Morgunblaðið - 26.04.1960, Blaðsíða 11

Þriðjudagur 26. apríl 1960
MORGVNBLAÐIÐ
11
I
Brœðrangur
um búnaSarháskóla
ÞANN 6. apríl sl. birtist grein í
Mbl. eftir Stefán Aðalsteinsson,
búnaðarkandídat og starfsmann
Landbúnaðardeildar Atvinnu-
deildarinnar, er hann nefnir
„Búnaðarháskóli á Hvanneyri
leysir ekki þörf íslenzks landbún
aðar“. í>ar reynir greinarhöfund-
ur að færa fram rök fyrir ,því,
að landbúnaðarháskóli á Hvann-
eyri muni ekki geta orðið fær um
að veita verðandi starfsmönnum
islenzks landbúnaðar nægilega
staðgóða menntun til að taka að
sér hin fjölþættu leiðbeininga- og
rannsóknarstörf, og muni slíkt
verða landbúnaðinum fjötur um
fót.
Ýmsar fullyrðingar greinarhöf-
undar um þetta mikilvæga mái
vöktu undrun mína, og vil ég
hér leyfa mér að fjalla lítillega
um nokkrar þeirra.
Fyrst vil ég ]aó fyrir mína hönd
og skólafélaga úr framhaldsdeild
Hvanneyrarskóla þakka Stefáni
Aðalsteinssyni fyrir þau viður-
kenningarorð, sem hann hafði um
mannkosti okkar og hæfileika.
Flestum þykir lofið gott. Gamalt
og göfugmannlegt máltæki segir
þó, að svo megi einn lofa, að ekki
sé annar lastaður, og hygg ég það
sé einsdæmi, að nemendur eins
skóla séu lofaðir á kostnað kenn-
ara sinna og skólastofnunar. Les-
enduf munu draga af þessum
málarekstri sína dóma eftir efn-
um og ástæðum.
Menn spyrja: Hvers vegna var
framhaldsdeild í búfræði ekki i
upphafi (1947) sett á stofn við
Landbúnaðardeildina í Reykja-
vík eða við háskólann. Þá voru
margir hinir sömu ágætu vísinda-
menn þar starfandi og nú, sömu
kennsluaðstæður og sömu söfn'.
Furðulegt má heita, hve forráða-
menn búnaðarmála hafa þá verið
glámskyggnir á þarfir landbún-
aðarins, er þeir létu stofna til
þessarar nauðsynlegu kennslu á
Hvanneyri Stefán telur kennsl-
una á Hvanneyri mjög slæma,
jafnvel þótt vísindamenn búnað-
ardeildarinnar hafi að jafnaði
kennt mikilvæg fog við deildina
og verið þar aðal-pródómendur,
sem höfðu auðvitað í hendi sinni
að felia skussana, sem Stefán tel-
ur í öðru orðinu hafi of margir
flotið í gegn um prófin.
Reyndin er nú sú, að í dag eru
flestir þeir, sem um þessi mál
hugsa, sammála um, að rétt hafi
venð af stað farið árið 1947, og
einnig eru menn sámmála um
það, að styðja beri af öllum mætti
framþróun þá, sem orðið hefur í
framhaldsmenntun búfræðinga á
Hvanneyri síðustu árin. Deildin
hefur nú starfað í 12 ár og hefur
vakið á sér vaxandi athygli, og
segja má, að hún sé svo vel lif-
andi, að hún eigi sér bæði vini og
óvini. Allt, sem vel lifir, er um
deilt, og framhaldsdeildin á
Hvanneyri væri aum, ef Reykvík
ingar kærðu sig ekki um að eign
ast hana nú. Við mjög slæman
húsakost og allan aðbúnað og
knöpp peningaráð hefur fram
haldsdeildin orðið að þeirri stofn
un í höndum Hvanneyringa, sem
aðrir nú girnast. Er ekkert nema
gott um það að segja.
Mikla furðu mína vöktu um-
mæli Stefáns í nefndri grein um
kennaraliðið við framhaidsdeild
ina. fasta kennara og aðkomu-
nrenn Hann segir: „Ekki mun þó
of sagt, að allmikið skorti á, að
kennslukraftar við framhalds-
deildina séu eins góðir og æski-
legt væri, og er vægast sagt frá-
leitt, að frumvarpið skuii ekki
gera strangari kröfur til xennava
við hinn væntanlega búnaðarhá-
skóla en gerðar hafa verið við
framhaldsdeildina“. Má ekki í
flestum tilvikum leggja fram þá
spurningu, hvort kennarar séu
rægilega færir og menntaðir til
starfa sinna. Einn hefur það, sem
annan vanhagar um. Nú er hitt
þó staðreynd, að kennarar á
Hvanneyri hafa mjög sams konar
menntun og starfsmenn við bún-
aðardeildina og Búnaðarfélag Is- |
iands. Stefán mun því helzt hafa .
