Morgunblaðið - 16.09.1967, Síða 23

MORGUNBLAÐIÐ, LAUGARDAGUR 16. SEPT. 1967
23
finna velflesta beztu listamenn
þessa lands. Verk margra þeirra
getur að líta og heyra þar innan
veggja. Þór var einlægur unn-
andi allra góðrar listar. Og hann
kunni manna bezt að dreifa
skuggum dagsins með góðlátlegri
kímni, en að baki þeirri kímni
fannst vakandi gleði og sársauki
þess, sem iítur lífið með augum
listamannsins. Og enginn vissi
betur en frú Rósa hvernig bezt
mátti bera sáttarorð milli lista-
mannsins og þess sem mæðist af
daglegum önnum.
Fyrir nokkru vantaði mig tor-
fenginn og verðmætan grip.
„Þetta getur enginn útvegað þér,
nema Þór O. Björnsson", sögðu
þeir sem ég spurði. Ég fór til
Þórs og fékk þennan grip með
betri kjörum, en ég hafði búizt
við. Og kjörgripnum fylgdi
falslaus ánægja Þórs yfir því, að
geta gert mér þennan greiða
og sagan um Isac Stern.
Þór hafði eitt sinn setið veizlu
með Isac Stern, fiðlusnillingnum
heimsfræga. En þegar til veizl-
unnar kom vildi Stern ekkert
segja og einskis neyta, þar til
að hann, allt í einu, kom auga á
ker fullt af íslenzkum rækjum,
þá dró hann til sín rækjukerið,
lauk því, sem í því var, og gekk
út. Áhyggjum mínum, þennan
daginn, var dreift út í veður og
vind. Hér stóð ég með kjörgrip-
inn, sem Þór hafði selt mér og í
huganum kímdi ég yfir sögunni
um Isac Stern.
Fáeinum dögum siðar barst
mér andlátsfregn Þórs.
Það var forn siður, að flíka
ekki sínum innra manni, og Þór
hafði ekki skýrt mér frá því,
hversu þau hjón höfðu notið
þess að hlýða á Isac Stern. Ekki
hafði hann heldur tjáð mér,
hversu sárþjáður hann va-r af
vágesti, sem stóð honum við
hlið.
Þór var einn þeirra hetjulund-
uðu manna, sem kaus fram að
ganga meðan hann hafði báða
fætur jafnliainga.
Það er bjart yfir þeim leið-
um sem Þór O. Björnsson fer nú
— og það er bjart yfir öllum
minningum, sem hann eftirlét
samferðamönnum sínum. —
Vertu sem bezt kvaddur Þór
— þökk frá okkur öllum fyrir
samfylgdina. — Innilegar samúð-
arkveðjur til konu þinnar, sonar
þíns og fjölskyldu hans.
Blessuð sé minning þín.
Björn Bessason.
- SKÁKMENN
Framih. af bls. 20
eiga bezt við, að minnsta kosti
í fyrstunni. Ég held að ég hafi
rekizt á það í samningsuppkasti
hjá hinum ágæta formanni Tafl-
félags Reykjavíkur, Hólmsteini
Steingrímssyni. Hann gerði þar
ráð fyrir nafninu „í Uppnámi"
og eins og er finnst mér það eiga
vel vl8.
— Er nokkuð sérstakt, sem þú
vilt taka fram að lokum?
— Við vitum, að skáklistin
nýtur hér almennra vinsælda og
stendur á gömlum merg. fs-
lenzkir skákmenn hafa ti’l þeirra
vinsælda unnið og oft sýnt að
þeir eru vel hlutgengir hvar sem
er í heiminum. Það sannar með-
al annars síðasta Ólympíuskák-
mót. Ef við höld'um áfram að
leggja fram okkar bezta, mun
okkur vel vegna. Eins er með
þann áfanga, sem við hefjum nú.
Þótt það hafi fallið í okkar hlut
að gera þessi kaup hafa margir
áður lagt fram krafta sína í
þágu skákmenntarinanr og plægt
með því akurinn. Það er þeim
mest að þakka, að við mætum
allsstaðar velvilja og góðri fyrir-
greiðslu. Þeir hafa sáð hinu rétta
fræi.
- SAMBAND
Framih. af bls. 8
niður, ullariðnaður sér og sýnis-
horn af verkfærum honum till-
heynandi. í öðru lagi útsaium'að-
Lr dúfcar, dreglar og teppi af
mörgum gerðum og stærðum. Er
Þórný hafði lokið sinni ræðu var
hófinu islitið og giestum boðið að
skoða sýninguna, sem komið
haifði verið fyrir í barnaskódan-
um. Sýningin var opin það sem
eftir var laugardags, sunnudag-
inn oig fram á mánudag. Margt
fólk af Héraði og fjörðum sótti
sýninguna, meira að segja, komu
30 konur frá Vopnafirði. Um
kvöldið bauð Kvenfélagið Blá-
kluklkia 'til kvöldvöku með
skemmtiatriðum og kaffiiV’ei'ting-
um. Á annað hundrað geistir
komu á vökuna.
