Morgunblaðið - 03.05.1966, Síða 10

10
MORGUNBLADID
Þriðjudagur 3. maí 196t>
Fyrirspurnir og svör á fundi borg-
arstjóra meö íbúum Langholts-,
Voga- og Heimahverfis
Einn fundarmanna ber fram fy rirspurn til borgarstjóra.
HÉR FARA á eftir fyrirspurnir
íbúa Langholts-, Voga- og Heima
hverfis á fundi þeirra sl. föstu-
dagskvöld:
Matthías Guðmundsson:
1. Hefur borgarstjórnin uppi
nokkrar ráðagerðir um atvinnu
fyrir unglinga á aldrinum 14—16
ára yfir sumarmánuðina, eða veit
hún á hvern hátt atvinnumark-
aðirnir geta við þeim tekið. Hér
er um að ræða um 4.500 ungl-
inga, svo sjá má að hér er mikill
og vaxandi vandi á höndum, sem
vert væri að taka á föstum og
skipulögðum tökum. Fram að
þessu hafa sumir þessara ungi-
inga ráðið sig til starfa, sem ekki
er æskileg að unglingar stundi,
m.a. vegna slysahættu.
2. Á hvern hátt ráðgerir borg-
arstjórnin að leysa fisksölumál
borgarinnar, svo nokkurn veginn
verði tryggt, að íbúarnir eigi
kost á nýjum og góðum fiski allt
árið um kring?
3. Hvernig og hvenær ætlar borg
arstjórnin að tryggja borgurun-
um örugga læknisþjónustu um
nætur og helgar í samræmi við
vöxt borgarinnar og kröfur tím-
ans?
4. Hver er framtíðarstefna borg-
arstjórnar í málum aldraðs fólks?
Ætlar hún borginni ekki að eiga
sitt eigið elliheimili? Hvar er
elliheimilissjóður borgarinnar
niðurkominn, og hve mikill er
hann að vöxtum? Við höfum
heyrt um íbúðir fyrir aldrað fólk
í háhýsum hér uppi á hæðinni,
það hljómar dálítið einkennilega
í þessu sambandi, og fleiri íbúð-
ir eiga að koma til greina. Þetta
þjónar allt góðum tilgangi, en
hver er heildarframtíðarstefnan?
5. Hvað hyggzt borgarstjórnin
gera til þess að auðvelda ungu
fólki, sem þarf að stofna heimili,
að eignast húsnæði, eða fá hús-
næði á leigu?
Á þessu ári verða sennilega
stofnuð um 700 ný heimili hér i
borginni, og til viðbótar kemur
sú byggingaþörf annars en ungs
fólks, t.d. aðflytjenda. Borgin
gerir ráð fyrir að byggja eða
veita aðstoð við byggingu á allt
að 750 íbúðum á næstu fjórum
árum. Á sú áætlun að nægja,
eða er önnur á döfinni?
6. Hvernig stendur á því að mað
ur sér iðulega í blöðum að borg-
arráð hafi samþykkt þetta og
hitt, og það tilkynnt sem afráð-
inn hlutur, og jafnvel verklegar
framkvæmdir hafnar áður en
borgarstjórn hefur formlega
samþykkt sínar ákvarðanir? Er
það ekki þannig, að borgarstjórn
verði að samþykkja ákvarðanir
borgarráðs áður en þær öðlast
gildi? Að svo mæltu endurtek
ég þakkir mínar til borgarstjór-
ans við þessa fundi. Geir Hall-
grímsson er sjöundi borgarstjóri
Reykjavíkur ef ég man rétt, og
þeirra yngstur í starfi sem borg-
arstjóri. Það er skemmtilegt tím
anna tákn, að í hvert skipti, sem
nýr borgarstjóri hefur tekið hér
við völdum, hefur sá hinn sami
verið yngri að • árum en fyrir-
rennari hans. Þetta hefur greini
lega haft þau heillavænlegu áhrif
að stjórnarstefnan í borgarmál-
um hefur orðið frjálslyndari en
áður, meira tillit hefur verið tek
ið til minnihlutans og stefnu-
mála hans. Á þetta sérstaklega
við um stjórnartímabil þriggja
síðustu borgarstjóra. Og það verð
ur ávallt svo þótt sterkur meiri
hluti haldi um stjórnartauminn,
að hyggilegra og farsælla verður
fyrir borgarbúa, að haldið
Ȏ uppi skynsamlegu samstarfi
við minnihlutann, og honum sé
sýnd tilskilin tillitssemi.
