Morgunblaðið - 07.06.1978, Blaðsíða 19
MORGUNBLAÐIÐ, MIÐVIKUDAGUR 7. JÚNÍ 1978
19
— Fiskverð
Framhald af bls. 32
mið af markaðsverði afurða er-
lendis og framleiðslukostnaði
þeirra hérlendis, að teknu tilliti til
hins nýja viðmiðunarverðs, sem
stjórn Verðjöfnunarsjóðs fisk-
iðnaðarins hefur ákveðið fyrir
freðfiskafurðir á verðtímabilinu,
sem hófst 1. júní s.l. í samtali við
Morgunblaðið í gærkvöldi sagði
Davíð Ólafsson, formaður Verð-
jöfnunarsjóðs fiskiðnaðarins, að
viðmiðunarverð þarð, sem nú hefði
verið ákveðið, væri 15% hærra en
það sem gilti áður. Hins vegar
sagði Davíð að hið nýja viðmið-
unarverð gilti svo lengi sem
nægilegt fé væri í sjóðnum, þó eigi
skemur en í tvo mánuði.
Nýja fiskverðið var ákveðið með
atkvæðum seljenda og oddamanns
gegn atkvæðum kaupenda, en í
yfirnefndinni áttu sæti að þessu
sinni Jón Sigurðsson, sem var
oddamaðurnefndarinnar, Ágúst
Einarsson og Óskar Vigfússon af
hálfu seljenda og Árni Benedikts-
son og Eyjólfur ísfeld Eyjólfsson
af hálfu kaupenda.
— BÚH
Framhald af bls. 12
frá byrjun og fólkið verður að
ráða fram úr þeim sjálft og það
höfum við lagt áherzlu á við
framkvæmdastjóra BÚH, bæj-
arstjóra og bæjarfulltrúa,"
sagði Hallgrímur að endingu.
„Það hafa engar breytingar
orðið, nema hvað einhverjar
stúlkur hafa gengið um með
undirskriftalista. Þá kaus bæj-
arstjórnin nefnd skipaða full-
trúum allra flokka ásamt bæj-
arstjóra til að reyna að finna
lausn á deilunni," sagði Guðríð-
ur Elíasdóttir, formaður Verka-
kvennafélagsins Framtíðarinn-
ar. „Eg sé enga aðra leið færa
en að mennirnir víki úr starfi.
„Við höfum lengi reynt að fá
leiðréttingu mála hjá BÚH,
bæði höfum við gengið á fund
forstjóra og útgerðarráðs. Það
er því rógburður á hendur
okkur, sem birtist í Vísi í gær
og haft er eftir forstjóra útgerð-
arinnar, að við höfum ekkert
reynt að leysa þetta mál.
Þá er það leiðinlegt, að málið
skyldi koma upp nú þegar
enginn ábyrgur meirihluti var í
bæjarstjórn í Hafnarfirði. Við
berum eðlilega hiýjan hug til
BUH og viljum að rekstur
fyrirtækisins gangi vel. Það
væri ekki byrjað vinna eftir
bónuskerfi í fyrirtækinu, ef
formenn verkalýðsfélaganna
hefðu ekki unnið að því máli,“
sagði Guðríður.
— Vill halda
stöðvum
Framhald af bls. 1
afstaða Menachem Begins forsæt-
isráðherra ísraels valdi nú vax-
andi óþolinmæði hjá egypzku
stjórninni.
Israelsmenn hafa lofað að ljúka
brottflutningi sínum frá
Suður-Líbanon á þriðjudag en nú
hafa þeir sett nokkur skilyrði fyrir
því að ljúka þessum brottflutningi
að sögn líbanskra blaða og eitt
skilyrðanna er að þeir fái að halda
að minnsta kosti fjórum eftirlits-
stöðvum í suðvesturhluta Líban-
ons.
ísraelski herinn hefur borið
þessar fréttir til baka en að sögn
diplómata í Beirút hefur verið
búizt við slíkum skilyrðum. Þeir
benda á að ísraelsmenn höfðu sex
stöðvar á sínu valdi Líbanonsmeg-
in iandamæranna um nokkurra
mánaða skeið áður en þeir gerðu
innrásina í marz.
Blöðin segja að yfirmaður
friðargæzluliðs SÞ, Ensio
Siilasvuo hershöfðingi, hafi skýrt
líbönskum yfirvöldum frá þessum
skilyrðum og þau hafi hafnað
þeim. ísraelsmenn eru sagðir
mótfallnir því að líbanski herinn
taki sér stöðu á vissum stöðum og
krefjast þess að einungis friðar-
gæzlusveitir taki sér stöðu á tíu
kílómetra breiðu belti meðfram
landamærunum.
