Morgunblaðið - 03.11.1977, Blaðsíða 21

MORGUNBLAÐIÐ, FIMMTUDAGUR 3. NÓVEMBER 1977
21
Rætt vió skipbrotsmenn á söndum Meðallands
Fjórir féllu útbyrð-
is þegar gúmmí-
bátnumhvolfdi
í brimgarðinum
ÞAÐ FÓR vel um skipbrotsmennina af Gullfaxa SF
þegar blaðamenn Morgunblaðsins komu á bæinn
Bakkakot í Meðallandi liðlega klukkustundu eftir að
Björgunarsveit Meðallendinga hafði hitt skipbrots-
mennina 5 fáklædda í fjörunni fvrir austan Skarðs-
fjöruvita. Skipbrotsmennirnir höfðu lent í mikilli
lífshættu þegar björgunarbát þeirra hvolfdi í brim-
garðinum og fjórir þeirra féllu útbvrðis og bar frá
bátnum um stund. Var þeim orðið mjög kalt þegar
Meðallendingarnir komu til bjargar.
„STÓÐ TÆPT AÐ
VIÐ NÆÐUM 1
BJÖRGUNAR-
BATINN"
Við ræddum við skipbrots-
mennina í stofu í Bakkakoti,
þeir voru komnir í ullarfalnað.
sjóðandi kaffi á könnunni,
smurt ltrauð og nýltakað með-
læti á borðum og það kraumaði
í kjötpottum.
,,Við vorum á siglingu vestur
i svolítið þungri öldu, þegar
báturinn hreinlega lagðist á
hliðina og sökk,“ sagði Guð-
mundur Sigurðsson stýrimaður
þegar við hófum spjall okkar
ásamt hinum skipverjunum
sem björguðust í land, Jóni
Stefánssyni vélstjóra, 23 ára,
Stefáni Steinarssyni, 23 ára,
Sigurjóni Gunnarssyni, 18 ára,
og Hallgrími Guðmundssyni, 14
ára, en þeir félagar eru allir frá
Hornafirði.
,,Það liðu varla nema ein eða
tvær mínútur frá því að við
urðum varir við eitthvað óeðli-
legt og þangað til báturinn var
sokkinn," hélt Guðmundur
áfram, „og það stóð mjög tæpt
að við næðum að komast um
borð i 'gúmbjörgunarbátinn.
Við náðum öðrum bátnum áður
en Gullfaxi sökk og fórum allir
i hann, flestir á nærfötunum
einum fata, en skömmu eftir að
Gullfaxi sökk skaut hinu
björgunarbátshylkinu upp og
við náðum þvi og gátum blásið
þann bát upp. Þrír fóru siðan í
hann, en það reyndist enginn
aðslaóa til að binda bátana sam-
an. Við vorum fimm í minni
bátnum og skjótt slitnaði
rekankerið á bát okkar og eftir
það rak hann mjög hratt í átt-.
ina að brimgarðinum. Við vor-
um að ég tel um 3 mílur frá
landi þegar báturinn sökk á um
30 faðma dýpi.
„SKILEKKI
HVERNIG VIÐ
NAÐUM BJÖRGUNAR-
BATNUM AFTUR"
Við vorum líklega búnir að
skjóta upp tveimur neyðarblys-
um þegar. Árni Friðriksson sá
okkur og þegar hann náði
stærri björgunarbátnum vorum
við um það bil 200 metrum inn-
an við jaðar brimgarðsins. Bát
okkar rak mjög hratt inn í
brimskaflana vegna þess aó
rekankerið vantaði og þar
hvolfdi bátnum fyrir innan rif i
brimgarðinum. Fjórir okkar
duttu út úr bátnum og ég skil
satt aö segja ekki hvernig við
náðum bátnum aftur, því einn,
Stefán Steinarsson, bar til
dæmis um 20 metra frá bátnum
þarna í brimrótinu. Þegar bátn-
um hvolfdi sneri opið á honum
niður.“
„VISSI HVORKI
UPP NÉ NIÐUR"
Jón: „Ég hékk á spotta inni í
bátnum og vissi ekkert hvað
sneri upp eða hvað var niöur.
Skipbrotsmennirnir þrír í gúmbjörgunarbátnum. þegar Arni Friðriksson kom að þeim í ;>ær.
Ljúsm.: Mbl.: Oskar Sa*mundsson.
Björgunarháturinn kominn að hlið rannsóknaskipsins.
því ég var lokaóur inni í bátn-
unt. Það eina sem ég hugsaöi
um var að halda mér og þótt ég
kallaði í strákana fékk ég engin
svör."
Sigurjón: „Eg skauzt upp
undan bátnum eftir að honum
hvolfdi og náði þá strax taki á
honum."
Jón: „Það bjargaði okkur að
ekki reið annað brot yfir
bátinn. Vió hjálpuðumst síðan
við að koma bátnum á kjöl eftir
að stákarnir voru aftur komnir
að bátnum. Guðmundur lenti
undir honum og var æði lengi í
kafi.,.
„HÍFÐI MIG UPP A
________GUÐMUNÐI,,__________
Sigurjón: „Ég hífói mig upp á
löppunum á Guðmundi, svo ég
hef verió enn dýpra."
Guðmundur: „Já, og svo
klifraði hann upp bakið á mér,
það var ekk'i að furða þólt ég
væri lengi í kafinu."
Sigurjón: „Ég vissi ekkert í
hvað ég hélt, en Guðmundur
var eina festan þarna í brim-
garðinum."
Sjö vindstig voru af austri
þegar báturinn sökk og þungur
sjór. Strákarnir fimm voru um
hálfa klukkustund aö reka í
land, en eftir að þeir voru
komnir inn f.vrir brimgarðinn
gátu þeir nokkuð stýrt bátnum
með ár þá tæpu 100 metra sem
þá voru eftir í fjöruna. Skjótt
eftir að þeir komust í bátinn
rifnaði þak hans og var bátur-
inn þvi hálffullur af sjó allan
tfmann sem hann var á réttum
kili. Strákarnir voru allir ber-
Framhald á bls. 22
Skipbrotsmennirnir 5 í Bakkakoti í gær, en heimafólk hafði þá lánað þeim ullarfatn
að, enda veitti ekki af eftir volkið. Frá vinstri: Jón Stefánsson vélstjóri, Guðmundur
Sigurðsson stýrimaður, Stefán Steinarsson. Sigurjón Gunnarsson o;> Hallgrímur
Guðmundsson en hann hefur verið sjómaður í eitt ár og er þó aðeins á 13. ári.
örgunarsveitarmanna Meðallendinga sem fóru á vettvang. Frá vinstri:
Eiríkur Hávarðsson Efri-Fljótum, Jón Revnir Einarsson Efri-Steinsmýri. Sigurgeir
Jóhannsson í Bakkakoti formaður björgunarsveitarinnar. Olafur Hávarðsson Fljóta-
krók, Magnús Pálsson Syðri-Steinsmýri og Jóhann G. Sigurðsson Bakkakoti.