Morgunblaðið - 04.05.1978, Qupperneq 9

MORGUNBLAÐIÐ, FIMMTUDAGUR 4. MAÍ 1978 4 1
Hverfafundir borgarstjóra...Hverfafundir borgarstjóra
rúmgott hlað, sem væri kjörinn
mannamótsstaður. Aðeins einn
bekkur væri þarna og rúmaði 4 í
sæti. Að lokinni laugarferð hefðu
margir stanzað þarna til að bíða
eftir samferðarfólki sínu eða til að
njóta góða veðursins, hvíla sig og
blanda geði við annað fólk. Því
þyrfti að koma þarna fyrir fleiri
sætum til að bæta skilyrði fyrir
mannlegum samskiptum, auk þess
sem gera mætti umhverfið meira
aðlaðandi, t.d. með blómum og
öðru er gleddi mannlegt auga.
Borgarstjóri kvað þetta ágætis
hugmynd, sem hann myndi koma
á framfæri. Bæði mætti koma
þarna fyrir bekkjum og eflaust á
fleiri stöðum í borginni þannig að
fólk gæti komið saman, notið
útivistar og fagurs umhverfis.
Skipulag á
Landakotstúni
samþykkt
Gyða Jónsdóttir spurði hvort
fullnaðarsamþykkt borgaryfir-
valda væri fengið til fyrirhugaðra
bygginga á nær öllum vesturhluta
Landakotstúns, auk þess sem
fyrirhugað væri að skerða austur-
hluta túnsins með bílastæðum.
í svari borgarstjóra kom fram
að borgaryfirvöld hafa endanlega
staðfest skipulag á Landakotstúni
og gert um það bindandi samning
við kaþólska söfnuðinn. „Hins
vegar er það ofmælt hjá fyrir-
spyrjanda að reiknað sé með
byggingu á nær öllum vesturhluta
túnsins, þ.e. vestan við göngustíg-
inn sem liggur um Landakotstún.
Það er gert ráð fyrir byggingum
í stað þeirra sem verða rifnar
kringum skólann, en hann á hins
vegar að standa. Þarna er gert ráð
fyrir að hægt sé að byggja
biskupsstofu og prestshús, við
Hávallagötu, næst þeim lóðum,
sem þegar eru byggðar.
Ennfremur er gert ráð fyrir að
tekin verði mjó ræma af túninu við
Túngötu undir bílastæði, en að
öðru leyti verður túnið skipulagt
sem útivistarsvæði. Með þessu er
borgin búin að tryggja sér endan-
legan yfirráðarétt yfir öllu svæð-
inu austan göngustígsins á Landa-
kotstúni. Þar er hugmyndin að
skipuleggja skrúðgarð og eiga
tillögur að liggja fyrir í lok þessa
árs.
Sannleikurinn er sá að borgin
hefur aldrei haft nein yfirráð yfir
þessu túni. Kaþólski söfnuðurinn
hefur átt það og getað gert það,
sem hann hefur langað til með
túnið, nema að byggja á því án
leyfis. T.d. hefði söfnuðurinn getað
girt túnið af,“ sagði Birgir ísleifur.
Hundahald
Sigurður Pétursson spurði
hvort vænta mætti einhverra
breytinga á framkvæmd reglu-
gerðar þeirrar sem bannar hunda-
hald í Reykjavík.
Borgarstjóri sagði, að hunda-
hald kæmi til umræðu í borgar-
stjórn við og við. Síðast myndi
hann eftir að rætt hefði verið um
hundahaldið fyrir tæpum tveimur
árum og reglugerðin þá verið
rædd. Mikill meirihluti borgar-
stjórnar hefði þá ekki viljað
breyta þeirri stefnu, sem ríkt hefði
í þessum málum. Hins vegar væri
því ekki að neita að reglugerðinni
væri ekki framfylgt eins og skyldi,
sem stafaði einfaldlega af því, að
lögreglan teldi sig skorta nokkra
lagalega heimild til þess að
framfylgja hundabanninu á þann
hátt, sem hún teldi að dygði.
Skúr við
Sörlaskjól
Sigrún Guðbjörnsdóttir sagði
að fyrir síðustu borgarstjórnar-
kosningar hefði íbúum Sörlaskjóls
verið lofað að skúr framan við
húsin nr. 58-60 yrði rifinn, en
þetta loforð hefði ekki verið efnt.
