Málfríður - 15.03.2006, Blaðsíða 24

Miðvikudagur 27. júlí.
Eftir morgunmat skráði fólk sig í flugið og losaði sig
við farangur. Síðan var farið á veitingastaðinn, söfn­
in skoðuð og rölt um fram að hádegismat.
En heimurinn er lítill. Mér til undrunar hitti ég á
förnum vegi gamlan nemanda, Starra Heiðmarsson,
sem er sérfræðingur í lágplöntum og vinnur á
Akureyri. Hann var þarna á ráðstefnu náttúrufræð­
inga.
Þotan til Kaupmannahafnar átti að fara í loftið kl.
13:35 en veruleg seinkun varð á því. Ég held vegna
þess að þyrla frá Nuuk varð sein fyrir. Þotan komst
þó í loftið um síðir en Grænlandsflug varð fyrir
bragðið að borga gistingu í Kaupmannahöfn og
áframflug daginn eftir fyrir aðra Norðurlandabúa
en Dani.
Vetrar- og sumarnámskeiðin hjá Nordspråk
eru býsna ólík.
Vetrarnámskeiðin fjalla jafnan um eitt afmarkað
kennslufræðilegt viðfangsefni. Til að mynda fjallaði
námskeiðið sem ég sótti snemma vetrar 2003 í Station
Next, Filmbyen utan við Kaupmannahöfn um gerð
stuttmynda með grunn­ og framhaldskólanemend­
um. Það líktist einna helst risastórum vinnufundi.
Sumarnámskeiðin eru aftur á móti staðbundnari,
opnari og menningartengdari. Þau eru líka fjöl­
breyttari að efni þótt um eitt aðalviðfangsefni sé
að ræða. Náttúra, saga og samfélag virtist mér vera
meginstefið á námskeiðinu á Grænlandi í sumar
sem leið. Mér fannst það takast vel þegar á heildina
er litið þrátt fyrir ýmsar breytingar á dagskrá sem
aðallega stöfuðu af því að áætlanir heima fyrir stóð­
ust ekki. En Lis Madsen, skipuleggjandi og forvíg­
ismaður námskeiðsins, leysti alla þess háttar hnúta
fljótt og vel með danskri lipurð.
Fyrirlestur Kay Lyberth hefði samt mátt vera ögn
betur undirbúinn. Þá hefði ekki þurft að fylla upp í
eyðurnar með skrýtlum sem ekki komu málinu við
vegna þess að viðfangsefnið var nógu heillandi í
sjálfu sér.
Ég saknaði þess í sumar að fá ekki oftar að smakka
hefðbundinn grænlenskan mat: selkjöt, spik, hval,
hreindýr, villtan fugl o. fl. Matarhefðin er nú svo
ríkur þáttur í menningu hvers svæðis. En ekki verð­
ur á allt kosið.
Eins fannst mér fara langur tími í milliferðir. En
kannski er nú Grænland bara þannig. Það er svo
stórt og strjálbýlt, jafnvel miðað við Ísland. Flest
þorp og sveitabæir á Suðvestur­Grænlandi hafa ein­
ungis samgöngur á sjó og með þyrlum. Manni finnst
varla nokkurt byggt ból á Íslandi vera afskekkt
miðað við þessar óravíddir milli staða. Þannig eru
nú flestir hlutir afstæðir.
Á döfinni hjá
Dagana 8.–12. apríl verður haldin ráðstefna alþjóðlegra samtaka enskukennara (IATEFL) í Harrogate í Englandi.
Þangað fer allstór hópur kennara sem nýtur til þess lítils háttar styrks frá félaginu.
Aðalfundur félagsins verður haldinn í Hádegi á Grand hóteli 6. maí nk.frá kl.10.00–14.00
Dagskrá:
Venjuleg aðalfundarstörf
Staða máladeilda, hver er hún?
Veitingar í boði félagsins.
Það er von stjórnar að sem flestir sjái sér fært að mæta.
Sumarnámskeið fyrir enskukennara verður í Bemidji háskólanum í Minnesota, USA
8.–18.ágúst nk. Skráning hjá Kristen M. Swenson (kristen@fa.is)
Pilgrims Ltd í Canterbury veita styrk einum íslenskum kennara næsta sumar til að sækja
eitthvert námskeiða þeirra í Kantaraborg. Umsóknir berist stjórninni sem fyrst.
Félagið hefur reynt að hafa sem best samband við félagsmenn sína á rafrænan hátt. Einhver
brögð eru að því að fólk detti út af listanum. Þessvegna biðjum við kennara að hafa samband
líði tvær vikur á skólatíma án þess að heyrist í félaginu. Auðvelt er að komast aftur á listann í gegnum heimasíðu
félagsins: http://feki.ismennt.is .
4 MÁLFRÍÐUR
FEKÍ
FÉLAG ENSKUKENNARA Á ÍSLANDI
AT E I – T H E A S S O C I AT I O N O F
TEACHERS OF ENGLISH IN ICELAND