Morgunblaðið - 22.11.1957, Blaðsíða 24

VEÐRIÐ
Vaxandi sunnan átt, sennilega
sunnan kaldi og rigning síðd.

50 Ara afmæli skógrækt-
ARLAGANNA — Sjá bls. 13.
266. tbl. Föstudagur 22- nóvember 1957.
Nýja borholan í Hveragerði. Gufustrókurinn þeyttist hátt í
loft upp, þrátt fyrir strekkings vind.
(Sjá bls. 2. Ljósm. Mbl. Ól. K. M.).
Flugbálurinn Rán fók fogara í
myrkri effir radarmælingum
Réttarhöld stóðu enn yfir seint í gærkvöldi.
t FYRRAKVÖLD í myrkri flaug varðbáturinn Rán yfir brezkan
togara, sem var að veiðum innan friðunarlínunnar. Er þetta í fyrsta
skipti sem ílugbátur Landhelgisgæzlunnar tekur togara að nóttu
til. Réttarhöld stóðu enn yfir um klukkan 11 í gærkvöldi, en
éstæðan til þessara löngu réttarhalda mun vera sú hve mikið
ber á milli skýrslu skipstjórans á Rán og hins brezka togaraskip
stjóra. Mælingastjórinn á Rán segir togarann hafa verið 7 mílur
innan friðunarlínunnar. Togaraskipstjórinn segist aftur á móti
hafa verið 7 mílur fyrir utan „línu“.
Það var á miðvikudagskvöldið
að Rán var í gæzluflugi yfir
norðanverðum Breiðifirði. Þá
sást til togara að veiðum 12 míl-
ur suðvestur af Skor. Myrkur
var skollið á. En með radar í
flugbátnum og langa þjálfun í
því að gera staðarákvarðanir í
flugbátnum í myrkri, var þegar
tókst þó að staðsetja togar-
ann. — Flogið var lágt yfir hann
og ljósakösturum beint á skipið.
Reyndist hér vera Hulltogarinn
Loch Seafort H-293 og var hann
að veiðum.
Nokkru síðar tókst varðbátn-
um að ná sambandi við skip-
stjórann á togaranum og til-
kynnti honum að hann væri
staðinn að veiðum í landhelgi
Röðin óbreytt
1 Wogeningen
BIÐSKÁKIR á Wageningen-mót-
inu fóru þannig í gær:
Orbaan vann Lindblom
Uhlmann — Kolarov jafntfeli
Dúckstein — Trifunovic jafn-
tefli.
Eftir þessa 14. umferð hefur
Szabo 12 vinninga, Friðrik IOV2,
Larsen 10, Donner og Stálberg
OV2, Uhlmann og Trifunovic 9,
Teschner IV2, Ivkov 6V2.
Friðrik leikur sína skák við
Dúkstein á morgun (föstudag),
því að Dúckstein þarf að fara
frá Wageningen íyrir mótslok.
og bað hann skipstjórann að
sigla til Reykjavíkur. Féllst
skipstjórinn á það. Á miðnætti
kom varð- og björgunarbáturinn
Albert á vettvang og fylgdi
brezka togaranum hingað. Var
komið til Reykjavíkur árdegis í
gær. 'Mál skipstjórans var tekið
fyrir klukkan 4 í gærdag hjá
sakadómara.
Loch Seafort er lítill togari.
— Mælingastjóri á varðbátnum
Rán í þessum leiðangri var Sig-
urður Árnason, en flugstjóri Guð-
jón Jónsson.
SAUÐÁRKRÓKI 21. nóv. — In-
flúenzan hefur nú rénað á Sauð-
árkróki. Flestir þorpsbúar fengu,
veikina, en enginn varð hart úti.
Báðir skólarnir, barnaskólinn og
unglingaskólinn eru teknir til
starfa að nýju fyrir nokkru.
—jón.
Tveim sjómönnum bjargað
frá drukknun í höfninni
TVEIM mönnum var í gærkvöldi
bjargað frá drukknun hér í
Reykjavíkurhöfn, en þeir féllu
milli skips og bryggju. Var ann-
ar þeirra nær dauða, er lögreglu-
menn björguðu honum upp á
bryggjuna. Menn þeir sem hér
um ræðir eru báðir skipverjar á
Vestmannaeyjabátnum Helga
Helgasyni.
Það var laust fyrir klukkan
8 sem þetta gerðist. — Lögreglu-
menn þustu þegar á vettvang í
bíl, en Helgi Helgason lá við
ófullgerða bryggju vestur við
Grandagarð.
Þegar þangað kom voru menn
þar að draga upp úr höfninni
annan mannanna, Hrafn Pálsson
stýrimann. Var hann þegar sett-
ur inn í lögreglubílinn. Hann var
með meðvitund, en kalt mjög,
enda 1 stigs frost eg lítils háttar
kul.
