Morgunblaðið - 14.09.1961, Blaðsíða 9
Fimmtudagur 14. sept. 1961
MORGVNBLAÐIÐ
9
Stefanía A.
Kveðja
HINN 5. þ.m. andaðist i hárri elli
frú Stefanía Anna Hjaltested,
ekkja séra Bjarna Hjaltested, að
Elli- og hjúkrunarheimilinu
Grund, en hún hafði átt við van-
iheilsu að stríða undanfarið. Hún
var fædd 12 .júní 1876 og því
Orðin rúmlega 85 ára gömul. Hún
var danskrar ættar, dóttir Bent-
zens málarameistara í Kaup-
mannahöfn.
Maður hennar, séra Bjarni
Hjaltested, er einn af þeim ís-
lenzkum guðfræðingum, er stund
uðu námið við Kaupmannanafnar
háskóla. Er hann hafði lokið
prófi þaðan, vígðist hann aðstbð-
arprestur til séra Jóhanns Þor-
ikelssonar dómkirkjuprests, árið
1903. Sjálfsagt hefur hann þá tal-
ið sig vera kominn á hina grænu
grein, því árið eftir gekk hann
að eiga heitmey sína. Þau hjónin
áttu síðan heimili sitt að Suður-
götu 7, í hinu gamla húsi, sem
faðir séra Bjarna, Björn Hjalte-
sted járnsmiður lét reisa, og
stendur það hús enn. Þegar
Bjarni Jónsson var að afstaðinni
kosningu, skipaður 2. prestur við
dómkirkjuna árið 1910, lét séra
Bjarni Hjaltested af aðstoðar-
prestsstarfinu, en eftir það var
hann kennari við Barnaskóla
Reykjavíkur til æviloka, og enn-
fremur var hann um árabil
stundakennari vi.ð Menntaskól-
ann. Hann tók jafnan á sig marg
vísleg önnur aukastörf og var
vinnudagur hans því oft langur.
Hann dó sumarið 1946.
Mikla bjartsýni og trú á menn
ina hafa þær konur, sem yfir-
gefa vini og venzlamenn til að
fylgja maka sínum í fjarlægt land
með það fyrir augum að lifa þar
lífinu, það sem eftir er ævinnar.
Þessar konur hafa brennt allar
torýr að baki sér. Og þær gera
þetta glaðar, því þessu veldur
ástin. En oft reynist ástin skamm
vinn og kjörin í hinum nýju
heimkynnum önnur og lakari en
toúist var við. Vonbrigðin verða
mikil og þá sezt heimþráin að.
Þeir, sem höfðu náin kynni af
heimilinu í Suðurgötu 7, urðu
þess aldrei varir, að frú Stefnía
þráði að taka sig upp og hverfa
héðan aftur til Danmerkur. Hún
hafði fengið góðan og mætan
mann og þeir, sem næstir þeim
hjónum stóðu, voru einnig góðir
menn, sem gott var að þekkja.
Kenni leið vel í þessu umhverfi.
Hún festi hér rætur og undi hag
sínum hið bezta.
Frú Stefanía var fríð kona og
fönguleg. Hún hafði fagra söng-
rödd og söng fallega. Hún helg-
aði krafta sína heimilinu, enda
var það ærið starf, því að börnin
urðu fimm. Hún átti ekkert sam
eiginlegt þeim konum, sem vas-
ast í mörgu, í félögum og gleð-
skaparboðum. Heimilið var henn-
ar staður. Þar var allt í röð og
reglu og engin hætta á, að graut-
unnn brynni þar við.
Frú Stefanía var jafnan létt
og glaðleg, og það vissu þeir, sem
þekktu hana, að þessi ljúfa fram
koma var ekki yfirskin kurteis-
innar, heldur kom hún innan frá,
því að hún var vinur vina sinna
og hafði hjartað á réttum stað.
Þessi hjartahlýja húsmóðurinnar
Hjaltested
skapaði það andrúmsloft, sem
ríkti á heimilinu, og er það grun-
ur minn, að þar hafi maður henn
ar fundið skjól fyrir næðingum
lífsins.
Frú Stefanía var góð kona Og
kirkjurækin. Trúin var henni
styrkur í lífinu. Hún var gæfu-
kona, því sælir eru hjartahreinir,
og átti mannvænleg börn, sem
öllum hefur vegnað vel og reynd-
ust henni vel, en þau eru þessi:
Birna, gift Geir Stefánssyni kaup
sýslumanni, Erlingur bankaritari,
kvæntur- Guðríði Berndsen, Ása
verzlunarmær, ógift, Guðríður,
gift Friðriki Guðmundssyni toll-
verði og Anna Lísa, gift Þórarni
Péturssyni vélamanni.