Borgarstjóri: Ég þakka Matt-
híasi Guðmundssyni hlýleg orð
i minn garð.
1. í því efni gat ég um að borgin
ræki vinnuskóla. Ýmsurri ungl-
ingum finnst kaupið þar heldur
lágt, en samt sem áður hefur að-
sókn verið mikil. Að öðru leyti
starfaði nefnd á vegum borgar-
stjórnarinnar fyrir fjórum árum,
og fjallaði eipmitt um atvinnu-
mál unglinga. Þá kom það fram,
að rétt væri að skrifa ýmsum
samtökum atvinnurekenda um
það að taka unglinga að ein-
hverju leyti í þjónustu atvinnu
veganna. En um leið og búið var
að samþykkja nauðsyn þess að
útvega unglingunum atvinnu,
komu fram raddir um, að ungling
ar ættu ekki að Vera í fullri
vinnu að sumri til þegar þeir
væru frá námi, heldur þyrftu
þeir á hvíld að halda og allavega
á atvinnu að halda sem væri
sérstaks eðlis, og þeim ekki of
erfið. Reykjavíkurborg hefur í
þeim efnum aðallega lagt áherzlu
á vinnuskólann og samstarf við
atvinnuvegina.
2. Mjög erfitt er að leysa fisk-
sölumálin eða sjá um, að nýr
fiskur sé ávallt á boðstólum hér
í Reykjavík, ef fiskur veiðist
ekki á nálægum miðum, eins og
var um langt tímabil nú í vetur.
En ráðstafanir voru þó gerðar
til þess að togarar lönduðu hér
í bænum til þess að bæta úr þess
um fiskskorti. Að sumri til hefur
nokkuð verið bætt úr skák með-
an dragnótaveiði hefur verið
stunduð, en það er umdeild veiði
aðferð, og býst ég því við, að
aðgerðir borgarstjórnarinnar
verði að byggjast á tillögum út-
gerðarráðs og á því sviði að auð-
velda fiskverzluninni í bænum
þjónustu sína við borgarbúa. í
sambandi við fisksölumálin má
einnig drepa á það, að ýmsir
fisksalar borgarinnar hafa haldið
því fram, að þeir gætu e. t. v.
aflað betri og meiri fiskjar til
borgarinnar, ef verðlagsákvæðin
væru ekki jafn ströng, og þeir
mættu greiða fiskseljendunum
hærra verð fyrir fiskinn, en það
þýddi auðvitað hærra fiskverð
til neytenda í bænum.
3. Ég gat um það að á vegum
borgarinnar hefði starfað lækna
þjónustunefnd svokölluð. I henni
áttu sæti borgarlæknir, fulltrúar
lækna og borgarstjórnar og er
von á áliti þeirrar nefndar innan
skamms og er fjallað þar m.a.
um þessa þjónustu, og hvernig
hana megi bæta.
4. Reykjavíkurborg ætlar ekki að
byggja elliheimili. Velferðar-
nefnd aldraðra, sem hefur skilað
áliti um málefni aldraða fólksins
hefur einróma lagt til að annars
vegar væru byggð hjúkrunar-
heimili fyrir gamalt fólk og hins
vegar íbúðir fyrir gamalt fólk.
íbúðirnar til þess að auðvelda
öldruðu fólki að vera sem lengst
í heimahúsum, þar sem það getur
lifað sjálfstæðu lifi og hjúkrun
arheimilin fyrir það aldrað fólk,
sem þarf á meiri aðhlynningu og
hjúkrun að halda. í ráði er að
byggja fyrir aldrað fólk sem svar
ar 25 íbúðir og 15 rými á hjúkr-
unarheimilum á ári. Nú á næstu
mánuðum verður fulllokið við
háhýsið við Austurbrún með 69
íbúðum, en það er að hluta til
ætlað öldruðu fólki.
5. Reykjavíkurborg hefur átt
hluta að byggingu um 300 íbúða
á síðasta kjörtímabili, selt sum-
ar, leigt aðrar. Samkvæmt rann-
sókn á aldri þeirra, sem hlutu
þessar íbúðir kemur fram að
ungt fólk á þar mikinn hluta að
máli. Nýlega hefur borgarstjórn
samþykkt áætlun um aðgerðir í
húsnæðismálum, annars vegar er
um að ræða þátttöku í fram-
kvæmdum byggingarnefndar rík
isstjórnarinnar, verkalýðsfélag-
anna og Reykjavíkurborgar, þar
sem borgin mun byggja um 250
íbúðir, 2ja, 3ja og 4ra herbergja
á næstu fjórum árum, og hinsveg
ar er um lánveitingar að ræða til
þrjú til fjögur hundruð íbúða
allt að 100 þúsund krónur til
hverrar, og þar sérstaklega tek-
ið fram að fyrirgreiðsla verði
veitt samtökum unga fólksins
eða samtökum, sem ætla sér að
leysa úr húsnæðisvandamálum
unga fólksins eins og t.d. er rætt
um lánveitingar til hjónagarða
námsmanna við háskóla, iðn-
skóla eða aðrar slíkar stofnan-
ir.
