Morgunblaðið - 21.07.1967, Blaðsíða 21

MCRGUNBLAÐIÐ, FÖSTUDAGUR 21. JÚLÍ 1967
21
- ERLENT YFIRLIT
Framhald af bls. 12
Á fundi leiðtoga sjö kommún-
istalanda í Búdapest í síðustu
viku var lýst yfir stuðningi við
kröfu Araba um, að ísraelsmenn
flytji burt herlið sitt af herteknu
svæðunum og þeim verði gert
að greiða skaðabætur fyrir það
tjón, sem þeir ollu í styrjöldinni
í júní. Ennfremur var ákveðið
að samtæma stuðning austan-
tjaldsríkjanna við Araba, en
Rúmenar sóttu ekki fundinn.
Hin efnahagslega aðstoð á að
efla landbúnað og iðnað í þeim
löndum, sem orðið hafa fyrir
„árás heimsvaldasinna“, efla á
varnarmáltt þeirra, og ennfrem-
ut á að skipuleggja samvinnu á
sviði efnahagsmála við Araba-
löndin til langs tíma.
Arabar aðeins
sammála um eitt
Lítið hefur frétzt af viðræð-
um leiðtoga Arabaríkjanna í
Kaíró, en þeir virðast vera sam-
mála um það eitt, að beinar
friðarviðræður við ísrael komi
ekki til mála.
Fundinn sitja leiðtogar Alsírs,
íraks, Sýrlands, Egyptalands
og Súdans, og allra þeirra
ríkja sem taka m.unu beinan þátt
í nýrri styrjöld við ísrael, ef til
hennar kæmi. Átta Arabaríki
hafa ekki sent fulltrúa á fund-
inn, og vekur fjarvera Líbýu-
manna, Kuwaitbúa og Saudi-
Ara'bíumanan mesta athygli, en
styrkur þessara þjóða er ekki
fólginn í hernaðarmætti heldur
fjármunum,
Súdansstjórn hefur hvatt til
þess, að æðstu menn allra Araba
ríkjanna 13 haldi með sér ráð-
stefnu, og styðja Egyptar þessar
tilraunir Súdans, þar sem þeir
telja að andúð Araba í garð
Vesturveldanna eigi sér djúpar
rætur. Þá hefur það ýtt undir
þessa viðleitni, að fundir Alls-
herjarþingsins um ástandið í
Austurlöndum nær hafa engan
árangur borið og að Austur-
Evrópuríkin hafa til .þessa staðið
við orð sín og halda áfram að
styðja Araba á borði en ekki að-
eins í orði. Nú seinast hafa 12
sovézk herskip komið til Alex-
andrínu og Port Said.
Allt gerir þetta það að verk-
um, að stjórnir Arabalandanna
eiga erfitt með að láta vinsamleg
orð falla í garð Vesturveldanna,
hvað þá meira. Jafnvel Marokkó
er ekki nógu afskekkt til þess
að láta deilumálin sig engu
skipta, og sést það á því að verka
lýðsfélög í landinu hafa kornið
stjórninni í bobba með ásökun-
um tim, að hún sé ekki nógu
skelegg í afstöðunni gegn ísra-
elsmönnum.
Egyptum er mikið í mun að
brennimerkja Saudi-Arabíu-
stjórn fyrir tillögu hennar um,
að Arabar hefji að nýju olíu-
flutninga til Bandaríkjanna og
ÍBretlands á þeirri forsendu, að
olíu'bannið á þessi ríki bitni síð-
ur á þeim en Aröbum sjálfum. í
síðustu viku tilkynntu Bretar,
að viðskiptajöfnuðurinn hefði
versnað, og í Kaíró var þessari
tilkynningu tekið með miklum
fögnuði, þar sem hún var talin
sanna, að olíubannið hafi áhrif.
Nú eru Saudi-Arabíumenn sak-
aðir um að reyna að skerast úr
leik, einmitt þegar áhrif við-
skiptabannsins séu farin að
segja til sín. Kairóblaðið „Ai
Akhbar“ segir, að brezka stjórn-
in muni fresta fyrirhugaðri
benzínskömmtun, þar sem vofl
sé á olíu frá Saudi-Arabíu bráð-
lega.
