Morgunblaðið - 28.10.1966, Blaðsíða 10

MORCUNBLAÐIÐ
Fcstudagur 28. okt. 1966
H>
Bangsímon í Disney - útgáfu
Mindinni frábærlega tekið i Danmörku
EKKI er ýkjalangt síðan
framhaldssagan „Bangsímon"
var flutt í barnatímum út-
varpsins, og átti sagan mikl-
um vinsældum að fagna hjá
ungum og gömlum. Þessum
vinum Bangsímons má nú
benda á það að Walt Disney
hefur gert kvikmynd af ævin
týrum Bangsímons og vina
hans, og er þegar farið að
sýna mynndina í Danmörku,
svo þess er væntanlega ekki
langt að bíða að hún komi
hingað. ,
í Kaupmannahafnarblaðinu
Ekstra Bladet frá 18. þessa
mánaðar rákumst við á frá-
sögn af myndinni ásamt með
fylgjandi myndum. I>að er
Bent Grasten, sem skrifar
greinina og spáir hann því
í íormála, að myndin verði
sýnd ár eftir ár, þvi „Bangsí
Asninn skoðar á sér nýja taglið.

Kaninka horfir örvæntingar full á Bangsímon þar sem hann
situr fastur í útidyrunum eftir að hafa borðað of mikið.
mon á hunangsveiðum" sé
mynd fyrir alla á aldrinum
frá fimm til 105 ára.
Fer hér á eftir útdráttur
úr umsögn Gastens um mynd
ina: Það er ef til vill skil-
yrði fyrir því að falla fyrir
myndinni að kunna að meta
höfundinn, A.A. Milne og bæk
ur hans um Bangsímon og
vini hans Asnann, Grislíng-
inn og alla hina. En samx
munu þeir, sem ekkert
þekkja til, strax falla fyrir
teiknimyndaútgáfu Walt Dis-
neys.
Walt Disney fór illa út úr
því fyrir nokkrum árum þeg
inum. Og Bangsímon er
bangsi, sem tilbiður hunang.
ar hann gerði teiknimyndina
„Lísa í Undralandi", byggða
á sögu Lewis Carrols. Eftir
því sem bezt er vitað, átti
Bangsímon-myndin einmg að
vera hálfs annars tíma mynd,
en Disney hefur auðsjáanlega
skipt um skoðun og álitið að
ekki væri unnt að halda þræð
inum. Ef til vill hefur hann
á réttu að standa. Að minnsta
kosti er sagan um hunangs-
veiðar Bangsímons vel sögð
saga í myndinni, þótt hún
taki ekki nema hálfa klukku
stund. Til að fylla sýningar-
tímann eru sýndar þrjár smá
myndir frá Walt Disney um
Ohip og Chap.
Teiknarar Disneys og leik-
stjórinn, Wolfgang Reither-
mann, hafa haft heppnma
með sér, þvi þegar ný-
klassískt efni eins og Bangsí
mon er tekið til meðferðar,
verður að taka tillit til anda
bókarinnar, ekki aðeins bók-
stafsins. Þetta hefur tekizt
Bangsímon fastur í útidyrunum hjá Kaninku meðan Jakob
reynir að hughreyta hann. reynir að hughreyta hann.
ótrúlega vel.
Jafnvel sá, sem eins og ég
hefur innilega, hjartanlega
og í mörg ár hefur þekkt
Bangsímon og vini hans, lítur
myndina á kvikmyndatjald-
inu sem kraftaverk, það er
að segja tækifæri til að sjá
þessa vini, sem hann hefur
lesið um. Reithmann hefur
mikla hæfileika. Hann skilur
börn og dýr. Hann heillar þau
eins og beztu trúðar fjölleika-
húsanna gera. Hann elskar
þessar miklu ástríður, sem
enn hafa ekki umsnúið heim-
Sú tilbeiðsla gerir hann hug-
kvæman, tilfinninganæman
og ókurteisan! Þessvegna
komst hann í vandræði þegar
hann ætlaði að fara frá Kan-
inku eftir að hafa borðað
allt, sem heima hjá henni var
að finna.
Disney hefur sennilega
fundið gull með gerð Bangsí-
mon-myndarinnar. Það bezta
fyrir hann væri að búta bæk-
urnar niður í smá kafla, svo
við fáum alla söguna. Og þeg-
ar því lýkur má hann gjarna
skálda nýjar sögur, því
Dtsney á meira sameiginlegt
með Milne, en með Lewis
Carrol. Þetta var falleg, stutt
mynd. Þetta var prýðis dagur,
Gríslingur!
Um heilagar kýr
f GREIN frá AP um Indland sem
birt er í Morgunblaðinu í dafi er
eftirfarandi málsgrein um heil-
agar kýr:
„(Á Indlandi er einnig stærsta
nautgripahjörð heims — um 250
milljónir dýra. En kýrin er
heilög, svo ekkert af þessum
gífurlega forða eggjahvítuefna
kemst á matborð Indverja þótt
þörfin sé brýn. Sannieikurinn er
sá að svo mikið er af nautgrip-
um og svo lítið fóður að mjólkur
framleiðsla er engin. Sú mjólk
sem er í boði er of dýr fyrir
fátækan almúgannV*.
