Morgunblaðið - 29.07.1967, Blaðsíða 16
16
MORGUNBLAÐIÐ, LAUGARDAGUR 29. JULI 1907
LOKAÐ
vegna sumarleyfa til 25. ágúst.
ÁGÚST ÁRMANN H.F., Sími 22100.
Kristmann Guðmundsson skrifar um:
Danskarbækur
Byggingarlóðir við Miðbæinn
Tvær byggíngarlóðir í rólegu hverfi við Miðbæinn
til sölu. Þeir, sem áhuga hafa á kaupum umræddra
lóða leggi nöfn sín á afgreiðslu blaðsins merkt:
„Góðar byggingarlóðir 5530“ fyrir 1. ágúst næst-
komandi.
Pening
amenn
Húseign til sölu í útjaðri Hafnarfjarðar, skammt
frá sjónum. Kjörið fyrir þá sem leita hvíldar og
friðar. Upplýsingar í síma 51558.
Sími 14226
Til sölu er Hafnarvík í Grindavík. Grunnplata 510
fermetrar á 3.800 ferm. lóð við nýju höfnina. Út-
lits- og járnateikningar fylgja, og verkfræðiteikn-
ingar. Upplýsingar hjá Helga Vigfússyni í síma
8106, Grindavík og Kristjáni Eiríkssyni, Lauga-
vegi 27, sími 14226.
BRONCO
árgangur 1966, ekinn um 7 þús. km., með driflok-
um. Bíllinn er í ágætu ástandi og klæddur að
innan, með sæti aftur í og sæti á milli framsæta.
Sem sagt nýr bíll. Tilboð sendist í pósthólf 502.
Áskilinn er réttur til að taka hvaða tilboði sem
er, eða hafna öllum.
KARL BJARNHOF hefur nú
alls gefið út ellefu bækur, og
hafa að minnsta kosti tvær
þeirra hlotið mikla frægð, bæði
í heimalandi hans og erlendis:
„Fölna stjörnur" og „Ljósið
góða“, sem báðar hafa komið út
í íslenzkri þýðingu hjá Almenna
Bókafélaginu. Nýjasta bók hans
er „Æsops betroelser“ (Danska
Gyldendal), harla nýstárleg bók
og skemmtileg, þótt hún risti
kannski ekki djúpt sem skáld-
verk.
Bjarnhof er blindur, eins og
kunnugt er, og hefur sér til að-
stoðar einn ágætan hund, sem er
sérstaklega þjálfaður til að leiða
blinda menn um göturnar og
varna þeim frá voða. Slíkar
skepnur eru auðvitað mestu kon
ungsgersemi, en ekki veit ég til
að neinn þeirra hafi skrifað ævi-
sögu sína, fyrri en þá nú að
Bjarnhof færir í letur líf og við-
horf hundsins síns, er heitir
Æsop. Og aðalverðmæti þessarar
bókar er einmitt það, hversu vel
höfundinum tekst að setja sig í
spor dýrsins og láta lesandann
trúa á lýsinguna af veröld hans.
Margir hafa gert góðar hunda-
sögur, þar á meðal Jack London,
en þessi er nokkuð sérstök í
sinni röð. Hún er vel og létti-
lega skrifuð, stíll og frásögn
næsta ólík ævisögubókunum,
enda bersýnilega ekki ætlun
höfundarins að róa á sálarleg
djúpmið. Grunntónninn er gam-
ansemi, með ívafi alvöru og lífs-
speki ;eins og menn tala um
hundinn sinn, ræðir Æsop um
manneskjuna sína, og þetta gef-
ur Bjarnhof ágætt tækifæri til
að skopast að sjálfum sér og göll
um sínum, en jafnframt að gera
hlut hundsins stórann, gera
seppa að forvitnilegri persónu.
Og um leið fær lesandinn að
vita sitt af hverju um drenginn
og unglinginn, sem lýst var í
ævisögunni — hvernig hugarfar
NITTO
Hinir eftirsóttu japönsku hjólbarðar
Eigendur vörubifreiða athugið:
Afturdekkin NT-69 E hafa nú verið stórlega endurbætt, að því
er snertir þykkt slitflatar og endingu, án þess þó að nein
verðhækkun hafi orðið. Sams konar endurbætur hafa verið
gerðar á NITO NT-510 framdekkjunum án verðhækkunar.
Verkstæðið opið alla daga kl. 7.30 til 22.
Sendum um allt land.
Gúmmívinnufatastofan hf.
Skipholti 35, Reykjavík. — Sími 31055.
hans og viðhorf til lífsins er orð
ið á fullorðinsaldri.
Við vitum að honum vegnaði
framar öllum vonum, að hann
varð heimskunnur rithöfundur,
og að hann varð á ýmsan annan
hátt liðtækur í bezta lagi í „ver-
öld þeirra sem sjónina hafa“.
Einnig af þeim ástæðum er gam
an að lesa þessa bók. Það er
hægt að lesa á milli línanna að
hún er skrifuð af manni, sem er
ánægður með líf sitt og nýtúr
þess, þrátt fyrir þá miklu harm
sögu sem skráð er í minninga-
bókunum. Æsop hefur að vísu
ýmislegt út á manneskjuna sína
að setja, og lesandinn skilur of-
boð vel hvað því veldur hverju
sinni, en þegar öllu er á botn-
inn hvolft er einnig hann ánægð
ur með líf sitt og nýtur þess all
vel. Snjöll og trúverðug er ást-
arsaga hundsins, og meistara-
höndum farið um tilfinningalíf
skepnunnar á því sviði — en
hundar, er slíka þjálfun hafa
hlotið, eru vanaðir. Hvutti hef-
ur því litla gleði af ástum sín-
um, en hinni angursáru hrifn-
ingu hans af kvendýrinu er frá-
bærlega lýst.
