Morgunblaðið - 25.09.1975, Side 16

16
MORGUNBLAÐIÐ, FIMMTUDAGUR 25. SEPTEMBER 1975
Þetta er tillöf!uupparattur Vffils Magnússonar, arkitekts að fyrirhuguðum byggingum Armannsfells á lóðinni á horni Grensásvegar og Hæðargarðs. Neðri myndin sýnir
hliðina, sem snýr út að Grensásvegi — hin efri er sú, sem snýr að Hæðargarði. Ekki er um endanlegar teikningar að ræða.
W
Greinargerö borgarstjóra um lóðaúthlutun til Armannsfells:
Byggð á málefna-
legum grundvelli
Engin annarleg sjónarmið að baki
Ég hef um skeið dvalið erlendis, fyrst í opinberum
erindum og síðan f sumarleyfi með fjölskyldu minni. Ég
fékk því ekki heildarmynd af blaðaskrifum, fyrr en við
heimkomu mína s.I. sunnudag. Miklu moldviðri hefur
verið þyrlað upp vegna ákvörðunar meirihluta borgar-
ráðs um að úthluta byggingarlóð á horni Hæðargarðs og
Grensásvegar til Byggingarfélagsins Ármannsfells h.f.
Þar sem ýmis skrif og fullyrðingar I þessu máli hafa
verið mjög villandi og staðreyndir málsins hafa ekki
allar komið fram, þykir mér rétt að gera itarlega grein
fyrir málinu í heild.
Aðdragandi skipulags .
Þann 15. okt 1973 var gerð eftirfarandi bókun í
skipulagsnefnd:
„Rætt um frágang á opnu svæði við Garðsenda.
Samþykkt að taka til athugunar frágang á afgangssvæð-
um vestan Elliðaár, sunnan Miklubrautar, austan
Kringlumýrarbrautar, norðan Bústaðavegar.“
Á s.I. voru fór ég ásamt nokkrum embættismönnum
borgarinnar í skoðunarferð til að athuga ónotuð svæði á
þessum slóðum. Taldi ég mikilvægt, ef unnt væri að
þétta nokkuð byggð á þessu svæði til að nýta sem bezt
þá aðstöðu, sem þar er þegar fyrir hendi af hálfu
borgarinnar. Auk mín voru í þessari ferð borgarverk-
fræðingur, skipulagsstjóri og skrifstofustjóri borgar-
verkfræðings. Skoðunarferð þessi var ein af mörgum,
sem við borgarverkfræðingur förum með öðrum em-
bættismönnum um borgina
Eitt þessara svæða er spildan norðan Hæðargarðs og
austan Grensásvegar. Var þá ákveðið, að skipulagsstjóri
ynni að tillögugerð að skipulagi á svæðinu, auk fleiri
staða, sem við skoðuðum. Var um það rætt sérstaklega,
að þarna mætti reisa einbýlishúsa- eða raðhúsabyggð,
en við vorum sammála um, að ekki væri æskilegt að !
setja stærri fjölbýlishús á þetta svæði með tiliiti tíl j
nágrannabyggðar.
Um líkt leyti komu til mín í almennan viðtalstíma
forsvarsmenn Byggingarfélagsins Ármannsfells h.f., og
spurðust þeir sérstaklega fyrir um möguleika á úthlut-
un þessarar lóðar til að byggja á henni fjölbýlishús.
Tjáði ég forráðamönnum félagsins , að bygging fjölbýl-
ishúss á þessu svæði kæmi ekki til greina, og því ekki
líkur á, að félagið gæti fengið úthlutað lóð á þessum
stað.
Hinn 7. maf höfðu forráðamenn Ármannsfells h.f.
samband við borgarverkfræðing og ítrekuðu fyrirspurn
um möguleika á byggingu háhýsis á umræddu svæði.
Borgarverkfræðingur tjáði þeim, að hann teldi slíka
byggingu útilokaða á staðnum.
Byggingarfélagið Ármannsfell h.f. mun sfðan hafa
óskað eftir því við arkitekt sinn, Vífil Magnússon, að
hann kynnti sér þetta svæði og gerði tillögur að íbúðar-
húsabyggð á svæðinu. Þegar Vífill hafði gert sinn
tillöguuppdrátt, snéru forráðamenn Ármannsfells h.f.
sér til Alberts Guðmundssonar, borgarfulltrúa, og
kynntu honum málið. Albert hafði samband við skipu-
lagsstjóra, og í framhaldi af þvf fór fram fundur milli
skipulagsstjóra, framkvæmdastjóra Ármannsfells h.f.
og Vífils Magnússonar. Albert Guðmundsson skýrði
mér frá þessu, og ræddi ég þá við skipulagsstjóra, sem
tjáði mér, að hann hefði fengið í hendur skipulagshug-
mynd Vífils Magnússonar og litist sér vel á hana f
aðalatriðum, en hins vegar þyrfti tillagan nokkurrar
breytingar við. Kvaðst hann myndu vinna að tillögugerð
á þessum grundvelli og jafnframt leita aðstoðar Vifils
Magnússonar um fullnaðarfrágang tillögunnar. Skipu-
lagstillaga var síðan lögð fram í skipulagsnefnd þann 9.
júní 1975. Var hún undirrituð af skipulagsstjóra, svo og
Vífli Magnússyni. Skipulagsnefnd mun strax hafa litist
vel á þá skipulagshugmynd, sem þarna kom fram, og
var skipulagsstjóra á þessum fundi falið að kynna
íbúum aðliggjandi húsa framkomna tillögu. Engar at-
hugasemdir eða mótmæli frá þeim bárust vegna skipu-
lagshugmyndarinnar.
