Morgunblaðið - 01.05.1977, Síða 16
MORGUNBLAÐIÐ, SUNNUDAGUR 1. MAÍ 1977
47
Jarðborinn Jötunn að störfum við Laugaland I úngulsstaðahreppi
— Nei, það breytir engu, en
auðvitað verður það því hag-
kvæmara, sem það verður stærra.
En jafnvel þótt við fengjum ekki
vatn nema eins og til að leysa af
hólmi oliukyndinguna í bænum,
þannig að rafmagnið sæti eftir
með þann kyndingarmarkað, sem
það hefir, þá væri það engu síður
hagkvæmt fyrirtæki.
— Ef þörf verður á enn meira
vatns- eða varmamagni, verður þá
leitað eftir þvi á þessu sama
svæði, eða fer það eftir niður-
stöðum tilraunaborananna við
Grísárá, hvort reynt verður frek-
ar að virkja þar?
— Já, það fer nú svolítið eftir
því. Það stendur líka til að bora
eina holu í viðbót þarna á Lauga-
landssvæðinu, en þó telja fræði-
menn, að sá staður sé utan þess
vatnskerfis, sem nú er borað i.
Þessi væntanlega hola verður í
landi Klaufar. En það skal tekið
fram, að það er ekki löng vega-
lengd á milli Grisarár og Lauga-
lands, aðeins um 2 km, og þó að
Eyjafjarðará renni á milli þessara
staða, yrði enginn óyfirstiganleg-
ur kostnaður við að leiða vatn frá
holu við Grisará og til Lauga-
lands. Ef horft er til langs tíma,
má svo sem búast við því, að
þarna sé ekki nægilegt vatn fyrir
þetta þéttbýli hér, en þá hafa
mælingar sýnt mjög góðan
árangur í grennd við Reyki í
Fnjóskadal. Vitanlega yrði nokk-
ur dælingarkostnaður samfara
varmavirkjun þar, þvi að þá
þyrfti að leiða vatnið yfir Vaðla-
heiði, en það er tæknilega mögu-
legt. En vissulega verður gengið
úr skugga um, að ekki sé hag-
kvæmt vatn að fá hér í ná-
grenninu, áður en farið er þang-
að.
— Hvernig hafa gengið samn-
ingar við eigendur lahds, sem að-
veituæðin verður lögð um?
— Þeir hfa gangið ágætlega og
engin vandkvæði komið upp. Nú,
það er rétt að geta þess, að
hreppsnefnd Öngulsstaðahrepps
hefir komið þarna inn í dæmið.
Það er búið að ganga frá sam-
komulagi við hana, þó að ekki
liggi fyrir beinn fastur samn-
ingur, um það, að Hitaveita Akur-
eyrar leggi dreifikerfi um þann
hluta hreppsins, sem er þréttbýl-
astur, og það verk fái svipaðan
framgang og hitaveitan hér í bæn-
um, en hreppurinn standi undir
kostnaði við það verk.
— Hafa einhverjir verkþættir
þegar verið boðnir út?
— Undirstöður undir aðveitu-
pípu hafa verið boðnar út, og þar
varð Norðurverk h/f lægstbjóð-
andi. Möl og sandur h/f mun gera
greinibrunna fyrir innanbæjar-
kerfið. Einnig voru boðnir út svo-
kallaðir sleðar, sem pípan situr
ofan á, og það verk hlaut Vél-
smiðjan Oddi. Nú, efnið er búið
að bjóða út að langmestu leyti, og
nú þessa dagana er t.d. verið að
kanna tilboð í álkápuna, sem sett
er utan á pipuna, en búið að taka
afstöðu til tilboða i einangrunina.
— Verður pípan á lofti?
— Hún verður á lofti alla leið
frá Laugalandi að Skammagili
hér sunnarlega i bænum, en eftir
það verður hún í einangruðum,
steyptum stokk. Fyrsta árið mun-
um við nota dælingu frá Lauga-
landi án miðlunargeymis, sem
verður byggður á næsta ári. Sá
miðlunargeymir á að standa
skammt frá Elliheimilinu, á
gamla golfvellinum, og þar
verður lika dælustöð til þess að
dæla vatni upp á efra þrýsti-
svæðið og upp i efri geyminn, sem
verður uppi á Miðhúsaklöppum.
