið klúbbsins.
Í heildina hefur starf klúbbsins verið létt
og skemmtilegt í vetur, ýmsar spaugilegar
uppákomur og fundir flestir mjög góðir.
DRANGEY GAF FÖTLUÐUM
RÚMAR FIMM MILLJÓNIR
Drangeyjarfélagar við bifreiðina sem þeir gáfu til afnota fyrir fatlaða einstaklinga.