Aðstaða til björgunar mannsins
sem enn var í sjónum var mjög
slæm. Það er ekkert ljós á
bryggjugarði þessum, og skipið
lá alveg upp við bryggjuþilið.
Engan mann fundu lögreglu-
mennirnir um borð í skipinu.
Einn lögreglmaður Sigurður
Sigþórsson, Miðtúni 64, fór þeg-
ar niður milli skipsins og bryggj
unnar, en lögreglumenn sem uppi
stóðu beindu ljósum sínum niður
og sást þá hvar skipsfélagi stýri-
mannsins flaut í sjónum og var
höfuð hans í kafi. — Lögreglu-
maðurinn náði brátt í manninn
og kom yfir hann bjarghring.
Svo þröngt var þar niðri, Efð ekki
var hægt að grípa sundtökin og
var það mikil þrekraun fyrir lög-
reglumannin að koma hinum með
vitundarlausa manni í hringinn.
— Það var svo ætlunin að draga
þá báða upp í bjarghringnum,
en kaðalinn í hringnum slitnaði
eins og tvinni í sundur er á hann
reyndi. — Fór nú annar lög-
reglumaður niður, Magnús Guð-
mundsson, Eskihlíð 31, til þess að
aðstoða félaga sinn, og í stiga sem
komið var með fór niður sjálf-
boðaliði, bílstjóri er þar bar að,
Kristján Guðmundsson að nafni,
vestan úr Dýrafirði ættaður.
Tókst nú að ná sjómanninum
upp á bryggjuna. Virtist þá sára-
lítið lífsmark með honum. Hófu
lögreglumenn þegar lífgunartil-
raunir á manninum í bílnum með
an ekið var í slysavarðstofuna.
Þar var maðurinn, sem heitir
Brynjólfur Eiríksson og er mat-
sveinn á Vestmannaeyjabátnum,
með öndunartæki á sér í rúma
klukkustund, en þá var hann tek-
inn að lifna við og úr allri hættu
talinn.
Talið er að stýrimaðurinn hafi
dottið fyrst, en matsveinninn rétt
á eftir. Mun Hrafn stýrimaður
fljótlega hafa orðið að koma mat-
sveininum til hjálpar og haldið
honum uppi nokkurn tíma að
minnsta kosti. Lögreglumennirn-
ir tveir sem í sjóinn fóru, voru all
þjakaðir eftir og voru fluttir
heim til sín.
Fjölmcnni
stæðisféla
á árshátíð Sjálf-
í Arnessýslu
ÁRSHÁTÍÐ Sjálfstæðisfélaganna í Árnessýslu var haldin laugar-
daginn 16. þ.m. Komu menn víðs vegar að úr sýslunni, og var
samkoman fjölmenn og hin ánægjulegasta.
Samkomunni var stjórnað af | afsson, alþingismaður. Guðmund-
formanni fulltrúaráðs, Gunnari' ur Jónsson, óperusöngvari, söng
Sigurðssyni frá Seljatungu. Ræð- með aðstoð Fritz Weisshappel,
ur fluttu Gunnar Thoroddsen,; og Hjálmar Gíslason flutti
borgarstjóri, og Sigurður Óli Ól-1 skemmtiþætti.
Matsveinn mun hafa verið bú-
inn að vera í sjónum í nær 20
mín. er honum var bjargað. Lög-
reglumennirnir munu hafa ver-
ið 10 mín. í sjónum.
Leigubílstjóri, sem ók þeim fé-
lögum niður að skipinu, sá er
þeir féllu í höfnina, — það var
hann, sem gerði lögreglunni að-
vart og kallaði á hjálp nær-
staddra manna, er voru að vinna
við fiskaðgerð, en þeir björguðu
Hrafni stýrimanni.
Hafði hann aetlað um borð í
skipið, en á meðan beið Brynj-
ólfur matsveinn í bílnum, ásamt
bílstjóranum. Heyrðu þeir brátt
neyðaróp frá skipinu, en þar var
svarta-myrkur. Þustu þeir fram
á bryggjuna, og segir bílstjórinn,
sem heitir ívar Nikulásson, að
um leið og þeir hafi komið fram
að skipinu, hafi Brynjólfur mat-
sveinn fallið milli skipsins og
bryggjunnar. Þá segist bílstjórinn
hafa hlaupið upp að pylsuvagni
og hringt á lögregluna og beðið
nærstadda að koma til hjálpar.