Hér er um málið rætt af mik-
illi vanþekkingu. Svo er að sjá
sem greinarhöfundur telji að á
Indlandi séu 250 mílljónir heil-
agra kúa, af því að kýrin sé
heilög og af því að nautgripa-
eign landsmanna sé 250 milljón-
ir. En þetta er allt rangt. Naut-
gripaeign Indverja er sennilega
ekki nema 210-220 milljónir, vel
í lagt, og því fer fjarri að þetta
séu allt heilagar kýr. í þessari
tölu eru böfflar (vatnsböfflar)
sem skipta tugum milljóna og
ýmsar aðrar tegundir naut.a, sem
ekki eru heilög fremur en hund-
ar og kettir. Hin eiginlega heil-
aga kýr er stórvaxna gráa ind-
verska kýrin sem hefur fituhúð
á herðakampinum, en heilag-
Jeikinn næir þó til nokkurra
annarra kúategunda sem aðal-
lega eru hafðar til mjólkur-
framleiðslu.
Það er líka rangt að mjólkur-
framleiðsla sé engin. Kýr eru
ekki hafðar til annars í þorpun-
um en gefa af sér mjólk, og það
er algeng sjón í kvöldkyrrðinni
í sveitunum að sjá menn sitja
undir kúm sínum og mjólka þær.
Smjörið er oft selt, en undan-
rennan drukkin heima. Hins
hefði greinarhöfundur mátt get.a,
að á síðustu áratugum hafa ver-
ið settar upp kúaræktarstöðvar
til mjólkurframleiðslu. einkum í
Uttar Pradesh, undir vísinda-
legu eftirliti og við mikinn
strangleika um heilbrigði og
hreinlæti. Það eru afurðir þess-
ara stöðva sem fátækur aimúginn
getur ekki keypt.
Það er rétt að milljónir naut-
gripa er mikill forði eggjahvítu-
efnis. En hvort fólki yrðí gott af
að leggja sér þann forða til
munns er annað mál. Húsdýra-
rækt til kjötframleiðslu er ekki
einfalt mál í hitabeltinu. Flest
dýr sýkjast af einhverjum vara-
sömum snýkjukvíkindum, og án
vísindalegs eftirlits er kjöt ind-
verskra nautgripa alls ekki
mannamatur. Indverjar sem
neyta dýrafæðu og hvers sem er
á Vesturlöndum láta margir
kjöt ekki inn fyrir sínar varir í
heimalandi sínu einvörðungu af
þrifnaðarástæðum.
Helgi kýrinnar er upprunnin
í 3000 ára gömlu lagaboði til
verndar mjólkurkúastofninum.
Sums staðar á landinu er mikiil
fjöldi umhirðulausara kúa sem
ekki er lógað vegna þessarar
gömlu trúar, en til eru líka stað-
ir, eins og Madrasborg þar sem
slík gamaldags vanhirða er al-
gerlega bönnuð. Því ekki að geta
þess líka?
Greinarhöfundur sendir rit-
smíð sína frá Nýju Delhi, en
fróðleik sinn um landið virðist
hann hafa úr bókum fremur en
af sjón og raun, að undanskxl-
inni frásögninni um starfsmann-
inn í tékkneska sendiráðinu. Ég
bið forláts á því að vera með
getsakir. En ég pekki þess mörg
dæmi að Vesturlandamenn sem
um þessar slóðir ferðast konia
varla út fyrir hótelin sem þeir
búa í og hafa aldrei dvalizt dag-
langt í indversku þorpi. Þeir
hafa lítið samband við aðra en
embættismenn og vestrænt fólk
sem setzt hefur að eystra, iíður
illa úti I hitanum og fásinninu
þar sem vestræn þægindx og
kæld húsakynni eru ekki til,
skilja ekki hinn indverska hugs
unarhátt til þess að geta haft
fullt gagn af viðtali við almxiga-
mann, og koma svo til baka litlu
fróðari en þeir foru.
Reykjavík, 26.10. 1060.
Sigvaldi Hjálmarsson.
HURÐIR
skipta miklu máli í nutímaibuðinni. Við notum
ekki lengur þær gerðir sem sýndar eru á mynd-
unum fyrir ofan. í fyrsta flokks íbúð þarf fyrsta
f'lokks hurðir. Þessvegna viljum við hér með
benda húsbyggjendum á danskar harðviðar inni-
hurðir (komplet), sem við getum afgreitt með
mjög stuttum fyrirvara. Verðið er einkar hag-
stætt. Við bjóðum húsbyggjendum að líta á sýn-
ishorn af þessari dönsku úrvalsvöru á skrif-
stofu okkar.
Birgir Arnason heildverzlun
Hallveigarstíg 10. — Sími 14850.