Morgunblaðið - 22.10.1964, Blaðsíða 10

10
MORCUNBLAÐIÐ
Fimmtudagur 22. okt. 1964
Skjót hjálp—
minni skaði
AF þeim rúmlega eitt hundrað
þúsund mönnum, sem árlega láta
lífið í umferðarslysum um heim
•llan, mundu tuttugu þúsund
geta haldið lífi, ef fyrir hendi
væri betri hjálp og aðhlynning
meðan hinir slösuðu bíða á slys-
stað eða við flutning í sjúkra-
hús, segir í grein í tímariti Al-
þjóðaheilbrigðismálastofnunarinn
ar „WHO Cronicle“. Bent er á að
æ fleiri látist í umferðarslysum,
þrátt fyrir ýmsar varúðarráðstaf-
anir, svo sem bætta vegi, öryggis-
búnað í bílum og látlausan áróð-
ur gegn gálausum akstri. Menn
verða að gera sér ljóst, að tala
þeirra , sem farast í umferðar-
slysum, mundi lækka um 20 af
hundraði, ef þeir sem slasast
fengju skjóta og<J-étta hjálp. Þar
sem að jafnaði eru ekki neinir
læknar lálægir þegar slys ber að
höndum, er nauðsynlegt að
kenna almenningi hjálp í viðlög-
um. Meiðsli á höfði eru algengust
í umferðarslysúm, nema 50—80
af hundraði og meiðsli á brjóst
holi eru algeng, 10—40 af hundr-
aði. Slík meiðsli geta haft áhrif
á öndun og öndunarfærin, og
rannsóknir, sem gerðar hafa ver-
ið í mörgum Evrópulöndum leiða
í ljós að stíflun öndunarfæra er
oft banameinið. Við kafnaða eru
lifgunartilraunir með blástursað-
ferð taldar vera líklegastar til
árangurs, að því er sérfróðir
menn segja. Meðal ráðstafana,
sem mundu geta bjargað mörgu
mannslífinu, væru þær gerðar í
tæka tíð, eru lífgunartilraunir,
stöðvun útvortis blæðinga og
ráðstafanir til að hindra lost.
Greinin, sem hér um ræðir, er
byggð á niðurstöðum ráðstefnu
sérfræðinga, sem Alþjóðaheil-
brigðismálastofnunin beitti sér
fyrir í Kaupmannahöfn. Á þeirri
ráðstefnu var m. a. mætt með
því, að allir sem tækju próf í
akstri umferðartækja, yrðu fyrst
látnir ganga undir próf í hjálp
í viðlögum.
„Drottnircgin“ hættir Is-
landsferðum 3. apríl r.k.
Kronprins Olav í fyrstu ferðina 8. apríl
— Aukinn hraði og þægindi
Einkaskeyti til Mbl.
Kaupmannahöfn, 20. okt.
SAMEINAÐA Gufuskipafélagið
tilkynnti í dag að frá og með
laugardeginum 3. apríl nk. mundi
„Dronning Alexandrine" hætta
ferðum milli Kaupmannahafnar,
Færeyja og íslands. Skipið hefur
siglt á þessari leið síðan 1927. 8.
apríl nk. verður tekið í notkun
á leiðinni skipið „Kronprins
OIav“, sem til þessa hefur verið
í ferðum milli Kaupmannahafn-
ai og Osló.
Með þessum breytingum eykst
farþagarýmið á þessari leið úr
130 rúmum í 220 rúm jafnframt
því að þægindi fyrir farþega
aukast til muna. Auk þess getur
„Kronprins Olav" flutt allveru-
legan fjölda bíla, og skipið sigl-
ir 18 hnúta, en „Drottningin"
komst aðeins 12'/2 hnút. Þannig
opnast möguleikar til þess að
brottför frá Kaupmannahöfn
getur átt sér stað á 10 daga fresti,
og skipið getur engu að síður
numið staðar í tvo sólarhringa í
Reykjavík.
Sameinaða gufuskipiafélagið
seigir, að með þessu sé verið að
koma til móts við óskir ferða-
manna, um lengri dvalir á ís-
landi. Segir félagið að áhuginn
fyrir íslandsferðum sé hvað
mestur í Þýzkalandi.
Fargjöld með „Kronprins
Olav" verða nokkru hærri en
þau voru með „Drottningunni“.
Dýrasta fargjald á 1. farrými á
leiðinni Kaupmannahöfn-
Reykjavík mun kosta 675 kr.
danskar, en ódýrast í 1. farrými
525 kr. danskar. Á öðru farrými
verða tvenn fargjöld, 400 kr. oig
350 kr. Flutningsgjöld fyrir bíla
haldast óbreytt.
— Rytgaard.
“—--;• ... - 1 — - - ' 1