Bæjarstjórn neit-
or nð hlusta ó
Þórð Björnsson
FUNDI bæjarstjórnar Reykjavík-
ur lauk með mjög óvenjulegum
hætti sl. nótt. Fundturinn hófst
kl. 5 í gær, og nokkru fyrir mið-
nætti var síðasta dagskrármálið
tekið fyrir. Var það ein af mörg-
um áróðurstillögum bæjarfull-
trúa Framsóknarmanna, Þórðar
Björnssonar, og hóf hann að
venju mikil ræðuhöld yfir blaða-
manni Tímans. Er klukkan varð
12 hringdi forseti bæjarstjórnar
bjöllu, og kvaðst myndi leita eft-
ir samþykki bæjarstjórnar fyrir
því, að fundi yrði haldið áfram,
eins og venja er til og fundar-
sköp mæla fyrir um. Hefur það
jafnan verið leyft, en í þetta sinn
hafði orðaflaumur Þórðar Björns
sonar gengið svo fram að öðrum
fulltrúum í bæjarstjórn, að eng-
inn þeirra fékkst til að rétta upp
höndina með því, að slíku mætti
fram halda. Sleit forseti þá taf-
arlaust fundi. Gengu bæjarfull-
trúar úr fundarsal og heyrðist
einn þeirra segja, að það væri
hægt að skrúfa fyrir fleira en
vatnskrana!
1032 tunnur af
síld á lond
SANDGERÐI, 21. nóv. — f dag
komu 13 bátar að landi með sam-
tals 1032 tunnur af síld. Aflahæst
ur var Hamar með 156 tunnur, og
næstur honum með aflamagn var
Mummi með 150 tunnur. Síldin,
sem bátarnir veiddu í nótt, var
bæði tekin til frystingar og sölt-
unar.
Síldin hefir nú nálgazt land.
Voru bátarnir að veiðum í nótt
á miðum, sem eru norður af Eld-
ey, en um þriggja klukkustunda
sigling er á þau. — Axel.
Gott tíðarfar
á Austfjörðom
EGILSSTÖÐUM 21. nóv. Ágætis
tíðarfar hefur verið hér undan-
farna daga. Jörð er alauð. Hagar
á Héraði eru ágætir og sauðfé
er beitt. Bílfært er nú frá Egils-
stöðum til Seyðisfjarðar, Norð-
fjarðar og Fáskrúðsfjarðar. Flug-
ferðir hafa verið reglulegar hing-
að undaníarið og samgöngur yfir
leitt í góðu lagi. —Ari.
Sífdin flutt úi fré
RAUFARHÖFN, 21. nóv. — 1
dag liggur Reykjafoss hér og er
hann að lesta síldarmjöl til Ham-
borgar. Á morgun kemur Helga-
fell hingað og tekur síld til Finn-
lands frá söltunarstöðvunum. Er
það síldarfarmurinn sem Hvassa-
fellið átti að taka í ferðinni, sem
það strandaði í Siglufirði.
Lítið hefur verið farið á sjó
héðan, en afli hefur verið góður
þegar róið hefur verið.
—Einar.
nflúenzan
i Óiafsfirði
ÓLAFSFIRÐI 21. nóvember. —
Mikil brögð hafa verið að inflú-
enzunni á Ólafsfirði undanfarna
daga. Veikin byrjaði að stinga
sér niður í kaupstaðnum snemma
í fyrri viku og er nú í algleym-
ingi. Fólk, sérstaklega aldrað
fólk, hefur orðið þungt haldið,
en enginn hefur látizt. Báðum
skólunum hér, barnaskólanum og
unglingaskólanum var lokað í sl.
viku. —Jakob.
HELGAFELL
ókmenntakynning
BÓKAÚTGÁFAN Helgafell hefir
aðra bókmenntakynningu forlags
ins í Þjóðleikhúsinu n.k. sunnud.
kl. 3 Björn Th. Björnsson stjórnar
þessari bókmenntakynningu en
flutt verða verk eftir Gunnar
Gunnarsson, Guðmund Kamban,
Davíð Stefánsson frá Fagraskógi,
Magnús Ásgeirsson, Jakob Thor-
arensen, Thor Vilhjálmsson, Þór-
berg Þórðarson, Halldór Kiljan
og loks verður lesið úr hinni nýju
ævisögu Laxness eftir Hallberg.
Andrés Björnsson magister les
i:r verkum Kambans og flytur er-
indi um hann, Þorsteinn Stephen-
sen, Þorsteinn Hannessen, Björn
Th Björnsson, Thor Vilhjálmss.
Helgi Hjörvar og Þórbergur Þórð-
arson, ennfremur leikkonurnar
Guðbjörg Þorbjarnardóttir og
Helga Valtýsdóttir og Lárus Páls
son leikari.
Iiögnvaldur Sigurjónsson leik-
ur íslenzk píanóverk. Aðgangur
Davíð Stefánsson
er ókeypis og eru aðgöngumiðar
afhentir þeim er óska í Unuhúsi
(Helgafelli) Veghúsastíg