Palestínumenn neituðu í dag
gæzluhermönnum um að fara inn
í eitt helzta vígi þeirra annan
daginn í röð.
—Einn gómaður
í Meyermálinu
Framhald af bls. 1
Lögreglan fann fingraför
þriggja hryðjuverkakvenna í íbúð-
inni — Gabriele Rollnick, Inge
Viet og Ingrid Siepmann. Rollnick
og Viet flúðu úr fangelsi í
Vestur-Beriín 1976 og Siepmann
var látin laus 1975 í skiptum fyrir
stjórnmálamanninn Peter Lorenz
sem var rænt. Fjórðu hryðju-
verkakonunnar, Juliane Plambeck,
er einnig leitað í sambandi við
Meyer-málið.
Viehmann er bóksali og var
handtekinn áður en hann hafði
tóm til að draga upp skammbyssu
þegar hann var að stíga upp í bíl
sinn í miðborginni. Á honum
fannst 500 marka seðill, hluti
lausnargjaldsins sem var greitt
fyrir austurríska auðmanninn
Walter Palmers sem var rænt í
Vín í nóvember 1977.
— Rússar neita
Framhald af bls. 1
gegn tveggja milljón dollara
tryggingu fyrir hvorn um sig.
Rússarnir eru sakaðir um að
hafa reynt að kaupa skjöl um
hernað gegn kafbátum og önnur
bandarísk leyndarmál 10. maí í
Woodbridge af bandaríska sjólið-
anum og eru sagðir hafa greitt
honum 16.000 dollara. Hvorugur
Rússinn nýtur friðhelgi diplómata.
Vladimir Zinyakin, þriðji sendi-
ráðsritari í sendinefnd Rússa hjá
SÞ, var sakaður um þátttöku í
samsærinu en var ekki handtek-
inn. Hann fór úr landi að beiðni
bandariska utanríkisráðuneytis-
ins.
Enger vinnur í stjórnmáladeild
SÞ og Chernayev við starfsmanna-
hald.
— Ráðherra í
Bonn fer frá
Framhald af bls. 1
tvær vopnaðar konur sem sögð-
ust vera lögfræðingar björguðu
vinstriöfgamanninum Till Mey-
er úr fangelsi í Vestur-Berlín
fyrir 10 dögum.
Maihofer bar enga beina
ábyrgð á þessu, en innanríkis-
ráðherra Vestur-Berlínar, Júrg-
en Bauman, er einnig úr vinstra
armi Frjálsa demókrataflokks-
ins.
Leiðtogi frjálsra demókrata,
Hans-Dietrich Genscher utan-
ríkisráðherra, kallaði fram-
kvæmdastjórn og þingmenn
flokksins til fundar í kvöld til að
tilnefna eftirmann Maihofers.
Embætti innanríkisráðherra er
eitt fjögurra ráðherraembætta
sem frjálsir demókratar gegna.
— Afriskt herlið
til Zaire
Framhald af bls. 1
Bandaríkjamenn dragist inn í átök
í Afríku og sagði að bandarísk
yfirvöld mundu ekkert gera sem
þau hefðu ekki umboð til að gera.
Fyrstu fréttir um hina nýju
loftflutninga bárust frá París þar
sem bandarískur embættismaður
kallaði þá „sérstakt viðbragð við
sérstöku hættuástandi" og lagði á
það áherzlu að Bandaríkjamenn
ætluðu ekki að takast á herðar
íhlutunarhlutverk í Afríku.
Hann sagði þetta að loknum
fundi fimm vestrænna ríkja í
París þar sem fjallað var um
bágborið ástand efnahagsmála og
hermála Zaire og þá hættu sem
hófsömum ríkisstjórnum í Afríku
stafar frá starfsemi Rússa og
Kúbumanna í álfunni. Fundinn
sátu embættismenn frá Frakk-
landi, Bandaríkjunum, Bretlandi,
Vestur-Þýzkalandi og Belgíu og
nokkrar tillögur voru gerðar en
þær voru ékki birtar.
Utanríkisráðherra Kína, Huang
Huam, sem er í fjögurra daga
heimsókn í Zaire, sagði að löndin
bæði hefðu sameiginleg verkefni
þar sem þau yrðu bæði að berjast
gegn utanaðkomandi ógnun sem
stafaði frá sovézkri heimsvalda-
stefnu. Huang er háttsettasti
fulltrúi Kínverja sem heimsaekir
Zaire síðan löndin tóku upp
stjórnmálasamband fyrir fimm
árum og hann hefur gert feiki-
harðar árásir á Rússa og Kúbu-
menn í ferðinni fyrir stuðning
þeirra við uppreisnarmenn í
Shaba.