— Lengd aðfærsluæðarinnar frá
Syðra-Laugalandi að miðlunar-
geyminum við Elliheimilið verður
nálægt 12,5 km.
— Hvaða verkum á að ljúka á
þessu ári?
— Það eru dælustöð á Lauga-
landi, loftskilja á Laugalandi, að-
veituæðin til Akureyrar og hluti
af dreifikerfinu. Við stefnum að
því, að fyrstu húsin verði tengd
fyrir áramót.
— Hvaða hverfi verða fyrst fyr-
ir valinu?
— Það er hverfið milli
Mýrarvegar og Þórunnarstrætis,
en reynt verður að tengja lika
hverfið austan Þórunnarstrætis
að einhverju leyti, skólana, sund-
laugina og sjúkrahúsið, sem eru
stærstu byggingarnar á þessu
svæði. Okkur er mikill hagur í að
ná þessum þurftafreku notendum
strax vegna teknanna af þeim, og
þar á ég við þau stórhýsi, sem ég
nefndi. Hve langt norður eftir
efra svæðinu við komumst á árinu
og eins hvort við getum tengt
ibúðarhúsin í neðra hverfinu fyr-
ir áramótin næstu, fer eftir ýms-
um atvikum, og það verður
reynslan að leiða í ljós.
— 1 hvaða röð koma svo önnur
hverfi?
— Því á ég erfitt með að svara
núna, en ætlunin er að fara
einnig á þessu ári með stofnæðina
norður Þórunnarstræti og ná þar
miklum notanda, sem er SÍS-
verksmiðjurnar, og síðan eru það
stórbyggingarnar við Tryggva-
braut og Glerárgötu, sem þyrfti
að tengja fljótlega. Við þyrftum
að ná sem stærstum markaði
fljótt til þess að fá tekjur. Einnig
verður lögð áhersla á að komast
út i Glerárhverfi og taka nýja
íbúðarhverfið þar, þannig að
menn þurfi ekki að leggja i þann
aukakostnað að vera að hugsa um
olíukyndingu, kannski til eins
árs.
— Hvernær er áætlað að fram-
kvæmdum ljúki?
— Þetta er eiginlega fjögurra
ára áætlun, en þó verður lang-
mest gert á árinu 1978. Segja má
að eftir áætlun okkar verði búið
að tengja meginhluta bæjarins á
þremur árum.
Hver er áætláður kostnaður við
verkið í heild?
— Segja má, að miðað við verð-
lag á þessu ári, 1977, þá séu það
rétt um 4 milljarðar kröna. Ef við
sundurliðum áætlaðan kostnað
miðað við verðlag í ágústmánuði
1976, yrði hann i stórum dráttum
þannig, að kostnaður við vatnsöfl-
un, sem er óvissasti hluti
áætlunarinnar, væri 830 millj. kr.,
dælustöðvar og geyma 269 millj.
kr., aðveituæð 614 millj. kr. og
dreifikerfi 1698 millj. kr., eða alls
3411 millj. kr.
— Hvað má búast við að heim-
taugargjaldið verði hátt, t.d.
miðað við meðal-einbýlishú?
— Eftir mínum útreikningi yrði
það svona um 200 þúsund krónur
á um 500 rúmmetra íbúðarhús, en
það mun vera nálægt meðalstærð
nýrra einbýlishúsa. Miðað við aór-
ar íbúðastærðir breyttist heim-
taugargjaldið hlutfallslega.
Ætlunin er að gefa mönnum kost
á að borga það í þrennu lagi,
þannig að það dreifist á þrjú ár.
— Verður nokkur fyrirgreiðsla
um lánsútveganir handa húseig-
endum af bæjarins hálfu?
— Aðeins á þennan hátt, að
bærinn mun taka við víxlum eða
skuldarviðurkenningu frá húseig-
endum, en bærinn hefir fengið
vilyrði fyrir því að geta síðan selt
þá víxla í banka. Það er eiginlega
krafa þeirra, sem ætla að lána fé
til Hitaveitunnar að við fjármögn-
um hana að 1/5 hluta, og það
verður að gera með heimtaugar-
gjöldum.