6. Samkvæmt samþykkt um
stjórn borgarmálefna Reykjavík
ur, þá er borgarráði gefið ákveð-
ið vald í framkvæmdarmálefn-
um. Ef allir borgarráðsmenn eru
sammála eru samþykktir borgar
ráðs endanlegar, nema um meiri-
háttar fjárhagsmálefni sé að
ræða eða sérstaklega sé áskilið
samþykki borgarstjrónar. Þess
vegna kemur í raun fyrst til
kasta borgarstjórnar ef ágreining
ur er í borgarráði eða ef um
meiriháttar fjárhagsákvarðanir
er að ræða. Að vísu getur borgar
stjórn eða hver borgarfulltrúi.
sem ekki sættir sig við samþykkt
borgarráðs tekið málið upp f
borgarstjórn, og þá getur borgar
stjórn breytt ákvörðun borgar-
ráðs, ef meirihluti er 1 borgar-
stjórn á móti borgarráði.
Ingibjörg Guðmundsdóttir:
Hvers vegna hefur borgarstjór-
inn okkar aldrei haft neitt við
okkur að tala undanfarin fjögur
ár?
Borgarstjóri:
1. Þetta er spurning, sem ég er
dálítið undrandi á, vegna þess
að ég hef eiginlega verið hrædd
ur um það, að ég héldi of marg-
ar ræður og talaði of oft til Revk
víkinga heldur en of sjaldan. Og
í málgögnum og á mannamótum
hef ég sem betur fer haft mjög
mörg tækifæri til að spjalla við
borgarbúa. En hitt er annað mál,
að slíkur vettvangur sem þessir
fundir hefur ekkí verið til stað
ar áður, og ég fagna því sérstak-
lega að þessi vettvangur er fyrir
hendi nú. Því miður kom mér
ekki í hug að framkvæma þá
hugmjtid, sem er undanfari
þessa fundar, fyrr en nú, en eft-
ir undirtektum borgarbúa vonast
ég til að framhald verði á slíkum
fundum og samtölum borgarbúa
og þeirra, sem málefni þeirra
fara með á hverjum tíma.
2. Hvers vegna þurfum við að
hafa Vetrarhjálp, þar sem allir
eru taldir hafa nóg í þessu b&jar
félagi?
Borgarstjóri: Þrátt fyrir okkar
velferðarríki, bættan efnahag og
velsæld alls almennings, þá er
ávallt svo, að einhverjir einstak
ir bæjarbúar eiga við skort að
stríða, tímabundna erfiðleika t.d.
vegna sjúkdóma. Vetrarhjálpin
er til þess að létta þessu fólki
skammdegið og gera því kleift
að gera sér til að mynda daga-
mun á hátiðum sem jólum.
3. Hvers vegna eykst drykkju-
skapur og afbrot unglinga í þess
um fyrirmyndarbæ?
Borgarstjóri: Þá er auðvitað
fyrst að rannsaka sannleiksgildi
forsendunnar, hvort um raun-
verulega aukningu þessara lasta
er að ræða og ég dreg það í efa.
Nokkur aukning sýnist koma
fram skv. skýrslu Barnaverndar
nefndar en fram er tekið um
leið, að sú aukning eigi rætur
sínar að rekja til þess að eftirlit
með unglingum hafi aukizt og
þess vegna meira komið fram af
þeim afbrotum, sem fyrir hendi
eru. En það er nú því miður
einu sinni skuggahliðin á borgar
lífi, að ýmis konar lausung og ó-
regla getur farið í vöxt, og það
er verkefni okkar með tómstunda
starfi unglinga, hollu námi og
góðum siðum að uppræta þessa
galla og ala upp hrausta og góða
æsku.
4. Hvenær verður Langholtsveg-
ur og Sundin fyrir neðan fær
gangandi fólki?