Sjóbíll til sýnis hér
í FYRRADAG var ljósmynd-
ari blaðsins niður við bryggju
Ekki vissi hann af neinni kon-
ungskomu eða þjóðhöfðingja-
móttöku og skyldi því ekki
hvað bíllinn var að vilja fram
á bryggjuna. En bifreiðin lét
ekki staðar numið á bryggj-
unni heldur ók viðstöðulaust
á sjó fram og ráku menn, er
á horfðu, upp stór augu. Bíll-
inn virtist fara liðlega um
höfnina, enda lítil ágjöf. Ekki
er okkur kunnugt um sjó-
hæfni bíisins, en talið er að
hann geti farið með um 12
km. hraða á sléttu vatni, en
með 120 km. hraða á vegum.
Bíllinn er búinn skrúfum
sem knýja hann á vatni.
Það er Þjóðverji Friedrich
Bresch, sem sýnir þennan bíl
hér á landi og býður hann til
sölu fyrir um 230 þús krónur.
Bíllinn kallast Amphicar.
Fréttamönnum Mbl. hefir enn
ekki gefizt kostur aÁ skoða
bílinn. (Ljósm. Sv. Þ.)
Farah Diba kveður Ahmed litia eftir uppskurðinn.
Drottningin tók sér frí og
var viðstödd uppskurð
ÍRANSKA keisaradrottn-
ingin, Farah Diba, heim-
sækir oft sjúkrahús í höf-
uðborginni, Teheran, og
ræðir við sjúklingana. —
Mestum tíma ver hún í
barnadeildununi, en þar
eru margir sjúklingar úr
sveitunum, sein foreldr-
arnir geta ekki heimsótt.
Fyrir skömmu kom drottn-
ingin í slíka heismókn i
stærsta sjúkrahúsið í Teheran
og í barnadeildinni hitti 'hún
m.a. lítinn dréng, Ahmed Ab-
dulzadem, frá þorpi skammt
fyrir utan höfuðborgina. Ah-
med litli grét, þegar drottn-
ingin ætlaði að kveðja hann
og sagðist vera hræddur vegna
þess að hann ætti að gangast
undir uppskurð næsta dag.
„En ef þú verður hjá mér, er
allt í lagi“, sagði drengurinn
með tárin í augunum.
Keisaradrottningunni rann
umkomuleysi Ahmeds litla til
rifja og hún ákvað að vera
viðstödd uppskurðinn. Hún
bað læknana um leyfi og það
var fúslega veitt. Síðan full-
vissaði hún Ahmed um að hún
myndi vera hjá honum.
Farah drottning hefur mjög
mörgum opinberum skyldum
að gegna og hver dagur er
fyrirfram skipulagður, en dag
inn, áem Ahmed var skorinn
upp lét hún öll skyldustörf
lönd og leið og dvaldist í
sjúkrahúsiuu rnostan hluta
dagsins. Hún talaði við dreng-
inn áður en hann var svæfð-
ur, fylgdist af áhuga með upp-
skurðinum og þegar hann
vaknaði, sat hún við rúm
hans.

Ahmed á skurðborðinu. Farah í miðið.
Barnaheimili í
Stykkishólmi
Stykkishólmi, 15. sept.
EINS og áður hefir verið getið
í blaðinu hefir Sjúkrahúsið í
Stykkishólmi rekið barnaheim-
ili á sumrin í mörg undanfarin
ár og hefir aðsókn að þessu
heimili vaxið með hverju ári
sem líður.
Barnaheimili systranna er
sumarmánuðina júní, júlí og
ágúst og er skipt um hópa einu
sinni eða tvisvar á sumri.
í gær tjáðu systurnar mér að
búið væri að panta upp öll pláss
á heimilinu fyrir sumarið 1965.
Berast enn margar umsóknir
í pósti og síma en því miður
hefir orðið að neita þeim ðllurrw
Ekki er enn ákveðið hvernig
heimilið starfar næsta sumar og
verður ekki ákveðið fyrr en í
marz n.k.
En þá verða allir foreldrar
sem hafa loforð fyrir plássi fyrir
börn sín að tilkynna hvort þau
noti það eða ekki svo þeir sem
eru á biðlista geti þá fengið
ákveðið svar.
/