það í huga, að til Hvanneyrar j
hofi valizt tieggáfaðir menn, eða >
máske eru þeir þessir „aukvis- j
ar“, sem hann ræðir um á öðr-
u:n stað í grein sinni. Oll þessi!
ummæli greinarhöfundar verða j
að dæmast af sama sálfræðilega
toga spunninn og nágrannarígur,
er birtist í þeim búningi, að einn
gefur í skyn, hve miklu hann sé >
fremri hinum.
Kröfur þær til undirbúnings-
menntunar til búnaðarháskóla í
lagafrumvarpi því, sem liggur
fyrir Alþingi, eru hinar sömu,
sem norrænir búnaðarháskólar
hafa sett sér eftir einnar aldar
reynslu. Stefán vill gera stúdents
próf að undantekningarlausu
skilyrði. Er ekki hyggilegra fyrir
okkur að fylgja dæmi reynslunn-
ar í nágrannalöndunum? Stú-
dentspróf er ekki skýlaus gæða-
stimpill á menn, og benda má á,
að flestir okkar merkustu bún-
aðarfrömuðir hafa verið búnað-
arkandídatar án stúdentsprófs og
þó komið í hvívetna fram sem
vel menntaðir og hæfir menn.
1 nefndu frumvarpi eru svipuð
ákvæði um ráðningu kennara við
búnaðarháskóla og nú eru i lög-
um við Háskóla íslands, og verða
skilyrði fyrir ráðningu sett fram
í reglugerð. Hitt mun hæpið, að í
lagagreinum sé unnt að tryggja
það, að hæfustu menn séú ráðnir,
því að úrslitavaldið í þeim efn-
um er á valdi ráðherrans í hvert
skipti.
Frumvarp það, sem liggur fyrir
Alþingi, um búnaðarháskoia mun
verða til að hraða mjög þróun
íslenzkra búvísinda og beztu
menntun íslenzkra búfræðinga.
Efling slíkrar innlendrar búvís-
indastofnunar er sú lyftistöng,
sem íslenzkan landbúnað vanhag
ar nú mest um. Um þetta geta
allir orðið sammála, og vonandi
ber Alþingi það, sem nú situr,
gæfu til að sigla málinu í örugga
böfn. Deilur um málið eru eðli-
legar og gagnlegar, en bezt fer
á, að þær séu sem málefnalag-
astar.
Jcan de Fontenay.
BÍL ASALINN
við Vitatorg simi 12500
Fiat ’54, ’57, ’58, ’6Ó
Taunus ’56, ’58, ’60
Zodiac ’55, ’58, ’60
Consul ’55, ’57
Volvo Station ’55
Opel Caravan ’55, ’56
BÍUSUIII
við VitatOjLg.
Sími 12-500
Trésmiðavélar
nýjar til sölu. Þar í Steinberg
(stærri) sambyggð með geir-
neglingu c. fl. Húsnæði gæti
fylgt. Þeir er áhuga hafa
sendi blaðinu nafn sitt fyrir
miðvikudag, merkt: „Tæki-
færi — 3186“.
Reglusamur
eldri maður óskar að fá leigt
herbergi, ekki í risi. Æskilegt
að herbergið væri með inn-
Þyggðum skápum. Er sjaldan
í bænum. Tilboð merkt: „Sigl-
ingar — 3182“ leggist inn á
afgr. Mbl. fyrir 29. þ. m.
Hinzta
kveÖja j
Við andlátsfregn Þórunnar Jónsdótt-
ur, kaupkonu, Klapparstíg 40, Reykja- j
Frá systur hennar í fjarlægri heims
álfu. Ingibjörgu Jónsdóttur Guðmunds
son.
I dag kom skeyti gegnum geiminn
sem gaf til kynna látið þitt.
Viðkvæman snerti hugans heiminn,
þá huggun kom með svarið sitt.
A sömu stund mér sagt var þá:
Þín systir lifir Guði hjá.
Æ, — þá var hljótt og þögult inni
er þungstíg fregn til hjartans gekk.
Asökun fann í sál og sinni
er samviskuna vakið fékk.
Ei minnstu gleði gaf ég þér
að gæta þess nú of seint er.
Hún þakkar þeim í raun sem reyndust
og réttu henni kærleiksyl.
I hennar þögn þær gjafir geymdust
sem góðum vinum heyrir til
Það hulins mál sem orð ei á
hér erfitt er að skýra frá.
I gegnum margar þungar þrautir
æ þinn lá ævivegurinn.
Reynslan er hörð og brattar brautir
sem breyta sorg í fögnuðinn.
Þín hetjulund þig hærra bar
hjálpræði Guðs hið innra var.
Numið er burtu næturhúmið
hinn nýi morgunn upprisinn.
Sjá — eyðilegt er auða rúmið
hér eftir lifir minningin.
Að svæfli hneig þitt höfuð þreytt
er hvíldin kom sem Guð fær veitt.
Hann sem birtu andans breiðir
blessaði yfir þína sál.
Það er Guðs hönd sem þrautum eyðir
og þína létti rauna skál.
I botn þú tæmdir bikarinn
sem blandaði föður forsjónin.