Borgarsjóri: Langholtsvegur
verður bættur nú á þessu sumri,
gangstéttagerð verður lokið og á
næsta sumri verður svo haldið
áfram við göturnar fyrir neðan.
Haraldur Þór Jónsson: Hvenær
má vænta þess, að herskálum og
öðru óhæfu húsnæði verði út-
rýmt?
Borgarstjóri: Núna munu vera
um eða innan við 30 íbúðir í her
skálum. Ég held, að þar búi um
ein eða tvær barnafjölskyldur.
Að öðru leyti er búið að útrýma
herskálaíbúðum úr borginni. En
ýmsir þeir íbúar, sem enn eru í
herskálum eru sjúklingar, fólk,
sem ekki hefur borið gæfu til
þess að eiga að öllu leyti sam-
leið með öðrum eða getað stað-
ið sig í lífsbaráttunni og ætti
þessvegna að eiga kost á hælis-
vist, en því miður er ekki um
nægilegt rými á slíkum stofnun-
um að ræða, og er því erfitt um
vik um útrýmingu síðustu íbúð-
anna.
2. Hvenær koma götuvitar við
Miklatorg?
Borgarstjóri: Ætlunin er að
breyta Miklatorgi í krossgötur,
og þá koma götuvitar við hana,
en ekki er ákveðið hvenær haf-
izt verður handa.
3. Hvað lengi á sóðaskapur kring
um nýbyggingar að viðgangast?
Borgarstjóri: Ekki lengur. Á-
herzla er lögð á bætta umgengni
við nýbyggingar. Byggingarfull-
trúi hefur hafið herferð til þess
að fá alla framkvæmdaaðila til
samstarfs við sig í þessu efni.
Helgi Þorláksson:
1. Svo sem kunnugir vita býr
Vogaskóli við mjög þröngan húsa
kost miðað við nemendafjölda,
sem nú er rösklega 1600, frá 1.
bekk barnastigs til gagnfræða-
prófs úr 10. bekk. Þessi merka
tilraun borgaryfirvalda um starf
rækslu slíks samfellds skóla hlýt
ur að heppnast miður en skyldi,
éf ekki er hægt að bæta sem
skjótast aðstöðu skólans. Mig
langar því að bera fram þessar
fyrirspurnir:
a) Hvenær má vænta þess að
fjórði áfangi skólabyggingarinn
ar, sem nú er fullteiknaður verði
reistur?
Borgarstjóri: Strax og teikn-
ingar og útboðslýsingar eru fyr
ir hendi, þá mun framkvæmdin
boðin út og framkvæmdir siðan
hefjast þegar tilboð hefur borizt
og samningar náðst.
b) Eru ekki möguleikar að stand
setja fyrir næsta skólaár knatt-
spyrnu- og leikvöll þann við
Skeiðarvog sem ætlaður mun
sem aðalleikvangur efri deilda
skólans?
Borgarstjóri: Ég tel möguleika
á þessu, eins og reyndar kom
fram í svari mínu við fyrirspurn
Erlings Gíslasonar hér fyrr á
fundinum, þar sem rætt var um
lagfæringu skól/óðarinnar að
öðru leyti en á því svæði, sem
nýja byggingin rís upp.
c) Má ekki vænta þess að
kennslusundlaug verði reist við
skólann, svo að sundkennsla geti
farið fram innan veggja þessa
skóla og jafnhliða orðið hverfis-
búum til nokkurra nota, t.d. að
sumri til svo sem sjálfsagt er
einnig um annað húsnæði skól-
ans og svæði þeirra.
Borgarstjóri: Ég vil nú fara
varlega í því að lofa nokkru í
þessum efnum, því að fram-
kvæmdin í sambandi við síðasta
, áfanga skólans er mjög mikiL
Þar mun vera um 15 þúsund rúm
metra byggingu að ræða, sem
mun kosta um 45 til 60 milljónir
króna, og ég tel það ekki raun-
hæft að lofa á þessu stigi ’jafn-
hliða eða bráðlega kennslusund-
laug við skólann.
d) Margt hefur verið vel gert
til fegrunar borginni á síðari ár-
um. Þó vantar eðlilega stórum á.
Vil ég hvorki saka né afsaka ein
stakling eða yfirvöld. í þessu
sambandi vil ég bera fram þess-
ar fyrirspurnir og ábendingar:
1. Er ekki auðið að malbika allar
götur þessa hverfis á þessu ári,
og einkum þær, sem liggja næst
skólum þess?
Borgarstjóri: Því miður verð
ég að svara því, að ekki e* unnt
Framhald á bls. 23