Þessu máli hefði þó verið haldið
við af hálfu íbúa t.d. á fundi, sem
haldinn var með borgarstjóra 5.
nóvember 1976. Sagðist hún vilja
Nýtt dag-
heimili í
byggingu
í Vestur-
bænum
minna borgarstjóra á, að þetta
hverfi væri nú orðið 35 ára og
vonuðust íbúar eftir aðgerðum í
skúramálinu hið fyrsta.
„Sannleikurinn er sá, að það
hefur reynst erfiðara en flestir
héldu í upphafi, að losna við
þennan skúr, sem er í einkaeign.
Samningar við aðilann sem á
skúrinn hafa ekki tekizt, en
borginni hefur þó tekizt að losna
við aðra skúra þarna í'nágrenninu.
Borgin hefur gert tilraunir af og
til í þá átt að ná samningum við
eigenda umrædds skúrs, en ekki
tekizt, en ég mun gera eina tilraun
»enn,“ sagði borgarstjóri.
Melavöllurinn og
framtíðin
Loftur Guðbjartsson spurði
hvort fyrirhugað væri að leggja
Melavöllinn niður í framtíðinni og
ef svo væri, hvernig það svæði yrði
þá nýtt.
Borgarstjóri sagði að þegar
Háskóli íslands hefði orðið 60 ára
árið 1961, hefði Reykjavíkurborg
gefið háskólanum allmikið land í
nágrenni við skólann og þar á
meðal svæðið, sem Melavöllurinn
væri á. Hins vegar hefði ekki enn
verið gengið endanlega frá skipu-
lagningu á þessu svæði. Það vissu
þó flestir að með byggingu Þjóðar-
bókhlöðu hefði Melavöllurinn
skerst nokkuð, en með því að færa
völlinn aðeins til væri sýnt að
hægt væri að nota hann um
ófyrirsjáanlegan tíma og sér segði
hugur um að við gætum verið róleg
vegna framtíðar Melavallarins.
Söluturn við
Lækjargötu
Theódór Lilliendahl spurði
hvort gamli söluturninn sem
settur hefði verið upp í Austur-
stræti, yrði þar til frambúðar og
hvaða hlutverki hann ætti að
gegna þar.
I svari borgarstjóra kom fram,
að söluturninn verður á þessum
stað til frambúðar. Skoðanir um
staðsetningu turnsins væru og
hefðu verið nokkuð skiptar, en
ástæðan fyrir því, að turninum
hefði verið komið fyrir á þessum
stað, væri að hann hefði upphaf-
lega staðið á Lækjartorgi, þaðan
hefði hann verið fluttur á horn
Hverfisgötu og Kalkofnsvegar og
síðan upp í Arbæjarsafn. Þá hefði
hann verið gerður upp og fluttur
í miðborgina á ný.
„En ástæðan fyrir því að turn-
inn er nú í mynni Austurstrætis er
sú, að Lækjartorg hefur löngum
verið vinsæll staður til að halda
fjöldafundi og samkomur, en ef
turninn hefði verið settur niður á
mitt torgið hefði hann slitið það í
sundur og torgið orðið illnothæft
sem fundarstaður.
Það er ráð fyrir því gert að í
turninum verði fyrst og fremst
upplýsingaþjónusta fyrir ferða-
menn í svipuðum dúr og var í
biðskýlinu á Lækjartorgi undan-
farin sumur, og þá fyrst og fremst
fyrir erlenda ferðamenn. Hvort
einhver sölustarfsemi verður einn-
ig í turninum, hefur engin ákvörð-
un verið tekin um enn,“ sagði
borgarstjóri.
Landakotsskóli
hverfisskóli
Sigríður A. spurði hvort eitt-
hvað væri því til fyrirstöðu að
Landakotsskóli fengi fjárveitingu
til kennarahalds, þar sem skólinn
hefði þjónað borginni með prýði
frá aldamótum. Nú ætti skólinn í
vök að verjast vegna fjárskorts.
Það væri vitað að einn kennari
væri á launum hjá borginni og
segði það sig sjálft að það það
þætti lítil aðstoð hjá öðrum
stofnunum.
Borgarstjóri sagði að Landa-
kotsskóli væri einkaskóli, sem
hingað til hefði ekki verið felldur
inn í hið ákveðna skólakerfi
borgarinnar að öðru leyti en því að
hann hefði full réttindi sem slíkur.
