Morgunblaðið - 25.09.1975, Blaðsíða 25

MORGUNBLAÐIÐ, FIMMTUDAGUR 25. SEPTEMBER 1975
25
— Þeir veiða
Framhald af bls. 10
viku og flytur póst, farþega og
farm, eftir því sem rými leyfir.
Er að þessu hin ágætasta sam-
göngubót, þegar vel viðrar og
flugbrautin er fær. Nú hefir
brautin verið hækkuð og reynt
að bægja brott vatnsrennsli,
sem gat komið I leysingum, og
myndaði svellbunka ó braut-
inni.
VEGAMÁL:
Þörf umbóta á vegum
Þar sem flestir bæir sveit-
arinnar standa við sjó og aðal-
vegur liggur að mestum hluta
nærri ströndinni, er sjaldan
mikil snjódýpt á vegum f
byggð, nýir vegakaflar hafa
reynst færir í miklum snjóum.
Aðkallandi er að ljúka upp-
byggingu vegarins. Flesta vetur
lokast um lengri eða skemmri
tima leiðir til næstu byggða
suður um Sandvíkurheiði til
Vopnafjarðar og norður um
Brekknaheiði til Þórshafnar.
Mikið mætti þetta laga með um-
bótum á vegum.
Strandferðaskip Skipaút-
gerðar rikisins koma nær því
hálfsmánaðarlega á Bakka-
fjörð, þegar þau geta lagst að
bryggju, hafi þau eitthvað að
færa eða taka.
HEILSUGÆSLA:
Læknisþjónustan
háð veðurfari
Skeggjastaðahreppur er í
Þórshafnarlæknishéraði. Hefir
svo verið frá árinu 1907. Áður
var hreppurinn í Vopnafjarðar-
læknishéraði. Frá þorpinu eru
tæpir 50 km til Þórshafnar, en
rúmir 40 km til Vopnafjarðar.
Læknar eru nú i báðum héruð-
unum og læknisþjónusta því
góð eftir aðstæðum meðan
vegir eru færir. Bæta mætti
læknisþjónustuna með því að
læknir kæmi og hefði viðtals-
tíma á Bakkafirði einn dag í
viku á vetrum.
FRÆÐSLUMAL:
Erfið aðstaða —
góð útkoma
Farkennsla var í hreppnum
til ársins 1950. Varð þvi
naumast lengur áfram haldið,
því illa gekk að fá kennara og
enn verr að fá kennslustaði. Að
tilmælum þáverandi náms-
stjóra tók prestfrúin á Skeggja-
stöðum að sér kennsluna
haustið 1950 og voru skóla-
börnin i heimavist á prests-
setrinu. Hefir hún síðan haft
kennsluna með höndum,
stundum með aðstoð manns
sins. Heimavist var á heimili
þeirra 18 ár. Næstliðin 5 ár
hefir heimanakstur komið í
stað heimavistar. Hefir það
gengið vonum betur, en getur
hindrast sökum snjóþyngsla á
lágum eða niðurgröfnum vega-
köflum, nýuppbyggðir kaflar
eru hins vegar alltaf færir.
Ekki hefir verið aðstaða til að
starfrækja reglulega unglinga-
deild við skólann. Stundum
hefir þó verið kennt námsefni
I. bekkjar. Skólinn hefir fram
að þessu útskrifað börn með
fullnaðarprófi á 13. eða 14. ári
eftir þroska og hæfni skv. eldra
kerfi. Nær undantekningar-
Iaust hafa þau farið áfram til
unglinganáms og lokið skyldu-
námi. Sum hafa farið í Torfa-
staðaskóla í Vopnafirði og
munu 5 börn, sem útskrifuðust
s.l. vor, öll hafa farið þangað í
haust.
VERSLUN:
Erfitt um vik, en haldið fram
Árið 1900 byrjaði Halldór
Runólfsson bókbindari að
versla á Höfn við Bakkafjörð.
