Kiwanisfréttir - 01.04.2009, Blaðsíða 16
BESTA LEIÐIN TIL AÐ VERA
ÁNÆGÐUR ER AÐ VERA Í KIWANIS
Þegar Jón Jakob var forseti klúbbsins setti
hann neðanmáls á allar dagskrár Jörfa:
Besta leiðin til að vera ánægður er að vera
í Jörfa. Þetta eru reynsluvísindi.
Sé félagsandinn svipaður í öðrum
klúbbum mætti segja: Besta leiðin til að
vera ánægður er að vera í Kiwanis.
Fjölskyldu og kynningarfundur
Jörfi hélt sinn árlega fjölskyldu- og
kynningarfund í nóv. s.l. og var hann vel
sóttur.
Gestur fundarins og fyrirlesari var séra
Pálmi Matthíasson og flutti hann mjög
góðan fyrirlestur um gildi fjölskyldunnar.
Ævar Breiðfjörð var með erindi um
Kiwanis og Jörfa, sýndar voru myndir úr
leik og starfi klúbbsins.
Sviðaveisla Jörfa
Þann 25.október s.l. hélt Kiwanisklúbbur-
inn Jörfi sviðaveislu í Kiwanishúsinu,
Engjateig 11. Um 150 manns mættu og
gerðu matnum góð skil. Þarna mættu, í
boði Jörfa, Jón Baldvin Hannibalsson og
kona hans Bryndís Schram. Jón Baldvin
flutti mjög skemmtilegt erindi sem átti vel
við ástandið í þjóðfélaginu í dag. Jörfa-
félagar sáu alfarið um að afla fanga og
gera sviðin tilbúin í pottinn. Vertinn sá um
eldamennskuna og að útbúa meðlætið að
hætti Jörfa. Allur ágóði af þessu rann í
styrktarsjóð Jörfa. Jörfafélagar vilja þakka
öllum sem mættu og nutu.
Jólafundurinn
Jólafundurinn var haldinn í Kiwanis-
húsinu þann 12. desember. Séra Þór
Hauksson, prestur í Árbæjarsókn og kona
hans sátu fundinn. Séra Þór flutti hug-
vekju og þakkaði fyrir styrkina til fjöl-
skyldna í sókninni. Jólasagan sem Björn
Úlfar las okkur var af allt öðrum toga. Hún
vakti almenna athygli en ekki var hún
alveg í hefðbundnum jólasagnadúr. Allar
konurnar sem viðstaddar voru fengu að
gjöf jólaupphengi úr smiðju Georgs
Jensens. Þetta var skemmtilegur og góður
jólafundur.
Ánægðir með að gera sér ómak
Það voru alltént ekki leiðir menn sem
pökkuðu sælgæti á jólaföstunni. Þeir seldu
svo góðgætið með ágóða fyrir styrktarsjóð
og með drjúgri fyrirhöfn klúbbfélaga þeim
til ánægju.
Næst pökkuðu þeir glaðningi í mat og
drykk sem var færður nokkrum fjöl-
skyldum í Árbæjarsókn svo þær gætu gert
sér dagamun á jólunum. Þetta er orðinn
fastur liður í starfinu og öllum til ánægju.
Jörfi þakkar fyrirtækjunum, sem gefa
þessar góðgerðir, fyrir að gera kleift að
gera þessa styrki vel úr garði.
Blómasalan
Blómasalan gekk svo vel að allt seldist sem
hægt var að fá. Þetta krefst talsverðrar
vinnu og eru Jörfafélagar á þönum á
konudaginn að keyra vendina út. Eigin-
konur Jörfafélaga eru þá í friði fyrir þeim á
meðan.
Jörfi vill þakka frábærar undirtektir
vegna konudagsblómasölu. Blómasala
Jörfa á konudaginn ár hvert er ein af helstu
fjáröflunum klúbbsins en allur ágóði fer í
styrktarsjóð. Ávinningurinn af þessu er
ótvíræður; ánægðar (eigin)konur og
fjárstyrkur til líknarmála.
Hafið þökk fyrir.
Ferð um Suður-Ameríku fyrir 32 árum
Listaskáldið góða lýsir þakklæti fyrir að
vera kominn upp á það að sitja kyrr á sama
stað en samt að vera að ferðast. Við tökum
undir þær þakkir.
Valur Helgason fór með okkur í máli
og myndum um lönd Suður- og Mið-
Ameríku á fundi þann 19. janúar.
Jafnvel nú á dögum eru ferðir til
Suður-Ameríku með meiriháttar ferða-
lögum. Það þarf því ekki að hafa mörg orð
um það hve djörf ferð þeirra félaga,
Tómasar R. Einarssonar og Vals, hefur
verið fyrir 32 árum síðan. Þá voru
gjaldeyrishöft hér á landi svo undir-
búningur var langur og flókinn. Þeir komu
sér upp forðabúrum með peningum hjá
ræðismönnum því ekki var vogandi að
vera með mikla fjármuni með sér. Þá voru
pólitískar róstur og óöruggt umhverfi í
Suður-Ameríku eins og ævinlega. Þeir
nutu aðstoðar allra þeirra verndarvætta
sem áttu heimangengt þessa 7 mánuði sem
ferðin tók og veitti víst ekki af. Ferðin tókst
vel og hér sátum við og nutum minn-inga
Vals.
Furður þess sem fyrir ber
Jón Björnsson sálfræðingur kom og
rabbaði við fundarmenn um ýmislegt sem
hann hefur sett á bók. Ber mest á því að
sjónarhóllinn er ýmist annar en flestir
standa á ellegar að margt er til sem ekki er
á almanna vitorði svo nokkuð þarf að leita
að þessum furðum í munnmælum og
merkum bókum. Þótti fyrirlesturinn bæði
nýstárlegur og skemmtilegur. Gerðu
fundarmenn góðan róm að og þökkuðu
Jóni fyrir.
112
Fundurinn þann 16. mars var haldinn hjá
slökkviliði höfuðborgarsvæðisins í
slökkvistöðinni í Hafnarfirði. Þar tók
Jörgen Valdimarsson (Jörgenssonar heit-
ins) á móti okkur, sýndi tæki og tól og
kynnti starfsemina. Þetta var hinn fróð-
legasti fundur og mættum við Jörfafélagar
gera meira af því að halda fundi á
vinnustöðum og fræðast um þau störf sem
menn eru að vinna við hinar ýmsu
aðstæður.
Fastir liðir
Haraldur Finnsson forseti vor hefur tekið
upp á því að láta fundarmenn geta gátur
og hlýtur sá sem fær færi á að ljóstra upp
ráðningunni medalíu fyrir.
Jörfafélagar í göngu.
16