— MB.
- TAKMORKUN
Framh. af tals. 10
marka hleðslu fiskiskipanna,
sumar sem vetur.
— Þótt menn geri almennt ráð
fyrir að gúmbátar geti bjargað
áhöfn og þeir hafi sannarlega
reynzt vel, þá verður að minnast
þess, að jafnvel gúmbátarnir
geta ibrugðizt, sem önnur mann-
anna verk. íslenzk fiskiskip eru
flest með fleiri en einn gúmbát
hvert, en samt er ástæðulaust að
tefla á tæpasta vaðið með öryggi
á sjó.
— Síldartökuskipin hafa und-
anfarið haft mikilvægu hlut-
verki að gegna með tilliti til ör-
yggis síldveiðiskipanna Þau
hafa getað létt farmi af skipun-
um á fjarilægum miðum og
komið þannig í veg fyrir drekk-
hleðslu á siglingu þeirra heim,
svo og fært skipunum olíu, vatn
og vistir.
— Ég vil að lokum hvetja alla
skipstjóra til að fara í einu og
öllu eftir reglum um hleðslu
síldveiðiskipa á vetrarveiðum.
Og raunar eru reglur þessar til
aukins öryggis hvort sem er að
sumri eða vetri.
Félagsmála-
námskeið á
vegum B8RB
BANDALAG starfsmanna ríkis
og bæja gengst fyrir þriggja
daga félagsmálanámskeiði fyrir
forustumenn og trúnaðarmenn í
samtökunum um næstu helgi. Er
þar um nýmæli að ræða í starf-
sem bandalagsins og er ætlun-
in að þetta geti orðið upphaf að
fjölbreyttari fræðslu- og upplýs-
ingastarfsemi.
Stjórn BSRB. skipaði sérstaka
nefnd til að annast undirbúning
þessa fyrsta námskeiðs banda-
lagsins, og hefur hún ákveðið eft
irfarandi tilhögun.
Efiir hádegdð verður námskeið
ið sett og að því loknu flytur
Kristján Thorlacius, formaður
bandalagsinis erindi um skipulag
og starf BSRB. Síðan verður
flutt erindi um fræðslustarfsemi
samtaka opinberra starfsmanna
á Norðurlöndum. Það flytur Eg-
on Rasmussen, ritari hjá Fællens
rádet for danske Tjenestemands
og Funktionærorganisationer, en
honum hefur verið boðið hing-
að til landsins af þessu tilefni.
Um kvöldið flytur Guðjón B.
Baldvinsson erindi um samnings
rétt og starfskjör opinberra
starfsmanna.
Daginn eftiir flytur svo Har-
aldur Steinþórsson erindi um.
launastiga og launakjör starfs-
manna, og að lokum mun Guð-
mundur Ingvi Sigurðsson, lög-
fræðingur flytja erindi um
K j arasamningalögin.
Þátttakendur munu skipast í
urnræðu- og starfslhópa, sem
fjalla um ákveðna þætti þeirra
mála, sem framsöguerindin og
umræður gefa tilefni til. Starfs-
hópar þessir skila síðan áliti fyr-
ir sameiginlegan fund á sunnu-
dag og að því loknu mun nám-
skeiðinu ljúka um kvöldið.
Frétt frá BSRB.
Nauðungaruppboð
sem auglýst var í 47., 49. og 50. tbl. Lögbirtinga-
blaðsins 1967 á hluta í Ránargötu 13, hér í borg,
þingl. eign Brynhildar Berndsen fer fram eftir
kröfu Kristjáns Eiríkssonar hrl., Brands Brynjálfs-
sonar hdl., Sigurðar Sigurðssonar hrl., og Gjald-
heimtunnar í Reykjavík, á eigninni sjálfri, mið-
vikudaginn 20. september 1967, kl. 10.30 árdegis.
Borgarfógetaembættið í Reykjavík.
Nauðungaruppboð
sem auglýst var í 47., 49. og 50. tbl. Lögbirtinga-
blaðsins 1967 á hluta í Þverholti 15, hér í borg,
þingl. eign Brynhildar Berndsen, fer fram eftir
kröfu Kristjáns Eiríkssonar hrl., Brands Brynjólfs-
sonar hdl., Sigurðar Sigurðssonar hrl. og Gjald-
heimtunnar í Reykjavík, á eigninni sjálfri, mið-
vikudaginn 20. september 1967, kl. 2.30 síðdegis.
Borgarfógetaembættið í Reykjavík.
Hin heimsfrœgu
K
(ROSSLEY
(ARPirrs
CR0SSLEY GÚLFTEPPI
Mr. J.R. Hone, einn af sölustjórum John Crossley & Sons ltd. Halifax, England er stadd-
ur hér á landi, og verður til viðtals á skrifstofu okkar næstu daga kl. 2—6 e.h., eða eftir
samkomulagi.
Komið og skoðið — Sýnishorn fyrirliggjandi. Athugið verð og gæði.
Opið til kl. 6 í dag.
GÓLFTEPPAGERÐIN HF.
Grundargerði 8