Morgunblaðið - 08.07.1978, Blaðsíða 20

Morgunblaðið - 08.07.1978, Blaðsíða 20
20 MORGUNBLAÐIÐ, LAUGARDAGUR 8. JÚLÍ 1978 atvinna — atvinna — atvinna — atvinna — atvinna — atvinna Afgreiðslustarf Starfskraftur óskast í matvöruverslun strax. Ekki yngri en 18 ára. Tilboö sendist Mbl. fyrir 12. þ.m. merkt: „Stundvís — 7543." Kennara vantar Kennarar óskast að grunnskólanum á Hellu næsta vetur. íbúöarhúsnæöi í kennara- bústööum eru fyrir hendi. Umsóknir sendist til Jóns Þorgilssonar Heiövangi 22, Hellu fyrir 25. júlí nk. Skólanefnd. Rafmagnsveitur ríkisins óska aö ráöa skrifstofumann. Verslunar- skólapróf eöa hliöstæö menntun æskileg. Umsóknir meö upplýsingum um menntun, aldur og fyrri störf sendist starfsmanna- stjóra. Rafmagnsveitur ríkisins Kennara vantar Viö grunnskólann á Fáskrúösfiröi eru m.a. lausar stööur tónmenntakennara, dönsku- kennara og forskólakennara. Fyrir hendi er íbúðarhúsnæöi og kennt veröur í nýrri skólabyggingu. Uppl. gefur formaöur skólanefndar í síma 97-5194. Uppl. einnig veittar í síma 97-5263. Frá gagnfræða- skóla Keflavíkur Nokkrar kennarastööur eru lausar viö skólann næsta skólaár. Aðalkennslugreinar íslenzka og erlend mál. Skólinn verður einsetinn og vinnuaðstaða mjög góð. Upplýsingar gefur skólastjóri í síma 92-2597. Skólanefnd Keflavíkur. Starfskraftur óskast til almennra skrifstofustarfa og sölu á snyrtivörum. Tilboö sendist augl. deild Mbl. fyrir 15. júlí n.k. ásamt uppl. um menntun og fyrri störf merkt: „Snyrtivörur — 3610." Prentari óskast Ríkisprentsmiöjan Gutenberg óskar eftir aö ráöa prentara (Letterpress). Helst vanan Rotation eða anilínprentun. Upplýsingar gefur verkstjóri í vélasal. Ríkisprentsmiðjan Gutenberg Stöumúla 16—18. Sími 84522. Vélabókhald Hálfs dags starf við vélabókhald er laust til umsóknar hjá Sjúkrasamlagi Reykjavíkur. Laun samkvæmt kjarasamningi ríkisstarfs- manna. Umsóknarfrestur til 25. þ.m. Umsóknum skal skilaö í skrifstofu S.R. þar sem veittar eru nánari upplýsingar. Sjúkrasamlag Reykjavíkur Laust starf hjá ísafjarðarbæ Auglýst er eftir tæknimanni til starfa á tæknideild bæjarins. Nánari upplýsingar veitir bæjarverkfræöingur og undirritaöur. Umsókn fylgi upplýsingar um menntun og fyrri störf. Umsóknarfrestur er til 1. ágúst nk. ísafiröi 6. júlí 1978. Bæjarstjórinn á ísafiröi. Skrifstofumaður — sölumaður óskast Innfluttnings- og iönfyrirtæki óskar að ráöa vanan skrifstofumann. Þarf aö annast banka, toll og þess háttar. Einnig óskast góöur sölumaöur helst meö starfsreynslu. Tilboö leggist inn á afgr. Mbl. merkt: „I — 996" fyrir 12. júlí. Skrifstofustúlka Óskum aö ráöa stúlku til skrifstofustarfa. Reynsla í almennum skrifstofustörfum ásamt góöri enskukunnáttu nauðsynleg. Verður aö geta byrjaö fljótlega. Tilboö óskast send Morgunblaðinu fyrir 13. júlí n.k. merkt: „S — 7537". Starfskraftur óskast strax til símavörslu og vélrítunarstarfa hjá fyrirtæki á Reykjavíkursvæðinu. Upplýsing- ar um menntun og fyrri störf sendist Mbl. fyrir 12. þ.m. merkt: „S — 7659". Vélritunar- og afgreiðslustörf Vátryggingarfélag óskar eftir aö ráöa starfsfólk til eftirtalinna starfa: 1. Vélritunar og skjalavörslu. 2. Afgreiöslustarfa, iogjaldaútreikninga og skírteina- útgáfu. Æskileg menntun Samvinnuskóli eöa Verzlunarskóli. Umsóknir sendist til afgreioslu Mbl. fyrir 13. júlí n.k., merkt: „Vélritun eöa afgreiöslustörf, nr. — 7658", eftir því um hvort starfiö er sótt. Rafmagns eða véltæknifræðingur óskast til kennslustarfa og umsjónar við vélskóla og tækniskóladeildir lönskólans á ísafiröi. Umsóknarfrestur er til 5. ágúst. Uppl. veitir formaður skólanefndar Finnur Finnsson, sími 94-3313. Skólastjóri. Skátasamband p° Reykjavíkur auglýsir eftir framkvæmdastjóra frá 1. ágúst eöa 1. september n.k. Umsækjendur þurfa að hafa áhuga á og helst reynslu af æskulýösstarfsemi. Umsóknir meö upplýs- ingum um menntum og fyrri störf sendist augl. deild Mbl. merkt: „Skátasamband — 7526" — Bríet... Framhald af bls. 10 Klemenz Jónsson, Þ.J. Thoroddsen og Sigurður Thoroddsen. Ekki hefur málið þó fengið framgang það árið og ekki það næsta. En haustið 1911 er við umræður um vegaáætlun næsta árs samþykkt að macadamisera Austurstræti með koltjöru og mulningi, og kostnaður áætlaður 8480 kr. Jafnframt er lagt til að 9000 kr. verði veittar til kaupa á gufutromlu, er takist með Iáni. Þá er vegaáætlunin öll upp á 18485 kr., en holræsagerð 38.340 kr. Og nú er farið að leita eftir tromlunni. 