Morgunblaðið - 27.08.1960, Side 10

10
MORGUNBLAÐIÐ
Laugardagur 27. ágúst 1960
Utg.: H.í. Ai-vakur Reykjavík.
Framkvæmdastjóri: Sigfús Jónsson.
Ritstjórar: Valtýr Stefánsson (ábm.)
Sigurður Bjarnason frá Vigur.
Matthías Johannessen.
Eyjólfur Konráð Jónsson.
Lesbók: Arni Óla, sími 33045
Auglýsingar: Arni Garðar Kristinsson.
Ritstjórn: Aðalstræti 6.
Augtýsingar og afgreiðsla: Aðalstræti 6 Sími 22480.
Askriftargjald kr. 45.00 á mánuði innanlands.
í lausasölu kr. 3.00 eintakið.
FREKJA
A AKRANESI hefur sem
kunnugt er verið vinstra
samstarf um bæjarmálefni.
Hafa Alþýðuflokksmenn' þar
starfað með Framsóknar-
mönnum og kommúnistum.
Nú í vikunni lauk þessu sam-
starfi, er allir bæj arfulltrúar
samþykktu vítur á Daníel
Ágústínusson, bæjarstjóra, og
bæjarfulltrúar Sjálfstæðis-
flokksins og Alþýðuflokksins
ákváðu að víkja honum úr
starfi og kjósa nýjan bæjar-
stjóra til bráðabirgða.
Um sakir þær, sem bornar
eru á fyrrverandi bæjar-
stjóra, skal ekki fjölyrt hér.
Þau mál varða fyrst og fremst
Akurnesinga sjálfa og endan-
legt uppgjör fer sjálfsagt
ekki fram fyrr en við næstu
bæjarstjórnarkosningar á
Akranesi.
Aftur á móti verður ekki
hjá því komizt að víta þá
dæmafáu frekju og ósvífni,
sem hinn fyrrverandi bæjar-
stjóri sýnir, er hann neitar
að víkja úr starfi, þótt 7 af 9
bæjarfulltrúum hafi sam-
þykkt uppsögn hans. Ekki
verður hér farið út í umræð-
ur um lagaflækjur, enda
verða þær útkljáðar á þeim
vettvangi, sem hinn fyrrver-
andi bæjarstjóri hefur kosið.
Augljóst mál er, að Daníel
Ágústínusson getur ekki
haldið áfram bæjarstjóra-
starfi af þeirri einföldu
ástæðu að hann styðst ekki
við meirihluta í bæjarstjórn,
og 7 af 9 fulltrúum vantreysta
honum fullkomlega. Hver
sómakær maður hefði því
beðizt lausnar, er hann sá að
hverju stefndi í stað þess að
berja hausnum við steininn
og láta sem hann væri sjálf-
kjörinn til forystu bæjarmál-
efna Akraness. Hitt er auð-
vitað allt annað mál, að hann
gat gert kröfu um einhverjar
bætur vegna fyrirvaralausrar
brottfarar úr starfi og þess
fjárhagstjóns, sem hann kann
af því að hafa beðið.
Þótt framkoma hins fyrr-
verandi bæjarstjóra á Akra-
nesi sé einsdæmi, sem betur
fer, þá leiðir hún hugann að
því, að ýmsum íslenzkum
stjórnmálamönnum gengur
erfiðlega að skilja það, að
störf þeirra eiga að vera
þjónustustörf í þágu-umbjóð-
enda þeirra, kjósendanna. í
því efni taka Framsóknar-
menn öðrum fram. Þeir berj-
ast gegn réttlæti hvenær sem
það kann að skerða persónu-
lega hagsmuni þeirra eða hag
flokksins. Þeir hagnýta hin
fjölmennu samvinnusamtök í
eigin þágu og svífast einskis
í bitlingaveitingu og hvers
kyns frekju.
GARÐUR
KRISTMANNS
17'YRIR skömmu var hér á
* ferð þýzkur prófessor,
deildarforseti landbúnaðarhá-
skóla í heimalandi sínu. Þessi
þýzki prófessor var í boði
Gísla Sigurbjörnssonar, for-
stjóra Elli- og hjúkrunar-
heimilisins Grundar, og
dvaldi nokkuð í Hveragerði,
þar sem Gísli Sigurbjörnsson
hefur af fádæma elju og fyrir
hyggju komið upp heilu þorpi
íbúða fyrir aldrað fólk með
hinum mesta glæsibrag.