Bókin er ekki stórverk, en
hún er skrifuð af mikilli leikni,
og heldur athygli lesandans vak
andi frá byrjun til enda.
Dorrit Willumsen heitir ung,
dönsk skáldkona, er áður hefur
gefið út smásagnasafn, sem gerði
nafn hennar dálítið kunnugt,
Nýja bókin hennar nefnist
„Stranden", (Danska Gylden-
dal), meðalstór skáldsaga, er
fjallar um mann, sem er á flótta
undan hversdagsleikanum og
leiðinlegu hjónabandi. Þetta er
talsvert nýtízkuleg bók, og dá-
lítið þokukennd á köflum, erfitt
að átta sig á sumum greinum,
en annar marg vel um hana. Les
andinn skynjar lífsleiða og and-
lega fátækt aðalpersónunnar, og
hann grunar að konan hans hafi
ekki verið sérlega skemmtileg,
enda bersýnilega ílla gift. Höf-
undur er allgott skáld og þótt
hún ráði ekki fullkomlega við
það form er hún hefur valið sér,
er - verk hennar forvitnilegt og
heildarútkoman góð. Skáldkon-
an sýnir til dæmis með ágætum
tilgangsleysi þess að flýja sjálf-
an sig, á þann hátt að skifta um
ytra umhverfi. Aðalpersónan er
komin á suðræna sólarströnd og
reynir að njóta þar lífsins og
losna úr þeim fangahlekkjum,
er honum finnst að hann beri.
En gamla umhverfið er enn
innra með honum, hann er enn
þræll síns hversdagsleika, og
konan hans er honum enn jafn
örðug, þótt leiðir líkama þeirra
séu skildar. Þetta sýnir og skýr-
ir höfundur á trúverðugan hátt
— lýsingarnar minna lesandann
ósjaldan á flugugrei, sem hefur
fest lappirnar á límpappír og
reynir af veikum mætti að losa
sig. Persónan er lítill karl, smá-
menni á alla lund, en barátta
hans er ekki síður raunveruleg
fyrir það, og mannlýsingin oft
forláta góð. Það er erfitt að lýsa
svona aumingja og linkuræfli,
svo að úr verði manneskja, er
lesandinn skilur og tekur trúan-
lega, en höfundur hreinsar sig
af því. Lesandinn kynnist smám
saman forsögu mannsins, og sam
ræming hennar við viðbrögð
hans gegn hinu nýja umhverfi
er prýði leg vinnubrögð. Sál-
fræðileg rannsókn bókarinnar er
forvitnileg, stundum hæpin, en
oftar góð. Hinu er svo ekki að
leyna, að sagan er með köflum
kyrrstæð, og umhverfislýsingar
höfundar í daufara lagi. En
hreinlega er gengið til verks,
bókin er blessunarlega laus við
allan óþverra. Þetta er heiðar-
legur og allvel unninn skáld-
skapur.
„Den blinde vej“, eftir Hans
Lyngby Jepsen, (Danska Gyld-
endal), er ein af beztu sögunum
er nýlega 'hafa borizt mér til um
sagnar frá Danmörku. Hún fjall-
ar um flakkara og drykkjusjúkl
inga af samúð og skilningi, þekk
ingu og innlifun, sem gerir les-
andanum líf og aðstæður þessa
fólks svo nærkomið, að við ligg-
ur að honum finnist að hann hafi
reynt þetta allt sjálfur.
Aðalpersónurnar eru Harry,
sem dregur hverfisteininn sinn
um þjóðvegi Danmerkur og brýn
ir hnífa bændanna, gegn vægu
gjaldi. Honum fylgir konan
Kamma, er lifir fyrir það eitt að
ná sér í hæfilegan skammt af
menguðum vínanda á degi hverj
um. Þau eru elskendur og hafa
fylgst að í mörg ár. Að vísu er
nú lítið eftir af ástinni, sem
aldrei hefur verið mikil, en eitt
sinn hittust þau þó um vor og
áttu saman sælar stundir. Við
kynnumst þeim á leiðinlegum
rigningardegi; haustið er að
nálgast, allt er blautt og hrá-
slagalegt, vegirnir og skógarnir,
vatnið drýpur af laufi trjánna.
Það líður að kvöldi og þau leita
sér náttstaðar á bæ einum, þ.e.
leyfi til að liggja í hlöðu bónd-
ans og sofa úr sér þreytu og
mæðu dagsins. Kamma er
Flyt lækningastofu inína
í Domus Medica 1. ágúst næstkomandi.
Viðtalstími óbreyttur, sími 19120.
Snorri Jónsson, læknir.
Verzlunarpláss
Höfum til sölu 75 ferm. verzlunarpláss í góðu stein-
húsi við Njálsgötu.
Málflutnings og fasteignastofa,
Agnar Gústafsson, hrl., Björn Pétursson,
fasteignaviðskipti. Austurstræti 14. Sími 22870 og
21750. Utan skrifstofutíma 35455.
Laxveiðimenn takið eftir!
Hörðudalsá í Dölum er til leigu fyrir tvær steng-
ur á dag. Upplýsingar gefur
Guðm. Kristjánsson, Hörðubóii. —
Sími um Sauðafell.