26. febr. 1912 er samþykkt að leita eftir kaupi á tromlu með hreyfanlegri mulningsvél, þó þannig að hvort tveggja fáist fyrir hinar veittu 9000 kr. og bæjarverkfræðingnum falið að útvega tilboð þar um. í þetta merka verkfæri komu 8 tilboð um gufu- og mótortromlu, sem bæjarverkfræðingurinn hafði útvegað, og eru þau framlögð 13. maí 1912. Nefndin samþykkti að kaupa 6 tonna gufutromlu frá Aveling & Porter samkvæmt tilboði frá Geir G. Zoéga fyrir 375 pund fob Leith. Og nú er bæjar- stjórnin orðin stórtæk, því sömu- leiðis er ákveðið að kaupa mulningsvél frá Robert Broadbent & Sons samkvæmt tilboði sama fyrir 75 pund fob Leith. Ekki voru allir erfiðleikar úr sögunni, þó búið væri að panta valtarann. Hann kom þó á réttum tíma með dönsku skipi vorið 1912 að því Páll Ásmundsson hefur tjáð okkur, en hann man vel eftir þeim atburði. Þá var ekki komin nein hafnaraðstaða og varð að ílytja allan varning á bátum í land úr skipinu, sem lá úti á ytri hófninni. En svona stykki var ekki auðvelt að koma á land. Til þess voru fengnar talíur að láni og valtarinn dreginn úr bátnum upp í Hafnar- stræti með handafli. I það gekk enda nægur mannskapur, segir Páll. Vinnuaflið var svo ódýrt þá. Karlarnir fengu 25 aura á tímann. I Hafnarstræti var hellt vatni á ketilinn og hann kyntur upp. Og nú var hægt að fara að macadami- sera Austurstræti. Ekið um Árbæjartún „Bríet", sem aldrei gekk undir öðru nafni, setti svip á bæinn um. langt skeið og malbikaði götur. En það átti fyrir henni að liggja að lenda á safni. Hún mun hafa verið flutt upp í Árbæjarsafn um leið og Eimreiðin eftir Reykjavíkur- sýninguna miklu. Þar stóðu þessir merku gripir hlið við hlið á túninu um 15 ára skeið, og ekki hægt að setja þá inn. Voru báðar vélarnar orðnar illa farnar. Loks var fyrir 2—3 árum byggður skáli og Eimreiðin gerð upp sem kunnugt er. Og í framhaldi af því var farið að huga að Bríeti. Ólafur Jónsson, staðarráðsmaður í Árbæ, tók vélina í sundur með sínum mönnum. Var henni svo komið í viðgerð í vélsmiðjuna Tækni, þar sem roskinn maður, Dagur Hannesson, vann aðallega að viðgerðinni af mikilli natni. Var byrjað á því að gera við götin á katlinum, vélin svo sett saman og smíðaðir í hana smáhlutir eftir þörfum, og hún gerð gangfær. Þá tóku Árbæjarmenn við henni, hreinsuðu, máluðu og „snurfusuðu" og setja hana öðru hverju í gang til að æfa sig á að aka henni. Ætlunin er að aka Bríeti út á túnið við hátíðleg tækifæri. Ekki er hún þó sett í gang í neinni skyndingu. Tvo tíma tekur að kynda hana upp, en hana þarf að mata á timbri og kolum og bæta á hana vatni. — Það er allt önnur tækni í þessu en maöur á að venjast, segir Ólafur Jónsson. Öðru hverju þarf að stanza, þegar dampurinn fellur, og bíða eftir því að fá þrýstinginn upp aftur. Upphaflega átti að vinna með 180 pundum á henni en við stillum hana á 80 pund, og svo létt gengur hún vel fyrir sjálfri sér. Vegvaltarinn Bríet er semsagt búinn að fá virðulegt hlutverk í ellinni og verður Reykvíkingum, ungum og öldnum, væntanlega til fróðleiks og ánægju um ókomin ár. Það afrek sem hún vann á yngri árum, og þau tímamót sem urðu við komu hennar í verklegum framkvæmdum í borginni, eiga menn sjálfsagt erfitt með að átta sig á nú á tækniöld - E.Pá.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.