Morgunblaðið - 04.12.2001, Blaðsíða 16
AKUREYRI
16 ÞRIÐJUDAGUR 4. DESEMBER 2001 MORGUNBLAÐIÐ
Skiptir staðsetning
fjölmiðla máli?
Uppbygging fjölmiðla á landsbyggðinni
Byggðarannsóknastofnun Íslands boðar til málþings um fjölmiðla og landsbyggð á Akureyri
föstudaginn 7. desember.
Málþingið verður haldið í húsnæði Háskólans á Akureyri við Norðurslóð, í stofu L 201, og stendur
frá klukkan 13:00-18:00.
Dagskrá:
13:00 Setning Þorsteinn Gunnarsson, rektor HA.
13:15 Ímynd landsbyggðar í fjölmiðlum Stefán Jón Hafstein, útgáfustjóri.
14:00 Ríkisútvarpið, markmið þess og landsbyggðin í sögulegu ljósi
Hilmar Thor Bjarnason, fjölmiðlafræðingur.
14:45 Fréttaflutningur af landsbyggðinni. Sjónarhorn ritstjóra.
Sigmundur Ernir Rúnarsson, aðstoðarritstjóri DV.
15:15 Kaffi
15:45 Staðsetning fréttamanna skiptir máli!
Jóhann Hauksson, fréttamaður Ríkisútvarpsins á Austurlandi.
16:15 Fjölmiðlun á 21. öldinni. Mun staðsetning skipta máli?
Ásgeir Friðgeirsson, framkvæmdastjóri Íslandsnets.
16:45 Pallborð og umræður Stjórnandi:
María Björk Ingvadóttir, fréttaritari Ríkissjónvarpsins á Sauðárkróki.
17:45 Málþinginu slitið
Grétar Þór Eyþórsson, verkefnisstjóri Byggðarannsóknastofnunar Íslands.
Aðgangur er ókeypis og öllum heimill, en tilkynna þarf þátttöku eigi síðar en fimmtudaginn
6. desember til skrifstofu Byggðarannsóknastofnunar í síma 463 0929, á faxi 463 0997
eða á tölvupóstfang tberg@unak.is.
TAKMARKAÐUR áhugi er fyrir
byggingalóðum á Akureyri sem aug-
lýstar voru lausar til umsóknar nú í
haust. Um er að ræða 55 íbúðahúsa-
lóðir í 4. áfanga Giljahverfis, fyrir ein-
býlis-, par- og raðhús og eldri lóðir
víðs vegar um bæinn. Þá er nánast
enginn áhugi fyrir iðnaðar- og þjón-
ustulóðum sem einnig voru auglýstar
lausar til umsóknar.
Leifur Þorsteinsson hjá umhverf-
isdeild Akureyrarbæjar sagði að
mestur áhugi hefði verið á lóðum und-
ir einbýlishús á einni hæð en mun
minni áhugi fyrir öðrum lóðum. Hann
sagði að fólk héldi að sér höndum og
eins geti verið að að fólk sé að bíða
eftir úthlutun í Naustahverfi en
fyrstu lóðunum þar verður úthlutað
næsta vor.“
Samkvæmt upplýsingum á heima-
síðu Akureyrarbæjar eru nú um 25
einbýlishúsalóðir lausar til umsóknar
í Giljahverfi og sex einbýlishúsalóðir
annars staðar í bænum. Þá eru 7 lóðir
lausar undir raðhús í Giljahverfi, þar
sem gert er ráð fyrir um 30 íbúðum. Í
nýja hverfinu í Krossaneshaga eru 14
iðnaðar- og þjónustulóðir lausar og 6
slíkar til viðbótar annars staðar í
bænum.
Í deiliskipulagi fyrsta áfanga
Naustahverfis er gert ráð fyrir bland-
aðri byggð með einbýlis-, rað- og fjöl-
býlishúsum og að fyrstu lóðirnar
verði byggingarhæfar næsta sumar.
Lítill áhugi
fyrir lóðum
JÓNA Berta Jónsdóttir formaður
Mæðrastyrksnefndar á Akureyri
hafði samband við Morgunblaðið og
vildi gera athugasemd vegna fréttar
um jólaaðstoð til þeirra sem minna
mega sín í síðasta sunnudagsblaði.
Þar var haft eftir henni að kaup-
menn hefðu jafnan verið rausnarleg-
ir en hún sagði að það væru fyrst og
fremst fyrirtæki og einstaklingar
sem hefðu veitt nefndinni stuðning
til þess að hjálpa fólki.
Athugasemd
ÖLLU starfsfólki Office 1 á Akur-
eyri hefur verið sagt upp störfum,
alls átta manns í verslun og þjón-
ustudeild.
Office 1 er í eigu AcoTæknivals og
eins og fram kom í Morgunblaðinu
sl. föstudag er ætlunin að kanna
möguleika á sölu einstakra verslana-
eininga fyrirtækisins eða allra versl-
ana og hafa nokkrir aðilar sýnt
áhuga á að koma að rekstrinum.