En þótt flest Arabaríkin séu
sammála um, að halda verði olíu
banhinu áfram, hvort sem þeim
líkar það betur eða verr, að
minnsta kosti meðan Súezskurð-
urinn er lokaður, þá eru þeir
ósammála um stefnuna í hermál-
um, en það stafar af því, hve að-
staða þeirra er ólík á þessu
sviði.
Alsírski forsætisráðherrann,
Boumedienne ofursti, segir að
eina leiðin sé að halda áfram
baráttunni hvað sem það kost-
ar, og enginn vafi leikur á því,
að honum er fúlasta alvara. Til-
laga hans er sem hér segir: Lát-
um ísraelsmenn taka Kaíró og
Damaskus. Hersveitir þeirra
verða svo fjarri bækistöðvum
sínum og samgöngur þeirra svo
erfiðar, að skæruliðar Araba
eiga auðveldan leik.
Frá herfræðilegu sjónarmiði
er þessi tillaga ekki út í bláinn.
Styrkur Araba er í því fólginn,
að þeir eru fjölmennari en ísra-
elsmenn, og þess vegna ætti bar-
áttuaðferð þeirra að vera. sú, að
láta ísraelsmenn þenja sig yfir
sem víðáttumest svæði, svo að
þeim reynist örðugt að halda
því. Hitt er svo annað mál, hvort
Arabar búi yfir nógu miklu út-
haldi til þess að geta farið að
dæmi Vietcong og annarra frá-
bærra skæruliða.
Hvað sem því líður væru slík-
ar baráttuaðferðir óhugsandi án
eindregins stuðnings egypzku
stjórnarinnar og hersins. En eins
og nú standa sakir bendir allt
til þess, að Nasser forseti hygg-
ist fyrst neyta allra stjórnmála-
legra ráða til þess að afla sér
stuðnings almenningsálitsins í
heiminum í þeim tilgangi að
knýja ísraelsmenn til undan-
halds. En hann er sérfræðingur
á þessu sviði og með langa og
góða reynslu að baki.
Óeirðir - - - en
hvers vegna?
Stöðugar óeirðir hafa geisað í
Hongkong, en enn er ekki með
öllu ljóst hvað býr á bak við
óeirðirnar. Maosinnaðir verka-
lýðsforingjar og flutningaverka-
menn virðast hafa staðið fyrir
óeirðunum, en erfitt er að sjá
hvaða hag Pekingstjórnin hefur
af því sem stendur, að skipta
sér af innanríkismálum nýlend-
unnar og 'baka kínverkum borg-
urum erfiðleika.
Fyrir skömmu lögðust flutn-
ingar frá meginlandinu til ný-
lendunnar niður, en í Ijós kom
að vörurnar, sem hér um ræðir,
— kjöt, grænmeti, ávextir og
önnur matvæli — höfðu verið
fluttar að landamærunum, en
lengra komust þær ekki, þvi að
flutningaverkamenn í nýlend-
unni sjálfri höfðu gert verkfall
og komu í veg fyrir alla aðflutn-
inga.
Kinverjar hafa skuldbundið
sig til að sjá Hongkongbúum
fyrir vatni, og samkvæmt samn-
ingi er ákveðið hve mikið magn
hér er um að ræða, og til hve
langs tíma, svo og gjald það sem
stjórnin í Hongkong skuli greiða
fyrir vatnið. Nýlendustjórnin
bað um meira vatn, en beiðn-
inni var hafnað. Kínverjar hafa
í raun og veru staðið við sinn
hluta samningsins og hafa sjálf-
ir mikla þörf á vatni vegna
mikilla þurrka. Vatnsskömmtun
hefur verið innleidd í Hong-
kong, og bitnar það mest á hin-
um venjulega borgara, en form-
lega séð að minnsta kosti hafa
Kínverjar hreina samvizku.