Eg sé í anda Ijóssins Ijóma
og líkfylgd þína álengdar
og ódauðleikans elztu óma
óbreytt er röddin allsstaðar.
Gjöfin æðsta af Guði veitt
gegnum dauðann er lífið leitt.
Draumarnir þínir dýru rættust
þig drottinn sá og tók þig heim
Hjá honum síðar munum mætast
Guðs miskunn stýrir vegi þeim.
I sólarátt við seilumst hér
sáluhlið andans trúin er.
Sjá — stráin falla, blikna blómin
að boði Guðs er nóttin hljóð.
Mér finnst eg heyra engla óminn
og upprisunnar morgun ljóð.
„Eikin fölnuð“ eg sé í sýn
þitt sálarinnar brúðkaupslín.
Þinn brúðgumi er Ijósins ljómi
sem leiðir þig í paradís.
t»að skeður æ að drottins dómi
dauðanum fylgir sigur vís.
Astvinir kveðja ástvin sinn
ofanað streymir huggunin.
Herbergi óskasf
Þrjár ungar stúlkur óska eftir
einu stóru eða tveim sam-
liggjandi herbergjum 14. maí,
helzt nalægt Þverholti. Til-
boð merkt: „Þrjár ungar —
3204“ sendist afgr. Mbl. fyrir
5. maí n. k.
■Oarnargötu 5. Sími 11144.
Chevrolet ’47
Þarf sprautingar við. Fæst
á kr. 25 þúsund.
Opel Caravan ’55
Mjög góður. —
Renault ’55 4ra manna
Chevrolet vörubifreiðir,
’42, ’52, ’57
Fiat Station ’54, ’55, ’56,
’57, ’59
Skoda 1200 ’56
mjög góður. — Skipti á
Volkswagen ’56—’60.
Volkswagen ’55, ’56
Skipti á nýrri Volkswagen.
Volvo Station ’55
Skipti á ódýrari koma til
greina.
Willy’s Station ’46, ’54

Tjarnargötu 5. Sími 11144
Catalogue
of the Fiske Icelandic Collection in Cornell University
Library, comp. by Halldór Hermannsson.
Þessi eftirspurða bókaskrá kemur út í ljósprent-
aðri útgáfu í sumar. Skráin er alls 1260 bls. í stóru
kvartóbroti. Verð (ób.) kr. 890.10.
Þeir sem vilja tryggja sér eintak af bókaskránni,
geta pantað hana hjá okkur.
Við útvegum ennfremur allar fáanlegar bækur,
bæði erlendar og innlendar og sendum bækur hvert
sem óskað er.
Sníitbj ömlíóti5stm& Q>.h|
ENGLISH B00KSH0P_
Hafnarstr. 9. Símarll936, 10103.
„FENN ER"
V - reimar
Höfum ávallt fyrirliggjandi hinar
viðurkendu sterku og endingarmiklu
„FENNER“ kýlreymar
Einnig reimskífur og flatar reimar.
Vald Poulsen h.f.
Klapparstíg 29 — Sími 13024
Auglýsing
um umferð ■ Reykjavík
Samkvæmt ályktun bæjarstjómar Reykjavíkur hefur
verið ákveðinn aðalbrautarréttur á eftirtöldum göt-
um og gatnamótum:
1. Sundlaugavegi.
2. Brúnavegi.
3. Grensásvegi. Aðalbrautarrétturinn gildir þó
ekki gagnvart Suðurlandsbraut, Miklubraut og
Bústaðavegi.
4. Lönghlíð. Þó ber umferð um Lönguhlíð að víkja
fyrir umferð um Miklubraut og Eskitorg.
5. Nóatún. Þó ber umferð um Nóatún að víkja
fyrir umferð um Laugaveg og Borgartún.
6. Suðurgötu. Aðalbrautarrétturinn gildir þó
ekki gagnvart Melatorgi og Túngötu.
7. Hofsvallagötu. Aðalbrautarrétturinn gildir þó
ekki gagnvart Ægissíðu, Hringbraut og Tún-
götu.
8. Vegamótum Bústaðavegar, Klifvegar, Háa-
leitisvegar og Mjóumýrarvegar, þannig að um-
ferð frá framangreindum þvergötum Bústaða-
vegar hafi biðskyldu gagnvart umferð um hann.
9. Vegamótum Tjarnargötu og Skothúsvegar,
þannig að umferð um Tjarnargötu hafi bið-
skyldu gagnvart umferð um Skothúsveg.
10. Vegamótum Laugarnesvegar og Sigtúns þannig
að Sigtún hafi biðskyldu gagnvart Laugarnes-
vegi.
Athygli skal vakin á því, að vegir, sem að aðalbraut-
um liggja, eru við vegamótin merktir biðskyldu-
eða stöðvunarmerkjum.
Það tilkynnist öllum ,sem hlut eiga að máli.
Lögreglustjórinn í Reykjavík, 22. apríl 1960.
Sigurjón Sigurðsson.