Er prófessorinn dvaldi í
Hveragerði, kynntist hann
garði Kristmanns Guðmunds-
sonar. Taldi hann garð þenn-
an vera hreinan gimstein, og
er hann hefði gengið í gegn-
um garðinn, hefði hann þegar
séð á 2. hundrað plantna, sem
mjög fágætar væru suður í
Þýzkalandi. Taldi prófessor-
inn að á dauða sínum hefði
hann getað átt von, en að sjá
slíka gersemi hér uppi á ís-
landi, hefði hann talið útilok-
að. —
Að þessu efni er hér vikið,
vegna þess að þessi dýrgripur
liggur nú undir eyðileggingu,
þar sem ekki er um hann ann-
azt. Fróðir menn telja að
mikið muni fara forgörðum
þegar í vetur, ef ekki er um
búið fyrir vetrarhörkur og á
næsta ári mundi meginið af
því dýrmætasta verða ónýtt.
Þetta má auðvitað alls ekki
henda og þurfa góðir menn
eða opinberir aðilar að takast
á hendur að forða því óbæt-
anlega tjóni. Fyrir Hvergerð-
inga hefur þetta auk þess sér-
staka þýðingu, því að líklegt
er að bráðlega muni rætast
spárnar um það, að Hver%-
gerði verði mikill ferða-
manna- og heilsuræktarbær
og vissulega mundi Krist-
manns-garður þá eiga sínu
mikilvæga hlutverki að
gegna.
UTAN UR IIEIMI
Til sýnis í Bergen
DAGANA 25.—31. ágrúst stend-
ur yfir í Bergen norsk fiskiðn-
aðarsýning. Eitt af því sem mesta
athygli vekur á sýningunni er
brezki skuttogarinn „Universal
Star“, sem þangað kom á fyrsta
degi sýningarinnar. Þetta er lítill
togari, aðeins ZT'A metri á lengd
(nýjustu togarar fslendinga eru
rúmlega 60 metra langir), en
mjög nýstárlegur.
• GÁLGI OG HLIÐ
Það sem einkennir þennan tog-
ara er sveigjanlegur gálgi eða
„gantry“, sem liggur þvert yfir
skut togarans, og er notaður við
að út- og innbyrða botnvörpuna.
Þennan gálga má sveigja fram og
aftur þannig að hann getur skag-
að aftur fyrir skipið eða inn á
afturdekkið.
Annað einkennandi fyrir togar-
ann er hreyfanlegt hlið, sem ligg-
ur þvert fyrir skut skipsins. Þetta
hlið auðveldar mjög meðferð
vörpunnar og er vökvaknúið,
eins og gálginn. Hliðið er aðeins
opið stutta stund í einu við út-
byrðingu vörpunnar
• VINNUSPARNAÐUR
Gott skýli er fyrir þá sem vinna
á afturdekkinu og er togvindan
yfirbyggð. Hátalarakerfi liggur
um allt skipið frá stjórnklefa.
Segja þeir sem til þekkja að
þessi nýja tilhögun hafi í för með
sér mikinn vinnusparnað, því
færri menn þurfi við meðferð
Gálginn auðveldar mjög meðferð vörpunnar.
vörpunnar og gangi út- og inn-
byrðing mjög fljótt.
★
Universal Star mun dvelja í
Bergen meðan sýningin stendur
yfir og mun daglega fara í veiði-
ferðir á nálæg mið með ýmsa full
trúa norska fiskiðnaðarins Hafa
norsk yfirvöld leyft að aflanum
verði landað í Bergen.
Von Braun til tunglsins 1963
ÞÝZK-BANDARÍSKI eldflauga-
sérfræðingurinn dr. Werner von
Braun skýrði frá því í Berlín ný-
lega að hann væri ákveðinn í því
að fara sjálfur með einu af fyrstu
geimskipum Bandaríkjanna til
tungisins. Áætlar hann að þetta
verði i árslok 1963.
í viðtali við dagblaðið ,,B.Z.“ i
Vestur-Berlín sagði von Braun að
e’dflaugin, sem notuð yrði, væri
af gerðinni Saturnus, sem þegar
hefðu verið gerðar tilraunir með.
Fyrst mun verða send mönnuð
Saturnus eldflaug umhverfis
tungiið til að rannsaka og undir-
búa lendingar þar, sem ekki geta
orðið fyrr en seint á árinu 1963.
Verður að finna leið til að lenda
eidflauginni á tunglinu þannig að
hvorki menn né mælitæki verði
fynr tjóni.
Á meðfylgjandi mynd sézt
bar-ón Braun (í miðju), fyrrver-
andi ráðherra, taka á móti syni
sínum Werner von Braun í
Miinchen, þar sem nýlega var
frumsýnd kvikmynd um æfi eld-
flaugasérfræðingsins.
Til vinstri er leikarinn Curt
Jurgens, sem leikur von Braun í
kvikmyndinni.