Ég votta aðstandendum inni-
lega samúð.
Baldur Andrésson.
TU SÖLC
Moskwitch 1961
Ekinn 5 þús. km með útvarpi. Mjög fallegur.
Aðalbílasalaii
Ingólfsstræti 11 — Símar: 23136 og 15014.
Lokað kl. 1-4
föstudaginn 15/9 vegna jarðarfarar.
J. Þorláksson og Norðmann hf.
Afvinna
Ein stærsta bilaverzlun óskar eftir starfsmanni til
að aðstoða við bílasölu svo og erlendar og innlendar
bréfaskriftir. Þagmælsku heitið ef í atvinnu. Nafn og
upplýsingar sendist Morgunblaðinu merkt: „Bílasala
— 5860“ fyrir 18. þ.m.
Unglingur
Unglingur óskast til aðstoðar ‘ á vörulager í bíla-
verzlun. Tæknilegur áhugi æskilegur.
GONNAR ÁSGEIRSSON H.F., Suðurlandsbraut 16
Óskum eftir að ráða
bókbandssveina
Bókiell
Hverfisgötu 78.
Vantar stúlku til
afgreðslustarfa.
MATARDEILDIN
Hafnarstræti 5.
Mauðungaruppboð
sem auglýst var í 32., 38. og 40. tbl. Lögbirtingablaðsins
1961 á Réttarholtsvegi 65, hér í bænum, talin eign Jóns
Sigurðssonar, fer fram eftir kröfu tollstjórans i Reykja-
vik, á eigninni sjálfri mánudaginn 18. september 1961,
kl. 2Vz síðdegis.
Borgarfógetinn í Reykjavík.
IMauðungaruppboð
sem auglýst var í 48., 52. og 54. tbl. Lögbirtingablaðsins
1961 á m/s Baldri E.A. 770, talin eign Jóns Franklín
Franklínssonar, fer fram eftir kröfu Árna Stefánssonar
hrl., Útvegsbanka Islands, Arnar Þór hdl., Gynnars Þor-
steinssonar hrl., tollstjórans í Reykjavík og Árna Gunn-
laugssonar hdl., við skipið þar sem það liggur í Reykja-
víkurhöfn, föstudaginn 15. september 1961, kl. 3% síðd.
Borgarfógetinn í Reykjavik.
Glœsileg hceð til sölu
í tvíbýlishúsi við Stóragerði. Stærð: 150 ferm. 5—6
herbergi, eldhús, bað, skáli o. fl. Er seld uppsteypt
með járni á þaki eða lengra komin. Bílskúrsréttur.
Gott fyrirkomulag. Hagstætt verð. Lái allt
að kr. 100 þúsund til 5 ára. Teikning hér á skrif-
stofunni.
ÁRNI STEFÁNSSON, HRL..
Málflutningur — Fasteignasala
Suðurgötu 4 — Sími: 14314.
Báraðar, glærar
plastplötur á þök
fyrirliggjandi í
6 — 8 — 9 og 10 feta
lengdum.
EGILLÁRNASON
Klapparstíg 26 Sími: 1-43-10.
Frá Barnaskólum Beykjavíkur
Börn á aldrinum 10—12 ára eiga að hefja skólagöngu
um n.k. mánaðamót. N.k. föstudag, þann 15. þ.m,
þurfa börnin að koma til skráningar í skólana sem
hér segir:
Börn fædd 1951 komi 15. sept. kl. 10 f.h.
Börn fædd 1950 komi 15. sept. kl. 1. e.h.
Börn fædd 1949 komi 15. sept. kl. 3 e.h.
Foreldrar athugið:
Mjög áríðandi er, að gerð sé grein fyrir öllum
börnum á ofangr. aldri í skólunum þennan dag, þar
sem raðað verður í bekkjardeildir þá þegar.
Geti börnin ekki komið sjálf, þurfa foreldrar þeirra
eða aðrir að gera grcin fyrir þeim í skólunum á ofan
greindum tímum.
Fræðslustjórinn í Reykjavík.
Sumarauki
með Landsýn
Glæsileg haustferð 30. október til 17. nóvember
með flugvélum og járnbrautum.
RVlK — BERLlN — BtKAREST — CONSTANZA.
Frá Constanza: sigling um Svartahaf og Miðjarðar-
haf með hinu glæsilega skemmtiferðaskipi Fritz
Heckert, sem hér var í júlí sl.
Viðkomustaðir:
AÞENA — RÓDOS — KÝPUR.
Leitið nánari upplýsinga.
Ferðaskrifstofan LAIMDSVIM
Þórsgötu 1 — Sími 22890.