Morgunblaðið - 03.09.1961, Blaðsíða 12

MORGUNBLAÐIb
Sunnu'dagur 3. sept. 1961
12
KOMMUNISMINN SVIPTUR
SAUÐARGÆRUNNI
gTINN alþjóðlegi kommún-
ismi og leiðtogar hans
hafa nú verið sviptir sauðar-
gærunni. Árum saman hafa
þessir hræsnarar hjalað um
andúð sína á kjarnorkutil-
raunum og þótzt hafa ein-
lægan áhuga á að allar slíkar
tilraunir yrðu endanlega
bannaðar. Undir þetta hjal
hafa flugumenn kommúnista
í öllum löndum tekið. Jafn-
vel hér á íslandi hefur
fimmta herdeild Moskvu-
manna þótzt berjast fyrir
því af heilum hug, að allar
tilraunir með kjarnorkuvopn
yrðu bannaðar.
En nú gerist það, að Rúss-
ar tilkynna að þeir muni á
ný hefja kjarnorkuspreng-
ingar. Þetta gerist á sama
tíma, sem alþjóðleg ráðstefna
situr að störfum í Genf og
ræðir bann við kjarnorku-
tilraunum. Hefur sú ráð-
stefna setið mánuðum sam-
an án þess að gengi né ræki.
Rússar hafa haldið þar uppi
stöðugu málþófi og reynt að
hindra allt raunhæft eftirlit,
sem tryggt gæti að samkomu
lag um þessi efni yrði hald-
ið. —
Loks hefur það nú gerzt,
að Rússar hafa sprengt kjarn-
orkusprengju í gufuhvolfinu
yfir austurhluta Sovétríkj-
anna. Þar með er fjandanum
sleppt lausum. Kommúnistar
hafa enn einu sinni sýnt,
hversu gersamlega innan-
tómt allt þeirra tal er um
afvopnun og bann við kjarn-
orkutilraunum.
Athyglisvert er, að Rússar
nota Berlínardeiluna sem
yfirskin þess að hefja þessar
tilraunir að nýju. Allur heim
urinn veit, að það er Sovét-
stjórnin sjálf sem skapað hef
ur Berlínarvandamálið. Með
því að þverbrjóta alla samn-
inga við fyrrverandi banda-
menn sína í styrjöldinni gegn
nazismanum hafa þeir skap-
að hættuástand í Berlín. Þeir
hafa látið leppa sína í Aust-
ur-Þýzkalandi setja upp
gaddavírsgirðingar milli
Austur- og Vestur-Berlínar
og upphefja vopnabrak á
þessum slóðum. Þessum ó-
dæðisverkum fylgja komm-
únistar svo eftir með því að
hefja tilraunir með kjarn-
orkusprengjur og ógna þar
með öllum heiminum með
dauða og tortímingu.
Aldrei hefur það orðið
eins ljóst og nú, að hinn al-
þjóðlegi kommúnismi er
hinn mikli bölvaldur og frið-
arspillir í heiminum. Hann
er arftaki nazismans, sem út-
hellti blóði milljóna manna,
í heimsstyrjöld, sem logaði
um allan heim. Nikita Krús-
jeff er arftaki Adolfs Hitl-
ers. í dag er það hann sem
ógnar veröldinni með nýju
blóðbaði, skelfilegra og ör-
lagaríkara en mannkynssag-
an greinir.
BREYTIR FRAM-
SÓKN UM
STEFNU?
C[ Ú spurning hlýtur að rísa,
^ hvort Framsóknarflokk-
urinn muni halda áfram að
styðja kommúnista í einu og
öllu hér á landi eftir þau tíð-
indi, sem nú hafa gerzt í
heiminum? Undanfarið hafa
leiðtogar Framsóknarflokks-
ins gert allt sem í þeirra
valdi hefur staðið til þess
að efla og styrkja aðstöðu
flugumanna hins alþjóðlega
kommúnisma á íslandi. Þeir
hafa eflt þá til að valda inn-
an verkalýðssamtakanna,
hjálpað þeim til þess að hol-
grafa grundvöll íslenzks efna
hagslífs og stutt þá til auk-
inna áhrifa, hvar sem því
hefur verið við komið.
Fjöldi fólks innan Fram-
sóknarflokksins, sem jafnan
hefur talið sig lýðræðíssinn-
aðan stjórnmálaflokk hefur
horft á aðfarir leiðtoga sinna
með vaxandi ugg og andúð.
En leiðtogar flokksins hafa
engu að síður haldið áfram
að styðja og efla fimmtu
herdeildina. Hve lengi ætla
þeir að halda því áfram?