Aður var þar engin verslun, en
verslun örum & Wufs á Vopna-
firði átti þar fiskhús fyrir mót-
töku á saltfiski, sem keyptur
var af bændum. Halldór kaup-
maður byggði upp verslun og
þorp á Bakkafirði með stórhug
og myndarbrag á þeirra tíma
vísu. Hann rak þar verslun út-
gerð og fiskverzlun til dauða-
dags eða nær 20 ár. Fráfall
hans varð mikill skaði þorpinu
og byggðinni allri. Verslun
hélst þó áfram, því að Jakob
Gunnlaugsson stórkaupmaður í
Kaupmannahöfn eignaðist
verslun Halldórs og rak þar
síðan verslun allt til ársins
1936. Var það aðalverslun
byggðarlagsins, þó að útibú
Kaupfélags Langnesinga á
Þórshöfn byrjaði þar smáversl-
un samhliða nokkru fyrr.
Síðasti verslunarstjóri Gunn-
laugssons-verslunar á Bakka-
firði fórst voveiflega 1936. Eftir
það hætti sú verslun, en Kaup-
félag Langnesinga keypti hús
og aðstöðu og hefir ekki síðan
verið önnur verslun en útibú
kaupfélagsins. Það hefir hvorki
keypt fisk né rekið fiskverkun,
en hafði móttöku sláturfjár
fram undir 1960.
BYGGÐAVANDAMÁL:
Að nýta landkosti
Islands, eða ekki
Mikil fólksfækkun hefir
orðið I Skeggjastaðahreppi síð-
ustu áratugi. Orsakir þess eru
margar, líkt og í öðrum strjál-
býlissveitum. ör vöxtur höfuð-
borgarinnar og annarra kaup-
staða og þéttbýlis olli mikilli
fólksfækkun í strjálbýli, sem
vænta mátti. Þessi þróun varð
hraðfara um og eftir heims-
styrjöld siðari og hefir haldið
áfram fram að þessu. Sitthvað
hefir verið reynt til að stöðva
eða draga úr þessari þróun, en
sumt án árangurs. Nú bendir
ýmislegt til þess, að fólk vilji
setjast að í strjálbýli og smærri
þorpum. Vonandi er það merki
þess, að framvegis vilji tslend-
ingar byggja land sitt allt.
Þessa stefnubreytingu þurfa
stjórnvöld að styðja með aðstoð
og liðsinni við fámenn byggðar-
lög, sem gætu þá veitt allmörgu
fölki viðtöku og búið þvi góð
lífsskilyrði.
BRÝNUSTU MÁL:
Að lokum skal hér nefnt það
helsta, sem virðist aðkallandi
að framkvæma til viðhalds og
eflingar byggðar í Skeggja-
staðahr.
1. Framhald hafnargerðar með
lengingu bryggjunnar og öðr-
um þeim umbótum sem bæta
aðstöðu útgerðar á Bakkafirði.
2. Meðan ekki hefir verið komið
upp frystihúsi, verði athugað,
hvort hægt væri að hafa þar
vinnslu sjávarafurða til at-
vinnuaukningar í þorpinu yfir
vetrartimann.
3. Hreppnum verði gert kleift
að byggja leiguhúsnæði, 4—5
íbúðir, svo að greitt verði
þannig fyrir ungu fólki, sem nú
þegar vill setjast að I þorpinu,
svo og öðrum, sem vilja flytjast
þangað.
4. Lokið verði uppbyggingu
aðalvegar um sveitina, svo að
ekki hindrist akstur skplabarna
á vetrum eða aðrar nauðsyn-
legar samgöngur. Einnig er
brýn þörf umbóta á vegum til
næstu byggðarlaga.
5. Veitt verði aðstoð, með
lánum eða styrkjum, þeim er
búskap vilja hefja á eyði-
jörðum, og unnið að því að
koma I veg fyrir að bújörðum sé
haldið í eyði árum saman.
Fleira mætti hér nefna til, en
þetta er með því helsta.
a
Við bjóðum
20% afslátt '
OÚUM
gleraugna-
umgjörðum
í dag og
nokkra næstuil
daga, vegna
breytinga
á rekstri
fyrirtækisins.
NOTADU TÆKIFÆRIÐ
— ef þu þarft að endurnýja gleraugun
— ef þú þarft lestrargleraugu
— ef þú ert að byrja í skóla
— ef þú ert orðinn leiður á gömlu umgjörðinni.
Mundu: Ný gleraugu skapa nýtt andlit.
___________ Mundu: Tilboð þetta stendur aðeins í nokkra daga.
TYU
H GLERAUGNAVERZLUN,
F AUSTURSTRÆTI 20.