— Verður lánsfé innlent eða
erlent?
— Það verður erlent, ég geri
ráð fyrir að það verði fengið hjá
bandarískum banka. Fulltrúar
hans hafa komið hingað og kynnt
sér aðstæður og áætanir, og þeir
hafa tvívegis átt viðræður við
fulltrúa frá Akureyrarbæ og
virðast vera áhugasamir og vel-
viljaðir.
— Það eru því engin likindi til,
að verkið strandi á fjárskorti?
— Það væri þá það eina, að
lánsfjáráætlun rikisstjórnarinnar
gerir ekki ráð fyrir því, að á þessu
ári komi i hlut Hitaveitu Akureyr-
ar nema 650 millj. kr., en þó er
þar sá varnagli, að sýni það sig, að
framkvæmdin gangi það vel, að
þar þurfi á meiri peningum að
halda, þá verði möguleikar á þvi
kannaðir.
— Er nokkuð séð enn, hvað
lítrinn af heita vatninu muni
kosta, kominn inn fyrir húsvegg?
— Ónei, en hins vegar eru
áætlanir við það miðaðar, að
verðið sé fyrstú árin 60% af olíu-
verði, það er svipað eða ívið lægrá
verð en núverandi rafmagnsverð
til upphitunar. Miðað er við að
greiða allan framkvæmdakostnað
niður á 25 árum. Þá gætu afnota-
gjöld lækkað verulega, og meira
að segja er gert ráð fyrir því, að
þau lækki fyrr.
— Eins og þú sagðir áðan, er nú
búið að ráða mann i stöðu hita-
veitustjóra, og það léttir náttúru-
lega erfiðinu af herðum ykkar
sem hafið staðið í fremstu víglínu
við að koma öllu þessu í kring.
Verður ekki ráðið í fleiri störf á
vegum Hitaveitunnar?
— Jú, ég held, að það sé orðið
aðkallandi að ráða fleiri menn.
Við þurfum að fara að taka á móti
ýmsu efni, sem kemur, og eins
þurfa starfsmenn að kynna sér
framkvæmdir annars staðar, þar
sem verið er að vinna að hitaveit-
um, svo sem á Suðurnesjum, í
Hafnarfirði og hjá Hitaveitu
Reykjavikur. Það þarf að skóla
upp eftirlitsmenn með verk-
tökum, svo að ég held, að það sé
alveg óumflýjanlegt að ráða
nokkra menn sem allra fyrst. Ég
geri ráð fyrir, að hitaveitustjóri
geti hafið störf i næsta mánuði.
— Fyrir nokkru samþykkti
bæjarstjórn reglugerð fyrir Hita-
veitu Akureyrar, og þar með telst
fyritækið stofnað. Eruð þið
nefndarmenn ekki ánægðir með
þá reglugerð?
— Ójú, sei, sei, enda sömdum
við hana að mestu leyti sjálfir.
Nú, í henni er, eins og í flestum
reglugerðum um hitaveitur,
ákvæði um það, að skylt sé að taka
heimtaug. Þetta er kannski við-
kvæmara mál hér á Akureyri en
víða annars staðar, vegna þess að
margir eru með upphitun með
rafmagni, sem selt er á sam-
keppnisfæru verði. Það er þó alls
ekki ætlun okkar, eða að minnsta
kosti er það ekki hugmynd mín,
að beita þessu ákvæði af neinni
hörku. Það er fyrst og fremst sett
inn til þess að allar nýbyggingar
verði tengdar og við getum lagt
heimtaug að húsum. Nú vitum við
það, að sá tími getur komiö, að
eigendur húsa, sem nú eru hituð
upp með rafmagni, óski eftir hita-
veitu og það jafnvel nokkuð
Framhald á bls. 51
Uppdrátturinn sýnir væntaniega legu aðveituæðarinnar frá Syðra-Laugalandi til Akureyrar
i i; • ’ u/.
r )i l.lou Oj i • )
J