„Fyrir tveimur árum var þess
óskað af hálfu Landakotsskóla að
borgin styrkti skólann með fram-
lagi, sem næmi launum eins
kennara og það hefur borgin gert.
Hins vegar hefur ekki komið til
tals að auka þessa styrkveitingu.
Það hefur komið til tals, en er þó
alls óvíst, að Landakotsskóli verði
raunverulegur hverfaskóli fyrir
vesturbæinn og gamli Vesturbæj-
arskólinn verði þá lagður niður,
þannig að nýi Landakotsskólinn
taki við hans hlutverki," sagði
borgarstjóri og bætti því við að
þetta mál væri enn á algjöru
frumstigi, og hann hefði aðeins
sagt frá þessu, vegna framkominn-
ar spurningar.
Skipulag á
Eiðisgranda
Valtýr Guðmundsson spurði
hvernig skipulagi á Eiðisgranda-
svæðinu yrði háttað í framtíðinni.
Sagði hann að fyrir 8 árum hefði
Geir Hallgrímsson sýnt grænt
Endanlegt
skipulag
á Landa-
kotstúni
staðfest
svæði á þessum stað, síðan hefði
komið eitthvað nýtt, sem fólk
fengi ekki að vita.
„Það er sennilega misminni hjá
Valtý að þarna hafi átt að vera
grænt svæði," sagði borgarstjóri í
svari sínu. „Á gamla skipulaginu
var gert ráð fyrir að Eiðisgranda-
svæðið yrði iðnaðarsvæði og einnig
yrði hægt að byggja upp í beinu
framhaldi af höfninni vörugeymsl-
ur og fiskverkunarhús.
Þessu skipulagi var síðan breytt
og ákveðið að byggja þarna
íbúðarhverfi og þá í nokkrum
áföngum. Nú er búið að byggja
fjölbýlishús með 146 íbúðum; þá
hefði verið úthlutað tveimur fjöl-
býlishúsum 7 og 9 hæða, þrem 3
hæða fjölbýlishúsum og 13 raðhús-
um verður úthlutað. Samtals eiga
að vera í þessum húsum 125 íbúðir
auk raðhúsanna.
Síðan er gert ráð fyrir að svæðið
verði skipulagt áfram í átt að
mörkum Seltjarnarness, en það
skipulag er ekki enn fullfrágengið.
Á því svæði má búast við bland-
aðri byggð fjölbýlishúsa og rað-
húsa og hugsanlega verða þarna
einnig einhver einbýlishús, en inn
á milli verða háhýsi, sem lyfta sér
upp úr byggðinni," sagði borgar-
stjóri.
Landakotsspítali
stækkaður
Aldís Schram sagðist hafa
heyrt að í bígerð væri að stækka
Landakotsspítala. Sig langaði til
að vita hvort eitthvað væri til í
þeim efnum, og hvort borgarstjóri
teldi mögulegt að beina umferð-
inni, sem nú væri í kringum
Landakot eitthvað annað. Umferð-
in þar væri orðin alltof mikil.
I svari sínu sagði borgarstjóri að
það væri rétt, að stjórnendur
Landakotsspítala hefðu hug á að
stækka hann. „í þessu máli liggur
ekki fyrir nein samþykkt né heldur
hefur komið fram beiðni frá
sjúkrahússtjórninni um stækkun
spítalans. Það hefur alltaf verið
gert ráð fyrir, að hægt verði að
byggja við spítalann og þá álmu út
að Öldugötu. Um staðsetningu,
hæð álmunnar og hve nálægt
Öldugötu hún ætti að koma er allt
óvíst og að sjálfsögðu verður
húsbyggingin ekki samþykkt án
þess að tekið verði tillit til
umhverfisins á þessum stað.
í fyrirhugaðri álmu hefur
sjúkrahússtjórnin áhuga á að
koma fyrir þjónustumiðstöð, eins
konar göngudeild, og hugsanlega
heilsugæzlustöð fyrir þetta hverfi
og einhverri þjónustuaðstöðu fyrir
spítalann. Þetta mál er hins vegar
á algjöru byrjunarstigi og forráða-
menn Landakotsspítala hafa tjáð
mér, að þessi framkvæmd sé ekki
á næstu grösum. Hins vegar er það
öruggt að þegar málið kemur á
dagskrá að þá verður það kynnt
íbúum þessa hverfis," sagði borg-
arstjóri.
Rafmagnsbílar
Helgi Geirsson sagðist hafa
áhuga á að vita nánar um kaup
Reykjavíkurborgar á rafmagnsbíl-
um.
