Kiwanisfréttir - 01.04.2009, Blaðsíða 5
Forseti Hraunborgar starfsárið 2008-2009
er Hans Hafsteinsson, hann hefur nokkra
reynslu, var forseti klúbbsins starfsárið
‘94-’95. Fjölgun félaga í Hraunborg heldur
áfram og það sem af er árinu hafa 2 nýjir
félagar bæst í hópinn, á jólafundinum
Haraldur Jónsson rafvirki og í lok janúar
Páll Hannesson vélstjóri.
Villibráðadagurinn var að venju haldinn
fyrsta laugardag í nóvember, réttum
mánuði eftir bankahrunið. Í fyrstu voru
uppi efasemdaraddir, en ákveðið var að
slá til og halda hátíðina með stæl. Veislu-
stjóri var Freyr Eyjólfsson útvarpsmaður,
ræðumaður Árni Páll Árnason sem mætti
í forföllum Björgvins Sigurðssonar þá-
verandi viðskiptaráðherra.
Jóhannes Kristjánsson mætti að venju og
fór með gamanmál og einnig tróðu upp
þeir Björn Thoroddsen gítarleikari og
Svavar Knútur trúbador.
Málverkin og happadrættið voru á sínum
stað og listakokkurinn Franceois Fons sá
um veitingarnar líkt og síðustu ár.
Á jólafundinum las Einar Kárason úr
Ofsanum sínum og var húsfyllir. Ívar
Helgason söng og spilaði jólalög. Þá flutti
félagi okkar séra Gunnþór jólahugvekju.
Á þorranum höldum við árvisst Salt-
kjötskvöld, sem er karlakvöld á föstudegi.
Að þessu sinni var ræðumaður Bjarni
Harðarson bóksali á Selfossi, fyrrverandi
blaðaútgefandi og alþingismaður um
skamma hríð. Bjarni náði að hrífa salinn
með sér í magnaðri sagnalist.
Í mars héldu 14 félagar til fundar við
Búrfellsfélaga, snætt var á hótel Selfoss og
síðan var skoðuð bruggverksmiðjan að
Ölvisholti og Skjálfti teigaður.
Fundarsókn hefur verið stígandi, uppí
75%, enda lögð áhersla á að hafa góða
ræðumenn, sem næst á öðrum hverjum
fundi. Auk áðurnefndra hafa heimsótt
okkur, Jón Gunnarsson alþingismaður.,
Vilhjálmur Bjarnason fjárfestir, Guð-
mundur Magnússon blaðamaður og Óli
Björn Kárason.
Með Kiwanis kveðju,
Gísli G. Gunnarsson
Fjölmiðlafulltrúi Hraunborgar.
5
GÓÐ FUNDARSÓKN HJÁ
HRAUNBORGU
Inntaka nýs félaga, f.v. Gylfi Ingvarsson, Hans Hafsteinsson forseti Hraunborgar, Páll
Hannesson nýr félagi og Gísli Gunnarsson.
Haraldur Jónsson nýr félagi, Jón Gestur Viggósson meðmælandi og Gylfi Ingvarsson í
pontu.