Morgunblaðið - 21.07.1967, Blaðsíða 10
10
MCRGUNBLAÐIÐ, FÖSTUDAGUR 21. JULÍ 1967
Frá svifflugmotinu að Hellu
Gísli Sigurðsson, starfsmaður
Sviffiugfélags íslands, var í
stöðugu sambandi við kepp-
endur. Gísli er eini starfandi
svifflugusmiðurinn hér á iandi
og nam þá iðn í Þýzkalandi.
Sverrir Þorláksson var mjög hreykinn af skeggi sínu, sem fé-
lagar hans köiiuðu Balboskegg. Ilér er Lúðvík Karlsson að
mæla skeggið, sem reyndist rúmur '/i cm.
SVIFFLUGMAÐURINN verður
algjörlega að treysta á upp-
streymið. Hann getur ekki knúð
sviffluguna hærra án aukins
uppstreymis og sé það alls ekki
fyrir hendi, verður hann að
lenda, hvar sem hann er stadd-
ur. Svifflugið er því öðrum
þræði íþrótt, skemmtileg íþrótt,
sem býður upp á mikla spennu
og krefst áræðis og leikni.
Austur á Hellu stendur nú yf-
ir þriðja Svifflugmót Flugmála-
félags íslands. Mbl. brá sér aust-
ur að Hellu í gær og hitti þar
að máli Ásbjörn Magnússon,
mótsstjóra, og suma keppend-
urna. Þegar okkur bar þar að
var Ásbjörn að sýna keppend-
um, hvar uppstreymi væri helzt
að finna og einn hafði á orði —
að ef hann fyndi ekki upp-
streymi, þar sem Ásbjörn segði
að það væri, þá skyldi hann
lúberja Ásbjörn, þegar hann
væri lentur aftur. En þetta voru
aðeins orðin tóm, því allt fór
þama fram í mestu vinsemd og
skeggræddu keppendur og móts-
stjóri skilyrðin sín í miili í
mesta bróðemi.
Við báðum nú Ásbjörn að
segja okkur dálítið um tilhögun
mótsins.
— Já, við komum hingað á
laugardaginn, sagði Ásbjörn, —
en þegar til kom reyndist hann
ekki hæfur keppnisdagur og
hófst því keppnin sjálf ekki fyrr
en á sunnudag. Síðan hefur gef-
ið í loftið á hverjum degi en til
þess að mótið sé löglegt á alþjóða
mælikvarða þurfa gildir keppnis
dagar minnst að vera fjórir en
geta verið fleiri. Þó verður
keppnisdagafjöldinn alltaf að
vera slétt tala, því aðeins helm-
--------------------------------------—---------------------
Svifflugmót Flugmálafélags Ifslands 1967.
Laugardagur:
Ógildur.
Sunnudagur:
Flugleiðin Hella — Búrfell í Grímsnesi — Skálholt — Hella.
Vegalengd: 97 km. — Sigurvegari dagsins: Sverrir Þorláks-
son, sem sveif 69 km.
Mánudagur:
Flugleiðin Hella — Stórólfs'hvoll — Hella — Laugarvatn —
Hella. Vegalengd: 114 km. — Sigurvegari dagsins: Lúðvík
Karlsson, sem sveif tæpa 70 km.
Þiðjudagur:
Flugleiðin Hella — Keldur — Hella — Sogsbrú — Hella.
Vegalengd: 94,4 km. — Þennan dag tókst sveim keppend-
um að svífa alla leið. Sigurvegari dagsins varð Þórhallur
Filippusson, en meðalhraði hans var 41 km. Annar varð
Leifur Magnússon með meðalihraðann 33 km.
Miðvikudagur:
Ógildur.
Stigthæstur einstaklinga Aú er Þórhallur Filipusson, með
1200 stig.
. _ ----4-----
Núverandi fslandsmeistari í svifflugi er Sverrir Þór-
oddsson.
íslandsmet í hraðsvifi á Leifur Magnússon, meðalhraði
52 km, sett á svifflugmóti í fyrra.
íslandsmet í langsvifi á Þórhallur Filipusson, 447 km,
sett á Heimsmeiataramótinu í Köln 1960.
Árni Guðmundsson frá Múlakoti dró svifflugurnar i 600 m hæð
með Fleet-tvíþekju frá 1940. Hér er Árni að lenda og sviffluga
bíður tilbúin.
ingur keppenda flýgur dag
hvern.
— í hverju er keppnim fólgin?
— Á hverjum morgni ákveð-
ur mótsstjórn verkefni dagsins.
Er það valið með hliðsjón af lík-
legu uppstreymi og fleiru, sem
þarna spilar inn í. Venjulega er
valin þríhyrningsl'aga flugleið og
verða keppendur að sanna svif
sitt yfir pddastöðunum með ljós-
myndum, sem þeir taka á Pola-
roid-ljósmyndavélar. Nú, sigur-
vegari dagsins er svo sá, sem
lengst kemst og ef einlhverjir
komast alla leið, ræður meðal-
hnaðinn úrslitunum. Síða.n eru
gefin 1000 stig fyrir beztan ár-
angur hvers dags en aðrir kepp-
endur fá stig í samræmi við sinn
árangur. Sigurvegari mótsins er
svo sá, sem flest stigin hlýtur
saroanlagt eftir alla keppnisdag-
ana.
— Hvernig eru skilyrðin í dag
til svifflugs?
— Þau eru nú ekki nógu góð.
Uppstreymið er hverfult og það
er vont að hitta á það staðbund-
ið. Ég er hræddur um, að þessi
dagur verði ógildur hjá okkur.
— Hvað þarf til svo að keppn-
isdagur teljist gildur?
— Þá þurfa tveir keppendur
að svífa minnst 25 km hvor.
Hver keppandi fær þrjú flugtök
sinn keppnisdag svo það er mik-
ið reynt, þó tilskilinn árangur
náist ekki alltaf.
— Hvað eru margir keppend-
ur hér nú?
— Þeir eru sex, allt Reykvík-
ingar. Við 'buðum Akureyring-
um að taka þátt en þeir eiga
eina svifflugu, sem er lögleg í
móti sem þessu. Því miður sáu
þeir sér ekki fært að koma. Þeir,
sem keppa hér eru: Lúðvík
Karlsson, Sverrir Þorláksson,
Leifur Magnússon, Þónhallur
Fiilippu'sson, Þórður Hafliðason
og Þórmundur Sigurbjarnarson.
— Og svifflugið er vinsælt?
— Já, mjög svo. Þetta er stór-
skemmtileg íþrótt, sem á sér
dyggan og ört vaxandi fylgjenda
hóp.
Ásbjöm Magnússon, móttstjóri, bendir Lúðvík Karlssyni á,
hvar heppilegt uppstreymi sé að finna. Þórhallur Filiupusson
hlustar á.