Engum viti bornum manni
dylst, að hinn alþjóðlegi
kommúnismi hefur nú leitt
skelfilega hættu yfir gervallt
mannkyn. íslenzka þjóðin
getur ekki lokað augunum
fyrir þeirri staðreynd. Hinn
dimmi skuggi nýrrar gereyð-
ingarstyrjaldar vofir yfir ís-
landi eins og öllum öðrum
löndum heimsins.
AUSTRÆN
SKRIÐDÝR
Á ÍSLANDI
fjAÐ stendur ekki á Þjóð-
* viljanum, málgagni
fimmtu herdeildar hins al-
þjóðlega kommúnisma á Is-
landi að sýna skriðdýrshátt
sinn gagnvart kjarnorkutil-
raunum og vopnabraki Rússa.
Eftir að Þjóðviljinn hefur
Káðstefna hlutlausu þjóðanna: „Ætli við sleppum undan sverði Demoklesar?“ (Xarantel)
HAWM'TALO JAPAN
..... „die muss nur gross ffenug- sein, damit sie geglaubt wlrd .„ ..." (Adolf Hltler skrlfaði
pistilinn: „Lygin verður aðeins að vera nógu mikil, til þess að henni sé trúað“).
(tarantel press)

*****
skýrt frá því, að Rússar
muni hefja tilraunir með
kjarnorkuvopn á nýjan leik
og muni nú „stefna að því
að framleið>a öflugri sprengj-
ur en nokkurri sinni fyrr“
kemst hann að orði á þessa
leið:
„Átökin í Evrópu stafa af
því, að Atlantshafsbandalags
ríkin neita að viðurkenna
núverandi landamæri Ev-
rópu og þau ríki, sem mót-
azt hafa eftir síðustu heims-
styrjöld.“
Þannig éta íslenzku komm
únistarnir upp lygar komm-
únistastjórnarinnar í Moskvu.
Allur hinn frjálsi heimur veit
að hættuástandið í Evrópu
í dag stafar af því að Rússar
hafa svikið samkomulagið
við bartdamenn sína um Ber-
lín. Þeir hafa svikizt um það
fyrirheit að gera friðarsamn-
inga við sameinað Þýzka-
land. í stað þess hafa þeir
sett á laggirnar leppstjórn í
Austur-Þýzkalandi og hóta
nú að fá henni umráð yfir
samgönguleiðum til Berlínar,
og ógna þar með öryggi Vest
ur-Berlínar og fyrrverandi
bandamanna sinna, sem
hjálpuðu þeim til þess að
bjarga Rússlandi undan
hrammi nazismans.
íslenzka kommúnistablaðið
sýnir það enn einu sinni, að
það á enga sjálfstæða skoð-
un. Það er aðeins skriðdýr,
sem eltir hina kommúnísku
einræðis- og ofbeldisstjórn í
Moskvu, hvað>a ódæði sem
hún gerir sig seka um gagn-
vart heimsfriðnum og ör-
yggi þjóðanna.
Það er hróplegt til þess að
vita, að þeir vesalingar skull
vera til á íslandi, sem leggja
trúnað á hræsnishjal komm-.
únista um ást þeirra á sjálf-
stæði og öryggi íslands. —>
Staðreyndirnar sanna, að ís-
lenzkir kommúnistar eiga að-
eins eitt takmark: Að svíkja
ísland, að hneppa íslenzku
þjóðina í sömu þrældóms-
fjötrana og fólkið í Austur-
Evrópu og öðrum leppríkj-
um Rússa stynur nú undir.
Það íslenzkt fólk, sem ekki
skilur þetta, veður í mikilli
villu. En vonandi opnast
augu þess, áður en það er
orðið of seint, áður en það
sjálft og aðrir íslendingar
hafa verið lokaðir inni í
svartholi kommúnismans, eða
land þeirra svift frelsi og
sjálfstæði.
iwgtiitfrifaMfr
Cftgefandi: H.f Arvakur, Reykjavík.
Framkvæmdastjóri: Sigfús Jónsson.
Ritstjórar: Valtýr Stefánsson (ábm.)
Sigurður Bjarnason frá Vigur.
Matthías Johannessen.
Eyjólfur Konráð Jónsson.
Lesbók: Arni Óla, sími 33045.
Auglýsingar: Arni Garðar Kristinsson.
Ritstjóm: A.ðalstræti 6.
Auglýsingar og afgreiðsla: Aðalstræti 6. Sími 22480.
Áskriftargjald kr. 55.00 á mánuði innanlands.
1 lausasölu kr. 3.00 eintakið.