Morgunblaðið - 17.03.1974, Side 26

MORGUNBLAÐIÐ, SUNNUDAGUR 17. MARZ 1974
25
Mikil áform eru um frágang og fram-
kvaemdir við útivistarsvæði borgarbúa
og að glæða þau lífi, þannig að marg-
háttuð starfsemi geti farið þar fram,
jafnframt því sem haldið er áfram að
rækta grasfleti og trjálundi. Er ýmislegt
nýstárlegt að finna í þeim áformum,
sem áreiðanlega á eftir að falla i góðan
jarðveg hjá borgarbúum. Til dæmis
standa nú yfir samningar við kaþólsku
kirkjuna um framtíð Landakotstúns,
sem borgin hefur áhuga á að gera að
skrúðgarði. Skógræktarstöðin i Foss-
vogi hefur fengið 6 hektara land til
viðbótar og áformað er að opna neðri
hluta stöðvarinnar við Fossvogslæk,
svo göngu- og hjólreiðastigar geti legið
þar um. Og fleira mætti telja. Verður
gripið niður á fáum stöðum:
Laugarnestangi er um 1 5 ha og er
gerð tillaga um að þar verði golfvöllur
starfræktur i samráði við Golfklúbb
Reykjavíkur, opinn öllum borgarbúum.
Sigurjón Ólafsson og hans listaverk
verða áfram á svæðinu, og lagt er til,
að kirkjugarðurinn verði afmarkaður og
merktur. Flugsanlegt er talið að nýta
Laugarneshúsið í sambandi við starf-
semi á svæðinu.
Miklatún er almennt útivistarsvæði,
og nú er ráðgert að gera þar sparkvelli,
gæzluvelli, sem einnig yrðu opnir um
fczzi c=3il íirrz] uzd

?\ pHKLATON
Miklatún verður almennt útivistarsvæði og ýmisiegt gert til að láða fólk að:

1) Kjarvalsstaðir 2) malbikað samkomusvæði og sleðabrekka 3) boltavöll-
ur. 4) leiktækjavöllur 5) umferðarleiksvæði 6) gæzluvöllur 7) mínigolf 8)
sérhannaður garður fyrir blinda 9) athafnasvæði garðyrkjumanna.
MORG OG FJOLBREYTT UTIVISTARSVÆÐI:
GOLFVOLLUR I LAUGARNESI, BLINDRAGARÐUR
Á MIKLATÚNI — SKRÚÐGARÐUR VIÐ LANDAKOT
helgar, umferðarleiktæki og garð sem
er sérstaklega hannaður fyrir blinda og
er alger nýjung hér. Þá eiga að vera
þarna leiktækjavellir, minigolf, blóma-
og listagarður og tjörn, sem börn geta
leikið sér við með báta slna Eru hug-
myndir um að minnka umferð bifreiða
aðtúninu Flókagötumegin
Gamli miðbærinn á samkvæt hug-
myndum að verða gæddur meira lífi
utan verzlunartíma, en nú er unnið að
heildarskipulagi hans. Eru ráðagerðir
um torgmyndun, þar sem fram geta
farið margs konar listasýningar og
skemmtanir. I Bernhöftstorfuhúsin þarf
að koma starfsemi, t.d. kaffistofur,
minjagripaverzlun, handiðnaður eða
álíka. Myndi sú starfsemi þá tengjast
brekkunni og göngugötunni í Austur-
stræti.
Tjarnargarður. Hugmyndir hafa
komið fram um að nota hluta tjarnar-
innar fyrir báta, en hins vegar talið, að
það gæti stefnt fuglalífi í hættu og þvl
lagt til, að fremur verði lögð áherzla á
að auka fjölbreytni i fuglalífi með því
að tryggja, að staðurinn verði friðsæll
°g hljóðlátur. Verði fjölgað fugla-
tegundum
Öskjuhlíð hefur verið skipulögð sem
kunnugt er, en þar hafa verið greindar
1 12 tegundir villtra grasa. Er gert ráð
fyrir göngustigum um svæðið og einni
hjólreiðaleið og inn á svæðið kemur
reiðgata frá Fossvogsdal. í Nauthólsvik
er l'agt tií að verði framtíðaraðstaða
fyrir siglingar minni seglbáta, verður
gamla bryggjan endurbætt í því skyni
og byrjað á þvi Vegna holræsafram
kvæmda bíða ákvarðanir um sjóbað-
stað, en æskulýðsstarf ýmiss konar á
heima á svæðinu.
Laugardalur. Þar stækkar gras-
garðurinn ár frá ári, nýr starfsvöllur er
áætlaður við Álfheima, svo og tennis-
völlur og skautasvell verður gert þar í
sumar. Gert er ráð fyrir opnu svæði frá
Laugardal upp i Laugarás, þar sem eru
jökulnúnar klappir, sem varðveittar
verða. Ákveðin er stækkun á garði
Ásmundar Sveinssonar til vesturs
u.þ.b. 2000 ferm. Þá er allt svæðið
milli Sigtúns og Reykjavegar og
Kringlumýrarbrautar nú i skipulagn-
ingu með það fyrir augum, að þar verði
tónlistarhús og e.t.v fleiri byggingar
fyrir svipaða starfsemi.
BreiSholtshverfin. Við alla skipu-
lagningu Breiðholtshverfa hefur verið
lögð áherzla á, að útivistarsvæði fyrir
alla aldurflokka séu innan hvers hverfis
með grænum svæðum á milli hverf-
anna. Þá er skipulagt stórt iþróttasvæði
í svokallaðri Suðurmjódd. Of langt mál
yrði að telja upp útivistarsvæðin þar,
en þau eru merkt á kort í áætluninni.
Heiðmörk er 2 5000 ha að stærð
innan girðingar og ráðgert, að skóg-
ræktarstörf haldi þar áfram með svip-
uðum hraða og verið hefur og einnig
landgræðsla. Búast má við aukinni
sókn í Heiðmörk eftir að göngu- og
hjólreiðastigar ná til svæðisins og ráð-
gert er að leggja aukna áherzlu á gerð
stiga um svæðið Auk þess á að leggja
nýjan bílveg frá svokölluðum Skógar-
hliðarkrika suður með Skógarhlið og
skáhallt yfir mörkina að Hjallabraut, en
nýju vegirnir verða þannig, að þeir
þola umferð allt árið Veitir þessi vegur
fólki aðgang að víðáttumiklu svæði í
suðausturhluta Heiðmerkur. Þá er
reiknað með reiðgötu umhverfis Elliða-
vatn.
Bláfjoll Þar er að opnast gott úti-
vistarsvæði og skíðaland. Unnið er að
skipulagningu svæðisins og hefur
norskur skipulagsfræðingur sett fram
frumhugmyndir um staðsetningu svig-,
stökk-, og göngubrauta Uppbygging
vegarins inn eftir verður eitt fyrsta
verkefnið
Eggjar í Hólmsheiði eða svæðið,
sem liggur til norðausturs upp frá
Rauðavatni Gerð er tillaga um, að
þetta svæði verði tekið til skógræktar á
þann hátt, að nemendur barna- og
unglingaskóla borgarinnar fari þangað
i gróðursetningarferðir á hverju vori.
Væri það liður í námi og fengi hver
skóli sitt umráðasvæði
Viðey er utan lögsagnarumdæmis
Reykjavíkur, en hluti hennar i eigu
borgarinnar, sem af sögulegum og
landfræðilegum ástæðum lætur sig
varða framtið eyjarinnar. Er lagt til að
stefnt verði að því, að Viðey verði
friðað útivistarsvæði. Hugmyndir hafa
komið fram um göngubrú i eyna, en
vart talið tímabæt að taka afstöðu til
þess nú, þó að benda megi á, að hætt
sé við að eyjan breyti um svip við að
tengjast landi.
Saltvik á Kjalarnesi. Þar er fyrir-
hugað á vegum Æskulýðsráðs að koma
upp alhliða útivistaraðstöðu og verður
skipulagi svæðisins lokið á þessu ári
Húsin þar verða nýtt fyrir hópa, veit-
ingahús, ráðstefnur, fundi o.fl. jafnvel
bústað heiðursgests (listamanns?). Ut-
anhúss eru ráðgerðir alls konar íþrótta-
vellir. Gönguleiðir verða gerðar út frá
Saltvík, bátaaðstaða í fjörunni og tjald-
stæði, en fuglavarp verður varðveitt.
Ströndin. Strandlengjan frá Ægis-
síðu I austur meðfram Fossvogi verður
aðgengilegri með tilkomu göngu-
og hjólreiðastiganna á þessari leið. Við
Fossvog má finna merkileg setlög
Fjaran við Eiðsgranda tengist fyrst og
fremst Eiðsgrandabyggð. Ströndin við
Laugarnes verður hluti af fyrirhuguðu
útivistarsvæði Háubakkar við Súðar-
vog hafa verið friðaðir vegna merki-
legra jarðlaga og þykir ástæða til að
gera þann hluta strandarinnar aðgengi-
legri. Aðalskipulag gerir ráð fyrir
hafnarsvæðrvið Grafarvog, en það er i
endurskoðun og Náttúruverndanefnd
hefur i hyggju að láta gera þar liffræði
legar rannsóknir, sérstaklega á leirun-
um Ströndin frá Geldinganesi að
Blikastaðakró verður friðuð i samvinnu
við Náttúruverndarnefnd.
Framtíðarútivistarsvæði. Unnið er
nú að skipulagi framtíðarbyggða i
Reykjavík og þar með útivistarsvæða
Nauðsynlegt er að þau verði ákveðin
og friðuð sem fyrst og hlfft við upp-
grefti og öðru raski, sem fylgir fram-
kvæmdum.
Hugmyndir um útivistarsvæði eru:
Ströndin við Korpúlfsstaði og svæðið
upp með Úlfarsá, sem getur orðið
svipað Elliðaársvæðinu með fjörunni
neðst, siðan ánni með laxveiði og
Úlfarsfelli efst með möguleikum fyrir
sumar- og vetrarnotkun og þá nefndar
léttar fjallgönguleiðir, sleðabrekkur,
skautasvell o.fl.
Ljóst er, að langan tíma tekur að
fullgera öll útivistarsvæði En nauðsyn-
legt er að fá fram sem fyrst undirtektir
fólks um þá starfsemi og hver nýting
svæðanna er vinsælust. Þess vegna er
lagt til, að eitt ákveðið svæði, Ártúns-
svæðið við Elliðaár, fái forgang og
verði fullgert á næstu árum