í Washington sagði utanríkis-
ráðherra Austur-Þjóðverja, Oskar
Fischer, að loknum fundi með
Cyrus Vance utanríkisráðherra að
Kúbumenn hefðu ekkert herlið í
Afríku.
— Humar-
vinnsla
Framhald af bls. 11.
við verkun humarafians og um
þessar mundir starfa 100 manns í
frystihúsinu á Höfn við verkun og
frágang humars. Auk þess sem
humarbátarnir legðu upp afla sinn
væru nokkrir bátar á trolli og
tveir réru með línu. Afli bátanna
hefði hins vegar verið sáratregur.
— Vantaði
húsnæði
Framhald af bls. 5.
unglingunum hlutdeild í hlýlegu
heimilislífi, þar sem jafnrétti ríkir
á öllum sviðum. Fullorðna heim-
ilisfólkið hlýtur þó í krafti aldurs
og reynslu að setja eðlileg takmörk
þegar þess er þörf. Jafnréttið er í
framkvæmd þannig að allar
ákvarðanir varðandi einstaka
heimilismenn og heimilið í heild
eru teknar í sameiningu á fundum.
Sambýlið er fjármagnað með
mánaðarlegum greiðslum með
hVerjum unglingi frá félagsmála-
stofnun eða sveitarfélagi. Auk
þess höfum við á starfstímabilinu
fengið nokkurn ríkisstyrk. Það
skal tekið fram að ungir sem eldri
hafa sem persónulegan vasapening
haft kr. 1500 á viku. Öðru fé er
ráðstafað í sameiningu.
Forsenda þess að við getum
hafið svipaða starfsemi aftur, eins
og ráðgert er, er að hentugt
húsnæði fáist. Ætlunin hefur alla
tíð verið að geta stundað búskap
í smáum stíl, garðrækt eða trillu-
útgerð. Stefnt verður að því að
befjast handa að nýju næsta vor,
og mun tímanum þangað til verða
varið til undirbúnings.
Sambýlið sð Sogni, Ölfusi
31. maí 1978.
(Fréttatilky nning)
— Sambandi
íraks og
Rússa slitið
Framhald af bls. 14.
úr kommúnistaflokknum sem voru
handteknir löngu áður en núver-
andi deila B'aath-flokksins, sem
fer með völdin í Irak, og komm-
únistaflokksins kom fram í dags-
ljósið. írak er eina 7Arabalándið
sem hefur gert formlegan vináttu-
og samstarfssamning við Rússa.
Opinberlega hefur ekkert verið
sagt um fréttirnar um handtök-
urnar og aftökurnar í Bagdad en
vikublað sem fylgir stjórninni að
málum hefur ráðizt á komm-
únistaflokkinn og gagnrýnt hann
fyrir undirgefni við Rússa.
Aukin tortryggni stjórnarinnar
í írak í garð Rússa hefur leitt til
deilu milli hennar og sovézka
sendiráðsins. Heimildir í Beirút
hermdu í apríllok, að sovézkir
diplómatar hefðu verið sviptir
vatni og rafmagni í fjóra mánuði
og að þeir hefðu loksins fallizt á
kröfur írakskra yfirvalda um að
flytja sovézka sendiráðið frá
nágrenni forsetahallarinnar.
Ef til kemur má vera að írakar
feti í fótspor Egypta sem slitu
vináttusamningi við Rússa í marz
1976 eftir að hafa rekið sovézka
tæknifræðinga og hernaðarráðu-
nauta úr landi.
Colgate MFP f luor tannkrem herðir
tennurnar og ver þær skemmdum.
1. Colgate MFP fluor gengur inn í glerunginn
og herðir hann.
2 Þess vegna verður glerungurinn sterkari.
Og börnunum líkar bragöiö.
Colgate MFP fluor tannkrem er reyndasta tannkremlð
á markaðnum.
Þúsundir barna um víða veröld hafa um árabil verið
þáttakendur í visindalegri Colgate-prófun og hefur hún
ótvirætt sannað að Colgate MFP fluor tann-
krem herðir glérung tannanna við hverja
burstun, þannig að tennurnar verða sifellt
sterkarí og skemmast siöur.
Þess vegna velja milljönir foreldra;um heim
allan Colgate MFP fluor tannkrem handa
börnum sinum.
herðirinn^/
O
□