Morgunblaðið - 28.08.1975, Blaðsíða 5

MORGUNBLAÐIÐ, FIMMTUDAGUR 28. ÁGÚST 1975
5
„Hver mynd mín
er góðverk í þágu
mannkynsins. . .’
Rætt við Alfreð Flóka myndlistarmann
LISTSÝNINGAR Alfreðs
Flóka teljast jafnan til tfðinda
og nú stendur yfir einkasýning
hans I bogasal Þjóðminjasafns-
ins. Þar sýnir hann þrjátíu og
eina mynd; hefur aðsókn verið
með ágætum og sjö myndir
voru seldar, þegar blaðam. Mbl.
leit inn hjá listamanninum á
þriðjudag og ræddi við hann
stund.
Flóki og sálufélagi.
— Tæknilega séð verður
vitrunin kröftugri og magnaðri
með hverju ári og myndir
mínar bera þess öll merki, sagði
listamaðurinn glaðlega, þegar
hann var inntur eftir því hvort
hann væri ánægður með
sýninguna. — Að vlsu hafa ekki
komið fram þau viðbrögð, sem
gerðu vart við sig á fyrstu
sýningu minni: þá leið yfir eina
unga stúlku og önnur gubbaði.
Þarf ekki að orðlengja að sú
kom þrisvar til viðbótar á
sýninguna. Að því frátöldu að
ég hef ekki orðið þessa var,
þykir mér sem sýningin hafi
f arið ákaflega vel í gesti.
Þar með er ekki sagt að ég sé
stórkostlega ánægður með
myndir mínar. En miðað við
það, sem er gert I heiminum er
þetta sannkölluð snilld, tíu
þúsund sinnum betra en allt
sem gert er. En sjálfur ætla ég
mér að gera enn betur.
— Eru gestir hættir að
hneykslast á myndum þínum?
— Sfðast i gær stöðvaði mig á
götu miðaldra maður og hótaði
mér bráðu lífláti fyrir að sýna
manninn í sinni upphaflegu
mynd I verkum mínum. Ég lít
einfaldlega svo á að slíkir menn
séu guðlastarar að leyfa sér að
setja út á sköpunarverk guðs
almáttugs.
— Sumum þykir þú yfirlætis-
fullur og ánægður með sjálfan
Þig?
— Minn aðalgalli er, hve lítil-
látur ég er, sagði Flóki, — og
hef mig lítt I frammi. Sennilega
hefði mér miðað enn lengra ef
ég hefði uppi barlóm — slíkt er
þó fjarri mér. Lítillætið sem
flestum er dyggð er í rauninni
löstur hjá mér.
— Einhverju sinni hefurðu
lýst yfir að þú værir ekki
beztur... ?
— Mér varð það á i einhverju
minnimáttarkasti fyrir
nokkrum árum að segja að ég
væri þriðji beztur I heiminum.
Nú held ég að öllum megi ljóst
vera að ég er auðvitað orðinn sá
allrabezti og ber af öðrum sem
gull af eiri.
— Skipta skoðanir annarra á
verkum þfnum máli?
— Já, fjandakornið. Því
skyldi ég neita því. En þvf
fleiri lofsyrði sem ég hlýt, því
upplyftari verð ég. Ef gagnrýni
á verk mfn er neikvæð en sönn
og objektiv, læri ég af henni.
En slík gagnrýni hér er sjald-
gæfur lúxus. Megnið af gagn-
rýni er samsetningur frasa.
— Heldurðu að fólki þyki
gott að hafa myndir þínar
nálægt sér?
— Já, og þær kaupir alls
konar fólk. Enda Islendingar
gæddir miklum listaáhuga —
eða þorri manna að minnsta
kosti. Mér er óhætt að skýra frá
því að ég á óteljandi bréf þar
sem fólk segir mér að það hafi
fríkkað, karlmenn fengið getu
aftur... en þó alveg sérstaklega
hvað það hafi fríkkað við að
hafa myndir mínar uppi á
veggjum hjá sér.
— Talarðu í alvöru eða ertu
að gera skaup að meðsystkinum
þfnum með hinum ýmsu yfir-
lýsingum sem þú gefur?
— Ég tala jafnan i fullri
alvöru. Ég er ábyrgur maður og
vil öllum vel. Ég er í sannleika
sagt hugljúft góðmenni, fullur
ástar til alls sem lifir. Hver
mynd sem ég geri er ekki
einasta frábært listaverk,
heldur einnig góðverk í þágu
mannkynsins. h.k.
HIN FRABÆRA OG
MARGUMTALAÐA
SUMAR-
ÚTSALA
SEM ALLIR HAFA
BEÐIÐ EFTIR HEFST * '
Á MORGUN í 4 VERZLUNUM
SAMTÍMIS
HREINT ÚT SAGT ÓTRÚLEGT
VÖRUÚRVAL
FATNAÐUR - SKÓR - HLJÓMPLÖTUR
40%—60% AFSLÁTTUR
IÍZKUVERZLUN UNGA FOLKSINS
LÆKJARGÖTU 2
SÍMI FRÁ SKIPTIBORÐI 28155
KARNABÆR
AUSTURSTRÆTI22 LAUGAVEG 66
LAUGAVEG 20a
SÍMI FRA SKIPTIBORÐI 28155