Að sögn Karels Rafnssonar
rekstrarstjóra Office 1 tengjast
þessar uppsagnir á Akureyri fyrir-
huguðum breytingum. Hann sagði
málið í vinnslu en að starfsfólkið
væri með uppsagnarfrest til þriggja
mánaða.
Starfsfólki Off-
ice 1 sagt upp
REGLUR fyrir uppstillingarnefnd
Samfylkingarinnar á Akureyri
vegna sveitarstjórnarkosninga á
næsta ári hafa verið samþykktar.
Fram mun fara skoðanakönnun
meðal félagsmanna um skipan efstu
sæta og verða póstgögn send fé-
lagsmönnum um næstu áramót.
Skiladagur verður um miðjan jan-
úar næstkomandi. Rétt til þátttöku
hafa allir flokksbundnir Samfylking-
armenn á Akureyri, svo og fé-
lagsmenn í Stólpa, félagi ungra jafn-
aðarmanna á Akureyri. Uppstill-
ingarnefnd hefur þegar auglýst eftir
frambjóðendum, en formaður
nefndarinnar er Þorgerður Þorgils-
dóttir. Raða á fimm nöfnum í sæti
og hefur nefndin niðurstöður til
hliðsjónar við uppröðun. Tillaga
uppstillingarnefndar á að liggja fyr-
ir fyrri hluta febrúarmánaðar og
verður þá borin undir félagsfund til
samþykktar.
Samfylkingin
á Akureyri
Skoðana-
könnun
um skipan
listans
ÍSLANDSKLUKKUNNI var hringt í fyrsta
sinn við athöfn á laugardag, 1. desember. Ís-
landsklukkan er nýtt útilistaverk við Háskól-
ann á Akureyri, en um er að ræða sögulegt
minnismerki eftir Kristin E. Hrafnsson mynd-
listarmann.
Kristinn sigraði í samkeppni um útilista-
verk, sem efnt var til á Akureyri í tilefni ný-
liðinna aldamóta.
Í texta sem ritaður er á vegg við klukkuna
stendur: „Þessi klukka var sett upp til minn-
ingar um 1000 ára kristnitökuafmæli, landa-
fundi í Ameríku og sögu þjóðarinnar í stóru
og smáu. Á hverju ári verða slegin saman
saga þjóðarinnar og hljómur samtímans, stór-
brotnar furður og raunsannir atburðir.“
Við athöfnina voru fluttu ávörp, Kór Há-
skólans söng og einnig sungu börn úr leik- og
grunnskólum bæjarins. Kristján Þór Júlíusson
bæjarstjóri afhenti Hermanni Óskarssyni
varaformanni Háskólaráðs sérstakan kaðal
sem í framtíðinni verður notaður til að
hringja klukkunni. Ætlunin er að hringja
klukkunni 1. desember ár hvert, eitt högg nú í
ár, tvö á næsta ári og svo koll af kolli.
Fram kom í máli Hermanns að fram hafa
komið hugmyndir um að fá leyfi höfundar til
að hringja klukkunni þegar skólaár hefst ár
hvert.
Eftir að Íslandsklukkunni hafði verið hringt
hófst athöfn á Ráðhústorgi en ljós voru tendr-
uð á jólatrénu frá Randers, vinabæ Akureyrar
í Danmörku. Þar voru fluttu ávörp, tónlist
flutt og jólalögin sungin. Jólasveinar komu í
heimsókn af þessu tilefni og kættu fjölda
barna sem saman var kominn á Ráðhústorgi.
Íslandsklukku hringt
og ljós kveikt á jólatré
Morgunblaðið/Kristján
Kristjana Milla Snorradóttir, formaður Fé-
lags stúdenta í HA, hringir klukkunni.
Leik- og grunnskólabörn tóku lagið með Kór Háskólans þegar Íslandsklukkunni var hringt.
Unga fólkið var áberandi í kringum jólatréð frá Randers.
UNNIÐ hefur verið að því nú í
haust að koma fyrir öryggisbeltum í
allar hópferðabifreiðar SBA-Norð-
urleiðar. Fyrirtækið sem er eitt hið
stærsta sinnar tegundar hér á landi
hefur yfir að ráða 43 bifreiðum.
SBA-Norðurleið opnaði nú nýlega
nýja heimasíðu þar sem þetta kem-
ur fram. Þar segir framkvæmda-
stjórinn Gunnari M. Guðmundsson
að bílbelti hafi enn ekki verið lög-
leidd í hópferðarbílum, þannig að
notkun þeirra sé undir farþegunum
komin. Mikil umræða verði í þjóð-
félaginu þegar upp hafa komið
óhöpp og með því að setja belti í bíl-
ana sé fyrirtækið fyrst og fremst að
mæta óskum viðskiptavina sinna.
Áætlanir miðast við að bílbelti
verði komin í alla hópferðabíla
SBA-Norðurleiðar um næstu ára-
mót. Fyrirtækið annast áætlunar-
akstur, skólaakstur og hópferða-
þjónustu.
SBA-Norðurleið
Öryggisbelti í
alla hópferða-
bíla um áramót
♦ ♦ ♦
♦ ♦ ♦
♦ ♦ ♦