Þann 11. júní komu forráðamenn Ármannsfells h.f. í
viðtalstíma til mín og skýrðu mér frá sínum aðgerðum í
málinu og ítrekuðu ósk um að fá þessa lóð, ef sú
skipulagshugmynd, sem þeir hcfðu komið fram með,
yrði samþykkt. Tjáði ég þeim, að mál þetta yrði að fá
efnislega meðferð i skipulagsnefnd, og endanleg sam-
þykkt skipulags væri óháð þvf, hver fengi lóðarúthlut-
un. Yrði að taka það fyrir sem sérstakt mál á eftir.
Skipulagstillagan var síðan rædd á nokkrum fundum
í skipulagsnefnd og að lokum samþykkt einróma þann
9. júlí, en nokkuð breytt frá því, sem hún hafði upphaf-
lega verið. Tillagan var siðan lögð fyrir borgarráð, sem
samþykkti hana einróma þann 15. júlí s.l. Jafnframt var
leitað eítir og fengin staðfesting skipulagsstjórnar rík-
isins á deiliskipulagi þessa svæðis.
Samkvæmt skipulaginu er gert ráð fyrir 23 íbúðum í
formi blandaðrar byggðar raðhúsa og fjölbýlishúsa, sem
„Sannfærður
um að stuðn-
ingur Alberts
var ekki tengd-
ur fjárframlagi"
eru sérstaks eðlis og teljast til nýjunga í byggingum
hérlendis, þótt þau séu allþekkt viða erlendis. Ljóst er,
að hér er um að ræða mun betri nýtingu svæðisins, en
upphaflega hafði komið til orða í viðræðum okkar, sem
fórum f skoðunarferðina um svæðið á s.l. vori.
Meðan á þessari afgreiðslu stóð hjá skipulagsyfirvöld-
um, sendi Byggingarfélagið Ármannsfell h.f. bréf til
borgarráðs, sem var móttekið 10. júní 1975. Þar sækir
félagið formlega um lóðina og segir i bréfi sinu:
„Á lóð þessari hyggst félagið byggja nýstárlegt
sambýlishús, sem sameinar helztu kosti einbýlis og
fjölbýlis. Stefnt er að fullri nýtingu lóðarinnar, þó án
þess að um ofnýtingu hennar sé að ræða, með þéttri
vinalegri byggð á einni og tveim hæðum, sem fellur vel
inn í umhverfi sitt. Með þessari byggingu er ætlunin að
skapa staðlað, hagkvæmt og ódýrt húsnæði, sem þó um
leið skapar þeim, sem þar koma til með að búa, mann-
eskjulegt og fallegt umhverfi. Vifill Magnússon, arki-
tekt, hefur að undanförnu unnið að hönnun ýmissa
gerða sambýlishúsa, sem uppfylla þessa kröfu, fyrir
Byggingarfélagið Ármannsfell h.f., og hefur að okkar
áliti nýtt á mjög sérstæðan og skemmtilegan hátt þá
möguleika, sem þessi lóð býður.
Frumdrög að þessari lausn fylgja hér með, en tillaga
um svipaða byggð hefur þegar verið til meðferðar hjá
skipulagsstjóra, og að því er við bezt vitum, hlotið mjög
jákvæðar undirtektir, bæði þar og eins á skipulags-
nefndarfundi s.l. mánudag.“
Grænt svæði?
Það hefur verið gagnrýnt sérstaklega í þessu máli, að
skipulögð hafi verið ibúðarhúsabyggð á svæði, sem
ætlað hafi verið sem útivistarsvæði. Það er rétt, að
samkvæmt aðalskipulagi frá 1965 er svæði þetta merkt
grænt svæði. Upphaflega mun lóð þessi hafa verið
ætluð fyrir kirkjubyggingu, en siðar hafði kirkju verið
valinn annar staður, og því var þetta svæði óráðstafað
og merkt sem útivistarsvæði á aðalskipulagi.
1 áætlun um umhverfi og útivist, sem samþykkt var í
borgarstjórn vorið 1974 var hins vegar horfið frá notk-
un svæðisins til útivistar.
Borgarstjórn hafði því þegar á árinu 1974 samþykkt
að hverfa frá því, að þarna yrði grænt svæði, þannig að
það getur ekki verið gagnrýnisefni nú, þó að eftir þeirri
samþykkt hafi verið farið.
Breytingar á notkun ákveðinna reita eða svæða hafa
verið gerðar allmargar á aðalskipulaginu frá upphafi,
og er því hér ekki um einsdæmi að ræða.
Úthlutun lóðar
Þegar hér var komið sögu og skipulagið var sam-
þykkt, kom úthlutun lóðarinnar til ákvörðunar.
Allmargir byggingaraðilar komu til greina við úthlut-
un lóðarinnar, en það var mat tæknimanna borgarinnar,