Ofsalegar óeirðir hafa geisað
í hverfinu Kowloon, það er
þeim hluta Hongkongs, sem er á
meginlandinu, og í námunda við
landamærin, sem eru 30 km.
löng. Á einum stað liggja landa-
mærin þvert yfir götu í bæ
nokkrum. Þar hafa 3.000 óeirða-
seggir frá Kína farið yfir landa-
mærin, og voru einkennisklædd-
ir unglingar úr hjálparsveitum
hersins í broddi fylkingar.
Hleypt var af skotum, og marg-
ir f'éllu eða særðust. Brezkir
lögreglumenn (Kínverjar) og
brezkir hermenn (Gúrkhar)
ráku óeirðaseggina burtu. Stjórn
irnar í London og Peking skipt-
ust á mótmælaorðsendingum.
Borgarstjórnin í Hongkong
•hefur látið gera áhlaup á aðal-
stöðvar sambands flutninga-
verkamanna í þeim tilgangi að
freista þess að koma aftur á lög-
um og reglu. Rúmlega 80 for-
ingjar verkamanna voru hand-
teknir, og fjöldi vopna af ýms-
til að kasta á lögreglumenn í
götuóeirðum.
En það eru ekki flutninga-
verkamenn einir, sem standa
fyrir óeirðunum. Gert er ráð
fyrir, að ýmsar klíkur kommún-
ista, sem eiga í innbyrðis deilum,
eigi hér hlut að máli og þær
framfylgi ekki allar fyrirskipun-
um frá Peking. Þetta gæti verið
skýringin á hinum mikla glund-
roða, sem er ríkjandi.
Á ári hverju hagnast Kínverj-
ar urn 500 milljónir dollara af
viðskiptum sínum við Hong-
kong, og þeir geta ekki án þessa
harða gjaldeyris verið, til dæmis
til þess að kaúpa aukabirgðir af
korni erlendis frá, þegar upp-
skera bregst. Hongkong hefur
verið kölluð rifan á bambus-
tjaldinu. Ef kaupsýslumenn yfir
gefa Hongkong vegna ótryggs
vinnufriðar, mun það bitna á
um gerðum voru gerð upptæk,
meðal annars sýra, sem notuð er
Kínverjum ekki síður en íbú-
um nýlendunnar og Bretum.
Þrjú milljónir
pundn
í tryggingu
London,.19. júlí (NTB)
FULLTRÚAR eigenda olíuflutn-
ingaskipsins „Torrey Canyon“ —
risaskipsins sem olli því, að
beztu baðstrendur Englands
urðu fyrir miklum skemmdum
vegna fljótandi olíu fyrr á þessu
ári — lögðu í dag fram þrjár
milljónir sterlingspunda í trygg
ingu til að losa systurskip
Torrey Canyon úr haldi í Singa-
pore. __
Brezka stjórnin hefur krafið
eigendur Torrey Canyon um
skaðabætur vegna olíuskemmda
á ströndum Englands, en eigend
urnir, Barracuda Tanker Corpor-
ation, ekki orðið við kröfunni.
Þegar svo systurskip Torrey
Canyon kom til Singapore fyrir
helgina, fóru brezk yfirvöld
fram á það við stjórnina þar, að
skipið yrði kyrrsett. Urðu yfir-
völdin við þeirri beiðni á laug-
ardag.
Tryggingarféð var greitt í
London í dag, og verður því hald
ið þar til samningar hafa náðst
milli brezku stjórnarinnar og út
gerðarfélagsins, eða dómur ver-
ið kveðinn upp um skaðabætur.
• Asparagus
• Oxtail
• Mushroom
• Tomato
• Pea with Smokccl Ham
• Chicken Noodle
• Cream of Chicken
• Veal
• Egg Macaroni Shells
• llVegetables
• 4Seasons
• Spring Vegetable
Bragðið leynir sér ekki
MAGGI súpurnar frá Sviss
eru hreint afbragð
MAGGI súpurnar frá Sviss eru búnar til eftir upp-
skriftum frægra matreiðslumanna á meginlandinu,
og tilreiddar af beztu svissneskum kokkum. Það er
einfalt að búa þær til, og þær eru dásamaðar a£
allri fjölskyldunni. Reynið strax í dag eina af hinum
átján fáanlegu tegundum.
MAGGI
SÚPUR
FRÁ
SVISS
#