Borgarstjóri sagði í svari sínu
til Helga að borgarstjórn hefði
samþykkt tillögu um að kanna
hvort rétt væri að gera tilraun
með rafmagnsbíla í Reykjavík,
annars vegar með strætisvagna og
hins vegar með létta þjónustubíla,
sem borgin ætti og ræki fyrir sína
vinnuflokka. „Þessi athugun er
rétt á byrjunarstigi og það líður
eflaust nokkur tími þar til ákvörð-
un verður tekin.“
Lán til íbúðakaupa
Anna Kristjánsdóttir sagðist
ekki geta stillt sig um að spyrja
borgarstjóra í sambandi við hug-
myndir hans um Landakotsskóla
og um leið hugsanlega breytingu á
skólafyrirkomulagi í Vesturbæn-
um, hvort til stæði að byggja við
Landakotsskóla. Hún minntist
þess ekki að í samningum við
kaþólska söfnuðinn væri nokkurs
staðar getið um hugsanlega skóla-
byggingu.
I öðru lagi sagðist hún vilja
spyrja hvort ekki væri rétt að
borgin hefði eitt sinn hugsað sér
að auka lánastarfsemi til kaupa á
eldra húsnæði og hvort borgar-
stjóri teldi ekki eðlilegt að taka
það mál upp aftur, sérstaklega nú
þegar hann kvartaði undan mikl-
um kostnaði i nýjum hverfum t.d.
við lagningu skolpræsa.
Birgir ísleifur Gunnarsson sagði
í svari sínu, að í samningum við
Landakotsskóla væri gert ráð fyrir
að byggja nýja kennsluálmu við
skólann. „Það er sú stækkun sem
getur komið þvi til leiðar, að þessi
skóli geti gegnt ákveðnu hlutverki
í kerfinu."
Varðandi lán til kaupa á eldra
húsnæði sagði borgarstjóri, að
slíkt hefði komið til tals í borgar-
stjórn og tillögur þar að lútandi
bornar fram. „Við höfum hins
vegar ekki treyst okkur til þess að
fara út í lánastarfsemi, einfald-
lega af fjárhagsástæðum, þar sem
okkar verkefnalisti er ávallt það
langur og þó svo að svona lána-
starfsemi sparaði nýbyggingar í
nýjum hverfum þá skila lánin sér
á alltof löngum tíma. Á hinn
bóginn höfum við talið að það sé
verkefni annarra aðila í þjóðfélag-
inu að annast lánastarfsemi til
íbúðakaupa og það tel ég vera
verkefni ríkisvaldsins, en ekki
sveitarfélaga. Við ætlum nú að
reyna á það til þrautar, m.a. með
viðræðum við Húsnæðismála-
stjórn ríkisins, hvort ekki sé unnt
að koma þeirri stefnubreytingu
inn í kerfið, að meira sé lánað til
kaupa á eldri íbúðum."
Verzlanir opnar um
helgar
Brynhildur Andersen sagði að
sér fyndist það hart að Reykvík-
ingar þyrftu að sækja í verzlanir
út á Seltjarnarnes um helgar.
Sagðist hún vilja spyrja borgar-
stjóra hvort hann gæti ekki beitt
sér fyrir því, að verzlanir í
Reykjavík yrðu opnar um helgar.
Borgarstjóri sagði í svari sínu,
að það hefði verið rætt um það í
borgarstjórn hvort rétt væri að
breyta þeirri reglugerð sem nú
gilti um lokunar- og opnunartíma
verzlana í Reykjavík. Þessi reglu-
gerð hefði verið sett á sínum tíma
í samvinnu við kaupmannasam-
tökin, Verzlunarmannafélag
Reykjavíkur og þá aðila aðra sem
þarna ættu hlut að máli.
„Við höfum ekki treyst okkur til
að breyta þessari reglugerð án
þess að hafa fullt samráð við þá
aðila, sem hér eiga hlut að máli og
nýlega var sett á stofn viðræðu-
nefnd, sem á að fjalla um þetta
mál, þ.e.a.s. hvort breytingar séu
æskilegar eða ekki,“ sagði borgar-
stjóri.
Verður
Landakots-
skóli bluti
af skóla-
kerfi borg-
arinnar?
Á þessum myndum getur að líta nokkurn hluta þcirra manna. sem
sóttU hvcrfafund borgarstjóra í Átthagasal Hótels Sögu.